لحن القطن
ألحان... سيد درويش
مقام حجاز كار
أداء سيد مصطفى مع المجاميع.
ــــــــــــــــــ
ـــ*القطن وما أدراك ما القطن في الأيام دي
شبعنا شفط في جنيهات على حسه يافندي
دا العمده ريش بعد ما كان جيبه مصدي
بلا فول بلا قمح بلا شعير بلا دره بلا دردي
ـــ يا وحسة الفقرا يا زعزوع
حا يقطعوا أبونيه للجوع
والبورصه طالعه لنا بمطلوع
والقمح أكله صبح ممنوع
ـــ*دي لزقة ايه م الباب للطاق
يا جته نحس ياوش خناق
ـــ حرام عليكوا راقبوا الخلاق
الدنيا مادامتش لجندي
ـــ حد يحاشرنا في أطياننا*وأطيان أبونا
إن كنا نزرع غله واللا مكرونه
تجوعوا تشبعوا ما احناش فاتحينها طابونه
واللى مش عاجبه دوخيه يا لامونه
ـــ حرام عليكوا دا انتم قاسيين
وعلى قلوب المحتاجين
فيه ناس بتاكل بالملايين
وناس مش لاقيه ولا حاجه
والدنيا مادامتش لجندى
ـــ*إيش معنى بس يحللوا حبس الحراميه
ويسيبوا اللي اتخلقوا فى الدنيا أذيه
أنا لو كنت منك ياحكومتنا يا مصريه
لاشنق كل اللي مافيش في قلوبهم حنيه
ـــ ده بيقول ايه الله يجازيه
باينه عقله بأه فى رجليه
دا اللى انت واقف بين أياديه
عمده ابن عمده فتك ونبيه
أما صحيح انتم ملاعين
وقعتكوا سوده وزى الطين
ـــ إنتوا اللى ناقصين عقل ودين
والدنيا ما دامتش لجندى
القطن وما أدراك ما القطن في الأيام دي
شبعنا شفط في جنيهات على حسه يافندي
دا العمده ريش بعد ما كان جيبه مصدي
بلا فول بلا قمح بلا شعير بلا دره بلا دردي
لحن القطن
العرض العادي
