شكرا أستاذ عادل على تعديل علامات التحويل بس أنا معجب جدا بتدوين الأغنية دي بصراحة. أنا سمعت امبارح كل الحفلات اللي غنت فيها مصر التي في خاطري حتى تسجيل الأستديو وشايفه لحن سنباطي صعب أوي رغم النوتة سهلة أوي
مشاء الله عليك يا أستاذ عادل
أستاذ عادل في دلوقتي برامج تكتب شرقي وتعزفه ناقص بس يعزف دليل المقام شرقي ودي جاية خلال أشهر
أنا مع فكرة أستاذ عاصم وموافق تماما وأنا مستعد للمساعدة في أي شىء
انا اشكرك لأنك نبهتنى وانا صلحت النوتة بس لفت نظرى حاجةى البرنامج ال انت عملت فيه المنشن هل هو بيدعم التعديل فى ملفات pdf بالعربى يعنى مكن احذف كلام واضيف كتابة عربى ؟ لو ممكن تنزله لى هنا واشكرك جدا جدالأن عندى برنامج مش بيدعم عربى بالنسبةى للبرامج الى بتكتب شرقى انا جربت ميوز 2 وهو زبالة يعن انا النغمات الشرقية بقراها بعينى
آه يا أستاذ عادل البرنامج اللي عندي يقدر يعمل اي حاجة ممكن حضرتك تتخليها واقدر احذف بيمولات ونغمات أو اضيف كمان و ده من جوه البي دي اف نفسه. يعني مثلا نوتة مصر التي في خاطري أنا عدلت البيمولات من عندي من جوه البي أف بس أنا حبيت أقول لحضرتك علشان النوتة بتاعتك هي اللي حيشوفها ملايين أما نسختي أنا فانا بس اللي حاشوفها وأنا عدلت نسختي من نوتات حضرتك تانية مثلا عملية ضبط البيمولات أو نغمة مثلا سهوا تكون صول بس البرنامج خلها فا وهكذا. البرنامج يدعم AI وجميع انواع التعديلات والكتابة واللغات والمسح وكله وهو اسمه Foxit PDF Editor وهو في رايي افضل من ادوبي بمراحل https://www.foxit.com/pdf-editor/. البرنامج كامل وحيكون بين ايدك في لحظات. البرنامج يقدر يستخدم نفس فونت النوتة ونفس العوارض بنفس الفونت. يعني قارن حضرتك بين النسخة اللي عندي ونسخة حضرتك في التعديلات الأخيرة.
أنا في نسختي بخلي اسم حضرتك فوق بس واضيف البيمولات بنفس الفونت الاصلي اللي حضرتك استخدمته.
بالنسبة لبرامج التدوين في حاليا https://musescore.org/en ده بيكتب شرقي ويقرا شرقي ومفتوح المصدر يعني اي حد يعدل عليه وكمان مجاني وبيطور كل شهرين مجاني لكن المشكلة بس في الشرقي انه بيكت دليل مقام شرقي بس مش بيقرا دليل المقام الشرقي لكن بيقرا كل العوارض الشرقي وقريبا دليل المقام. هما شغالين على القصة دى.
أنا حاولت انزل برنامج البي دي اف هنا بس حجمه كبير لكن حضرتك ممكن تنزله من هنا https://app.traidsoft.net/download-f...df-editor-pro/
شكرا يا هيثم انا نزلت البرنامج وجرب كتبت كلمة عربى جميل
الاول اشرح لىانت كتبت علامة النص بيمول ازاى كمان اشرح لى بالتفصيل الممل ازاى لو فيه علامة نص بيمول مجودة الغيها ازا او اميحها بدون ان امسح معاها الخط بتاع المدرج الى هى عليه فاهم قصدى ؟ يعنى العلامة فقط .. كمان لو نغمة صول مثلا ازاى احركها اخليها فا او مى
عايز كمان اقول لك ايه ال لخبط موضوع النص بيمول كتير المشكلة من السنباطى لأنه بدا الكوبليه كرد النواه يعن 3 بيمول ومشى شوية بعدين قلب الى بياتى النواة يعنى لا نص بيمول ومشى كتير اوى بعدين رجع بياتى النواة تانى هنا فيه مدرستين للتدوين الاول انى لما حول بياتى النوا اخلا لا بيمول التالت فى ىالدليل نص بيمول وبعدين لما يرجع كرد ارجعها بيمول المدرسة التانية زى ما انا بعمل بخلى الدليل زى ماهو عشان بيرجع تانى واحط علامات تحويل طول ما انا ماشى انا جربت الطريقتين طريقتى افضل لأن العازف بيتلخبط ده الى عمل المشكل
أه يا أستاذ عادل ماهو أنا بقول لحضرتك انه لحن صعب أصلا وهي كانت بتغني كانت بتنهج أوي وعمال يطلع فيها نغمات فوق وتحت بس بصراحة هو عملها حلو أوي وكمان تدوينك ليها والله هايل مش مجاملة.
أه طبعا البرنامج هو هايل بصراحة وتقدر تنزل خطوط واضافات وكمان في ذكاء اصناعي هو برنامج بصلح به لو مثلا علامات تحويل أو اضافة حليات موسيقية بس أشكال زي علامة التريل وكده يعني. ولو الموضوع مانفعش بيجيب نوتة حضرتك واعمل لها انتاج عكسي يعني ارجعها تاني ملف برنامج تدوين.
آه أنا فاهم حضرتك جدا وكل اللي حضرتك بتقول عليه موجود في البرنامج وحيقول لحضرتك حاليا بس هو ليه حضرتك عايز تعدل ع البي دي اف؟ لانه حضرتك عندك ملف البرنامج بتاع النوتة اصلا فاسهل من البي دي اف. أتاكد حضرتك انك تحفظ ملفات النوت بصيغة XML علشان تقدر لو برنامج التدوين بتاعك قديم او حصل له حاجة، ملفات ال XML تفتح على اي برامج تدوين تانية بنفس الشكل اللي حفظت به النوتة. يعني ده إجراء رتيني بس.
طيب بص حضرتك في وظيفة في البرنامج يقدر يخلي اي شىء في النوتة تختاره او تنسخه او تعمل اي حاجة بقي زي ما انت عايز. يعني مثلا نغمة نوار فا وحضرتك عايزها صول حتدوس على الوظيفة، حتلقي كل شىء اصبح يمكن التعديل عليه..
اختر النعمة وشدها بالماوس او الاسهم وارفعها لمكان الصول وهكذا. يعني انا في نوتة ألهي ما أعظمك كان في نغمة مي بس انا حستها هي فا أحسن فانقلت النغمة عادي جدا (صورة رقم 4)
طيب تلغى بيمول مثلا برضو فعل الوظيفة واختر البيمول واعمل زي ماتحب. طيب عايز مثلا نصف بيمول. بسيطة فعل الوظيفة واختر اي نصف بيمول وانسخها للمكان اللي حضرتك عايزه وهكذا. الميزة انه حضرتك تقدر تعدل باستخدام نفس العناصر اللي في النوتة علشان كلها تكون نفس الشكل.
طيب الوظيفة أزي؟
اسمها Edit Object اللي في الصورة الأولي
الصورة الثانية خلاص بعد تفعيل الخاصية بيقدر يقرا كل نغمة أو علامة لوحدها بس هنا كل مايكون الويندوز احداث والجهاز احداث النتائج بتفرق علشان كارت الشاشة بيساعد في تحديد وقراءة العلامات مع البرنامج.
الصورة الثالثة انسخ بقي او شيل او اي شىء.
شكرا ياعمرو بس عايز شرح مفصل اكتر يعن نوتة فيها علامة نصف بيمول مثلا اشيلها ازا بالتفصيل وبعدين نغمة مثلا مى عايز اخليها لا اعمل ايه بالتفصيل يعنىاضغك علىايه يظهر ايه وكده
التعديل الأخير تم بواسطة : عادل صموئيل بتاريخ اليوم الساعة 14h49
تمام يا أستاذ عادل حاضر
تعالي نمشي خطوة خطوة
في الصورة رقم (1) نوتة تتر الشعراوي ودي نوتة ما فيها أي غلطة من أي نوع بس تعالي نغير شوية فيها.
في الصورة رقم (2) هنفعل خاصية Edit Object
دي خاصية في البرنامج بيقدر يقرا كل شيء في النوتة لوحده علشان تعدل عليه والخاصية فيها نص او صور أو كله، زي ما انت عايز. لو اخترت Edit Object من غير ماتحدد هو هيفعل كل الخيارات لوحده.
في الصورة رقم (3) أنا علمت على نصف بيمول في دليل المقام ونغمة صول ونغمة مي مثلا..
الأول نختار خاصية Edit Object اللي في الصورة رقم 2
بعدين نلعب بقي زي ما احنا عايزين بص حضرتك صورة رقم (4) اختر العلامة اللي انت عايز تغير فيها
تعالي مثلا نغمة صول الثلاثة نوار نخلها برضو ثلاثية بس مثلا فا. بص حضرتك على الصورة رقم 5 وتعالي في دليل المقام نشيل المي نصف بيمول خالص وتعالي برضو تحت قبل نهاية النوتة نخلي المي نصف بيمول. برضو الصورة رقم 5 وتعالي نغمة نوار مي فوق نخليها لا
وهكذا بقي تلعب زي ما انت عايز بس انا بعمل هندسة عكسية لنوتة حضرتك وارجعها ملف تدوين XML يفتح على أي برنامج تدوين لو في اصلاحات كتيره ولو اكتشفت حاجات عايزة تتصلح صغيرة بستخدم برنامج تعديل البي دي اف لو حاجة سريعة كده.
رد: طلبات نوتة أ / عادل صموئيل الجزء الثانى
العرض العادي
