طلبات نوتة أ / عادل صموئيل الجزء الثانى

[بكر محمد دحدولي]

مرحبا و تحياتي لك أستاذ عادل طاب يومك بكل خير و اشكرك على جهودك و عطاك لنا الذي هو بلا مقابل

هل من الممكن تدوين اغنية (ماذا أقول له) لنجاة الصغيرة و الحان موسيقار الاجيل محمد عبد الوهاب

مع الشكر الجزيل و اطال الله بعمرك




https://www.youtube.com/watch?v=SxSgoJj6SNA

[qusay.qq]

ألف شكر استاذنا على هذا المجهود .. دمت بصحة وعافية

[فهد سراج]

شكرا استاذنا على اهتمامك استاذ عادل

طمعت بكرمك وبعلمك بمل تنزل نوتات


هل ممكن نوته

لا تضايقونه لمحمد عبده

ودمت يحفظ الله

[ابوكارم]

المشاركة الأصلية كتبت بواسطة ابوكارم

مساء الخير يا استاذ عادل
بدأت اعزف نوتة لست قلبي لعبد الحليم
فوجدتها ناقصة وليست كامله
كما ارجو إعادة النظر بها لانني لم أستطع عزفها جيدا

مع وافر الشكر والاحترام

شكرا استاذ عادل
على اهتمامك

[عاصم المنشاوى]

لو عجبت حضرتك اغنية "نجاة على" ( متهيألك) الحان بليغ....كلمات عبد الوهاب محمد

من فضلك نطمع ان حضرتك تكتبهالنا....

ما أعتقدش حد ح يفكر يكتب لنا كلاسيكيات بليغ فى بداياته.... ألا أستاذنا...

[عادل صموئيل]

احبائى
اغنية نجاة على
متيألك
الاغنية دى صعوبتها تكمن فى موضوع نجا على وبليغ فى بداياته لأن نجاة على مطربة من اللى كانوا قبل الخمسينات وكان ف الوقت ده المطرب لازم جبل او عتل يعنى .. وعشان بليغ ال كان وقتها مبتدىء يعمل لها لحن وتقبله كان لازم يكون دسم اوى

مع اطي تحياتى

[عمرو الهنداوي]

حمد لله بالسلامة يا أستاذ عادل .. ليه بتغيب أوي كده .. مشتاقين ليك كتير

عارف انا كنت لسه بسمع أم كلثوم "مصر التى في خاطري" أخر مرة سمعت اللحن كنت طفل في الراديو وحسيت أم كلثوم بتعذب وهي بتغني علشان لحن صعب أوي..

أنا عمري ما عزفته كله وعندي نوتة حضرتك طبعًا. قمت جريت ع النوتة علشان اشوف هو أنت دونت المعجزة دي أزي؟؟
حسيت انه حلقي قنابل في وشي من صعوبة النوتة لكن لقتها سهلة أوي. أنا مش عارف أنت كتبتها كده أزي بس ماهو أنت عادل صموئيل برضو. بجد برافوا عليك. أنا عزفتها بسهولة. ربنا يخليك لينا.

بس أنا لقيت حاجات كده البرنامج عاملها من ورا ضهرك في ارباع النغمات. أنا علمت عليهم بالاحمر والاصفر ومتاكد انهم ارباع تون بس طبعا أنت اللي هتحدد بقي هما ارباع ولا انصاف.

أرجوك يا أستاذ عادل عدل النوتة علشان العبقرية دي مترحش لحد يقول فيها غلطات مطبعية وحرام المجهود يروح ورا اخطاء البرنامج الغربي لما يكتب شرقي.
اولا اشكرك اخى عمرو على التنبيه المشكلة انى كاتب الاغنية ى من زمان اوى وكان وقتها عندى مشكلة خطيرة فى تدوين النغمات الشرقية لأن البرنامج غربى المشكلة ان ىلازم اضيفها ببنفسى ومش بتتعزف ولكن لازم المدون يقراها بعينه والعمل صعب جدا جدا وتدوينه بالسهول الل انا مدونه بيها اكيد خد منى مجهود عقلى خلانى ما اخدش بالى بس انا سعيد جدا جدا انكاخدت بالك من النغمات الى فيها اخطاء مطبعية وللعلم الفضل يرجع الى ام كلثوم يعن هى ال ادائها بيجزم ان النغمة د ى لا بيمول ولا لا نصف بيمول للعلم انا من اخطر مشاكلى مطربين نغماتهم مش صريحة اطيب تحياتى وان شاء الله حعملهم وارادعها حرف حرف انا صلحتها شوف كده وقول لى

ميرسي بجد على التدوين العبقري ده للحن صعب اوي.

[عاصم المنشاوى]

ااستاذنا الجليل.....عادل صمويل...

الرجل الذى وهب حياته للفن ...الذى لم يبخل يوما فى ان يلبي لنا كل مانطلب...
الفنان الذى سيستمر عطاؤه للاجيال القادمة نبراسا ينير لهم دروب الالحان والموسيقي....

وأنا أعتقد انه أن الأوان
ان نرد له جميل صنعه .....وكريم عطاياه ...

استاذنا كان يكتب لنا ماكنا نطلبه ...دون ان يطلب شيئا فى المقابل برغم شظف العيش وأرتفاع الأسعار التى لاتحتمل..

أستاذنا يملك من المعلومات والذكريات والامكانيات تؤهله لمجاراة العصر... والتحدث بلغة العصر..
ألا وهى وسائل التواصل الاجتماعى...

هو يملك من الكنوز المعاوماتيه الكثير والكثير...كم قال لى صديقي الذى افتخر بصداقته الاستاذ عمر هنداوى:
قال لى : الاستاذ عادل ده كنز...عايز بس شوية ماركيتينج...Marketing

وأنا اتفق معه تماما... الباب الان مفتوح ل رد الجميل لاستاذنا...

هل لدى احد منكم أفكارا...هل كيف نستغل معلوماته وذكرياته مع العمالقة ام كلثوم وفريد وحليم وفيروز..
مش بس الذكريات لكن بالطبع كتابة النوتة الموسيقية ...الخ الخ..
هو يمتلك قناة على اليوتيوب..هل نجد احدا منا يفهم فى التصوير والمونتاج والصوت.. بحيث نعمل حلقات عاليوتيوب...
ونعيد صياغة المحتوى مرة اخري...
هل الموضوع محتاج ل تمويل فى الاول...

من لديه افكارا فليتقدم..من يجد لديه الوقت فليتطوع,....المهم ان نقول للاستاذ..شكرا..شكرا معنويا و ماديا...

عزيزى عاصم اشكرك من كل قلبى انا نفسى فى حاجة واحدة سندوتش تونة بالهريسة والبيض من تونس اسمه كسكروت تن بس المشكلة ان حاياكلوه فى الجمرك

[عمرو الهنداوي]

شكرا أستاذ عادل على تعديل علامات التحويل بس أنا معجب جدا بتدوين الأغنية دي بصراحة. أنا سمعت امبارح كل الحفلات اللي غنت فيها مصر التي في خاطري حتى تسجيل الأستديو وشايفه لحن سنباطي صعب أوي رغم النوتة سهلة أوي
مشاء الله عليك يا أستاذ عادل

أستاذ عادل في دلوقتي برامج تكتب شرقي وتعزفه ناقص بس يعزف دليل المقام شرقي ودي جاية خلال أشهر

أنا مع فكرة أستاذ عاصم وموافق تماما وأنا مستعد للمساعدة في أي شىء

انا اشكرك لأنك نبهتنى وانا صلحت النوتة بس لفت نظرى حاجةى البرنامج ال انت عملت فيه المنشن هل هو بيدعم التعديل فى ملفات pdf بالعربى يعنى مكن احذف كلام واضيف كتابة عربى ؟ لو ممكن تنزله لى هنا واشكرك جدا جدالأن عندى برنامج مش بيدعم عربى بالنسبةى للبرامج الى بتكتب شرقى انا جربت ميوز 2 وهو زبالة يعن انا النغمات الشرقية بقراها بعينى

[Madeleine]

المشاركة الأصلية كتبت بواسطة Madeleine

مساء الخير استاذ عادل اخبارك ايه طمني عنك ممكن لو سمحت نوط اغنية ورده الجزائريه عايزه معجزه

مساء الخير شو اخبارك طمنيني عنك
ياريت لوسمحت نوتة [ عايزه معجزه]