حكاية أغنية كانت من نصيبك واتقسمت لغيرك

[حازم فودة]

حكاية أغنية
قلبي سألته عليك - فايزة أحمد و ماهر العطار
كانت من نصيبك واتقسمت لغيرك
05 أكتوبر 2025


ورد في الحلقة
الخلاف هنا على جملة تسلم لي عنيك الحلوة من عين العدو تسلم لي هل دي جملة تناسب متطرب ولا مطربة ونرجع للحكاية من أولها من كلمات مامون الشناوي والحان بليغ أغنية قلبي سألته عليك لصديقه ماهر العطار عشان يغنيها في فيلم سينمائي.
والأغنية تنجح وعملت رد فعل جميل استخصرت فايزة أحمد ان الأغنية تبقى مرتبطة بعرض الفيلم بس فكلمت بليغ وأقنعته أن الأغنية هتكون أنسب وأجمل لو غنتها مطربة ولما سمعها منها اقتنع أكتر فسمح لها تغني الأغنية والأغنية حققت نجاح أكتر وانتشار أكبر ولأن ماهر العطار ما سجلش الأغنية للإذاعة
الأغنية ما بقاتش تتذاع إلا بصوت فايزة لدرجة إنها أصبحت من علمات فايزة الغنائية وكدة تبقى غنوة قلبي سألته عليك من نصيب ماهر العطار لكن الشهرة والانتشار اتقسموا لفايزة أحمد.

[حازم فودة]

حكاية أغنية
أقول لك إيه عن الشوق - أم كلثوم
كانت من نصيبك واتقسمت لغيرك
12 أكتوبر 2025


ورد في الحلقة
غنوتنا النهاردة فيها تحويلة وملف جايز يكون غريب عن مضمون حلقتنا غنوتنا النهاردة أقول لك إيه عن الشوق طبعا لكوكب الشرق أم كلثوم كلمات شاعرنا الصوفي عبد الفتاح مصطفى الحان رياض السنباطي وتعالوا نتعرف على اللي حصل.
لما بدأت أم كلثوم تقرأ كلمات أقول لك إيه عن الشوق يا حبيبي وقفت أم كلثوم عند جملة ليالي في هواك أسهر أفكر ومهما قلت لك في القلب أكتر وقالت إيه ده يا عبد الفتاح انت بتحب؟ أنا لازم أحذر المدام رد عبد الفتاح مصطفى دي أغنية في حب المولى سبحانه وتعالى ولو فيه كلام أكتر من كده يلهمني بيه كنت أقول
فطلبت ثومة من عبد الفتاح عدم التصريح لأي وسيلة إعلامية ان الأغنية دينية لأنها ح تقدمها أغنية عاطفية وتبقى النية والنصيب دينية لكن القسمة تخرج عاطفية.

[حازم فودة]

حكاية أغنية
حِنْ - نعيمة عاكف و محمد عبد الوهاب
كانت من نصيبك واتقسمت لغيرك
19 أكتوبر 2025


ورد في الحلقة
حن في فيلم النمر بطولة نعيمة عاكف وأنور وجدي وزكي رستم وفريد شوقي واستفان روستي طلبوا من عبد الوهاب استعراض يناسب نعيمة عاكف ورغم اختلاف شخصية وخلفية نعيمة عاكف وعبد الوهاب إلا إنه وافق وطلب من حسين السيد كلمات تصلح تقدمها نعيمة في حدود قدرتها الغنائية.
اتعرض الفيلم في يناير عام 1952 وحققت الأغنية نجاح كبير ومع إشادة النقاد باللحن حنّ بدأت أفكار عبد الوهاب تراوده يقدم الأغنية بصوته فعمل تعديل على اللحن وأضاف إليه مساحات غنائية تناسب قدرته ويقدم محمد عبد الوهاب مرة تانية حنّ للجمهور في ثوب جديد الغريب بقى إن الأغنية تنجح مرة تانية
نجاح كبير ويتقبلها الجمهور وكأنه ما سمعهاش قبل كده وينطبق عليها عنوان تبقى من نصيبك وتقسم لغيرك.

[حازم فودة]

حكاية أغنية
أهلي على الدرب - عبد الحليم حافظ
كانت من نصيبك واتقسمت لغيرك
26 أكتوبر 2025


ورد في الحلقة
ومحور حلقتنا النهاردة موشح يا مالكا القلبي ومن نجاح سلام لعبد الحليم في عام 1962 ومن كلمات أحمد مخيمر والملحن مجهول غنيت نجاح سلام موشح يا مالكا القلبي تحت اسم أهلي على الدرب بعد عشر سنين أعجب الأمير عبدالله الفيصل بكلمات مذهب الموشح وأضاف إليه قل لي إلى أين المصير في ظلمة الليل العسير طالت لياليه بنا والعمر لو تدري قصير .
وعرضه على محمد الموجي ومنه لعبد الحليم اللي طلب من أحمد مخيمر تعديل كلمات الموشح علشان يغنيها مطرب مش مطربة مع الاحتفاظ بكلمات عبدالله الفيصل في الموشح وبالفعل وافق مخيمر وأضاف رحماك من هذا العذاب إلى أخره يفاجأ مخيمر في حفل إبريل عام 1973 بعبد الحليم بيعلن
ان كلمات الموشح من تأليف عبد الله الفيصل ليصل الموشح للقضاء اللي قال كلمته موشح يا ملكا قلبي من كلمات أحمد مخيمر ولحن محمد الموجي ومن نجاح سلام لحليم ومن فيصل لمخيمر تظهر عبارة القسمة والنصيب.

[حازم فودة]

حكاية أغنية
قوللي آخرة جرحي إيه - محرم فؤاد و نجاة الصغيرة
كانت من نصيبك واتقسمت لغيرك
09 أكتوبر 2025


ورد في الحلقة
وعنوان حلقتنا النهاردة الغنوة تبقى من نصيبك وبالحيلة والذكاء ترجع تبقى نصيبك غنوتنا النهاردة يا حبيبي قل لي أخرة جرحي إيه لإسماعيل الحبروك وخلونا نبدأ بسرعة .
بعد النجاح الكبير اللي حققه محمد الموجي مع المطرب الصاعد وقتها محرم فؤاد في أغنيات فيلم حسن ونعيمة رمش عينه والحلوة داير شباكها اتبنى الموجي صوت محرم واعتبره ابنه وقدم له أغنية يا حبيبي قل لي أخرة جرحي إيه ليغنيها في فيلم وداعا يا حب ورغم إن الأغنية حققت نجاح كبير لكن محرم رفض يسجلها أو يغنيها في الحفلات لانه من وجهة نظره الأغنية في حاجة لإيقاع أسرع لتتناسب مع جوّ الحفلات ثار الموجي وأعلن إن محرّم ولد عاق وسحب الأغنية وعرضها على عبد الحليم اللي رفض يغني أغنية عليها مشاكل ووافقت نجاة تغنيها وسجلتها بصوتها وفي حفل أضواء المدينة اللي شارك فيه محرّم ونجاة اللي كان المفروض تغني الأغنية فيها لأول مرة.
اتحجج محرّم لمنظم الحفل إنه عنده حفل آخر فوافقوا يغني قبل نجاة واشترطوا عليه ما يغنيش الغنوة لكن محرم خلف وعده وطلع غنى الأغنية ووضع الموجي ونجاة أمام أمر واقع محرج. صحيح الإذاعة وقفته سنة من الظهور في حفلاتها لكن كسب محرم الأغنية وأضافت لرصيده.

[الفرساني]

اين الرابط ياحبيبنا حازم