المسحراتي

**حازم فودة** · #1 18/04/2025, 19h54

المسحراتي
(الحلقات الإذاعية آداء سيد مكاوي وأشعار فؤاد حداد)
(58)

... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم

مسحراتي منأراتي نازل الليلة دي بمزاج فرايحي قالت مراوحي يا قلبي اهدى ... انا قلت اهدى خليه هليهلي مزاجي يجلي احجل يا حجلي انا مش طاوس اصحي يا نايم وحد الرزاق ... رمضان كريم ... ح اطير برجلي يدوب ادوس ارض تباركلي عايز أبوس ... عايز أبوس على ترابها مناخ عربها حتى سرابها يشفي النفوس اصحي يا نايم وحد الرزاق ... رمضان كريم ... هي اللي هي الإنسانية أم الليالي أم الشموس ... سرقت خيالي وطبلي صهلل وقلبي شخلل زي الفلوس اصحي يا نايم وحد الرزاق ... رمضان كريم ... وفاض حناني وكسر سناني العرقسوس لفي يا ساقية دور يا أدوس ... احنا بصراحة عرب فلاحة فينا السماحة ... فينا السماحة عرب مصاروة في مصر أرحم بلد وثورة اصحي يا نايم وحد الرزاق ... رمضان كريم ... فينا اللي شحم زي اللي جير كبير صغير شايلين فانوس ... ومن صعيدي لبور سعيدي ... إيدك وإيدي على الغَموس ...

والمشي طاب لي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال .... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... انت اللي أم الحضارة وأنتي الأب والجد ... وانت اللي علمتي الدنيا أب وجد ... وان قالوا موال عن المجد القديم ما أديم ... مثلك بوحي الفوارس في الخلا ما أديم ... انت اللي مجدك أديم وانت اللي مجدك جد اصحى يا نايم اصحى يا نايم اصحى وحد الدايم ... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

**حازم فودة** · #2 18/04/2025, 20h09

المسحراتي
(الحلقات الإذاعية آداء سيد مكاوي وأشعار فؤاد حداد)
(59)

... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم

يا رب عطفك أنا لولا لطفك إيدي ما تملكش دفتي ... هديني رحمة والدنيا رحبة أتقن جنابي وحرفتي ... واجعل حياتي حاضر وآتي ما اخجلش منها في وقفتي ... ولجل أم بصدر مؤمن ... بارك يا رب في خلفتي ...

والمشي طاب لي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال .... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... دي هي كلمة لشعبي ولقمة لولادي .... ما اطلبش غيرها وغير الحق في جهادي ... يا رب يا هادي انا بحق الليلة دي بسالك يا رب كرامة المؤمنين والنصر لبلادي اصحى يا نايم اصحى يا نايم اصحى وحد الدايم ... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

**حازم فودة** · #3 18/04/2025, 20h18

إلى هنا تناولنا المسحراتي
للشيخ سيد مكاوي

صوتياً وتليفزيونياً والتي توافرت لدينا ومن يملك غير ما رفع ورفعناه فليتفضل برفعه وسوف نرفع ما يستجد من ملفات

وعلى هذا سنتناول بعد ذلك المسحراتي لبقية الفنانين
وسنكتفي بكتابة إسم المقطع الأول من المسحراتي
كعنوان لها
تحياتي

**حازم فودة** · #4 21/04/2025, 12h32

المسحراتي
(الحلقات الإذاعية آداء إسماعيل شبانة أشعار بيرم التونسي)

اسم اللطيف عنا يصد الخطر

الملف الصوتي هنا

**حازم فودة** · #5 21/04/2025, 12h37

المسحراتي
(الحلقات الإذاعية آداء إسماعيل شبانة أشعار زين الدين بغدادي إشراف سمير شلقامي)

عدد الحلقات 30 حلقة وليست متوفرة لدينا كلها نتيجة للهكر
وسنرفع ما توفر لدينا

( 1 )

بفضل الله جاهدنا واجتهدنا

**حازم فودة** · #6 21/04/2025, 12h45

المسحراتي
(الحلقات الإذاعية آداء إسماعيل شبانة أشعار زين الدين بغدادي إشراف سمير شلقامي)

( 2 )

يللي خَصَِيت ابن آدم بالعناية

**حازم فودة** · #7 21/04/2025, 12h47

المسحراتي
(الحلقات الإذاعية آداء إسماعيل شبانة أشعار زين الدين بغدادي إشراف سمير شلقامي)

( 3 )

ربي سبحانك نشرت الخير ما بينا