المسحراتي

**حازم فودة** · #1 17/04/2025, 22h41

المسحراتي
(الحلقات الإذاعية آداء سيد مكاوي وأشعار فؤاد حداد)
(53)
اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم

مسحراتي منأراتي دي ليالي عمري لبني وتمري والأمر أمري ... أنا اللي علم حمامه إمري قلت اللي علم في الجسم إمري ... وانا قلبي لين يعرف يليل ومهما شيل عمره ما يرمي ... عمره ما خبى ولا حتى خبى فرط المحبة أنا قلبي إسمي ... وتلاقي جسمي نحيف ولكن أعلى المساكن على كتفي راكب ... وانا جبت عتلة تشد عزمي وجبت عجلة تدور بعلمي ... عشان زماني عمل مصانع بنى المباني رفع الموانع فتح المواني ... الا الأغاني لسة أغاني وكل مادى مكلفاني عرق زيادة وانا اقول كفاني ... ولا اقول كفاني أصل السعادة ... أصل السعادة حب وتفاني ...

المشي طاب لي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال .... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... رمضان سا شهر الصيام شهر الكرم دايماً ... من قبل ما كان طالع كان طالعك أيمن ... انا الذي هام في حب الذي هيمن ... سجدت لله ولفيت البلد ودعيت ... لا أوحش الله منك المسلمين أبدا ... لا أوحش الله منك المسلمين أبدا ... ... لا أوحش الله منك المسلمين أبدا ...

**حازم فودة** · #2 17/04/2025, 23h44

المسحراتي
(الحلقات الإذاعية آداء سيد مكاوي وأشعار فؤاد حداد)
(54)
... يا أمة خير الأنام ومصباح الظلام ورسول الله الملك العليم العلام ... يتقبل الله منا ومنكم الصيام والقيام وصالح الأعمال ... لا أوحش الله منك يا شهر الصيام شهر الإيمان .... إنت الإمام بتصلي بشهور السنة وتصلي بالأيام ... لا أوحش الله منك يا شهر التسابيح ... لا أوحش الله منك يا شهر التراويح... والنور على كل مدنة يا الله ... رمضان كريم ...

مسحراتي منأراتي لا انا بنظر بنظراتي ولا بهزر ولا بهاتي ... أمل حدفني وأمل لقفني أنا أمالي ما بتنتهيشاصحى يا نايم وحد الرزاق ... رمضان كريم ....والدنيا فرحة وأشواقي طارحة في صدر بلبل وجناحي ريش ... والساقية تملى والسد يعلى والناس تغني والناس تعيش ... طول عمري زادي في المعجزادي مين اللي ينكر ويقول مفيش ... غمضت عيني وفتحت عيني العشة لبست إزاز وشيش ...

المشي طاب لي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال .... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... صبح لنا حق نسعد بالحياة هدية وحق نحلم ونسعى كل أمنية ... واسألني لابد قلبي يرد أغنية يللي انت مش ح تخلي للأماني سؤال اصحى يا ناين اصحى يا نايم وحد الدايم ... سجدت لله ولفيت البلد ودعيت ... لا أوحش الله منك المسلمين أبدا ... لا أوحش الله منك المسلمين أبدا ... ... لا أوحش الله منك المسلمين أبدا ...

**حازم فودة** · #3 18/04/2025, 00h19

المسحراتي
(الحلقات الإذاعية آداء سيد مكاوي وأشعار فؤاد حداد)
(55)
... ياصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم

مسحراتي منأراتي لا بد أنهج في كل ليلة ... في كل ليلة أبهى وأبهج والفن منهج اصحي يا نايم وحد الرزاق ... رمضان كريم ... بحاذي لرصف واغني واصرف فُرجت وتفرج فُرجت وتفرج ... أستاذ مدرسي من غير مدرج ولا كرسي فُرجت وتفرجاصحي يا نايم وحد الرزاق ... رمضان كريم ... والواد ف إيدي صبح معيدي يدوب تخرج فُرجت وتفرج ... من أولف مغنى أفراح ومعنى واحزان وبهرة فُرجت وتُفرج ... ونقول فتيلة مهما قتيلة لها يوم تسهرج فٌرجت وتُفرج ... اصحي يا نايم وحد الرزاق ... رمضان كريم ... العسر يسرا الليل بيسرا والخيل بتُسرج فُرجت وتُفرج ... أنا كل حكمة لازم أمهرج والعب بنجمة وقمر ادحرج ... يا حبايبي اهي جت على نقرة فُرجت ... على نفرة فُرجت ونقرة تُفرج ...

المشي طاب لي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال .... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... نده عليكي كإن الدنيا ندهالك ... قولة يا ليلي ليالي العمر قدهالك ... يا عيني بالمواويل الخضر قدهالك ... غني الأمل والشهامة والفرح والنصر ... ولولاكي يا مصر كان قلبه رقد هالك اصحى يا نايم اصحى يا نايم اصحى وحد الدايم ... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

**حازم فودة** · #4 18/04/2025, 16h51

المسحراتي
(الحلقات الإذاعية آداء سيد مكاوي وأشعار فؤاد حداد)
(56)
... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم

مسحراتي منأراتي صاحب مدايح وموشحاتي ... كان سيفي طايح سيف خردواتي دلوقتي فالح في مناوشاتي اصحي يا نايم وحد الرزاق ... رمضان كريم ... كسرت جانح ابن الذواتي علقته سايح خيال مآتي ... وبقلب صالح من غير شماتي قلت اللي رايح غير اللي آتي اصحي يا نايم وحد الرزاق ... رمضان كريم ... رمضانا صابح صابح ليللاتي قال انت سارح تشهد زيناتي ... انا بحري مالح يحلى يوماتي وليلي طارح عنب بناتي اصحي يا نايم وحد الرزاق ... رمضان كريم ... انا قلت واضح يا شوق حياتي كل الروايح هلت جهاتي ... والشر زايح والخير مواتي زفيه لوايح ونقد زايد ... اصحي يا نايم وحد الرزاق ... رمضان كريم ... ولقيت مطارح لمت شتاتي عيشي في تباتي وفي نباتي ... يا أم ابني بحري وقبلي ... بحري وقبلي الخير تقابلي ...

المشي طاب لي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال .... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... عشنا وشفنا الكواسر انكسر نابها ... وخبرتني بهية ان الغيطان أبهى ... وبنتها في المدارس أول نابها ... وعيوني قابلت عيون من كل خير نابها ... انا قلت يوم المنى اليوم اللي كان مناجاة ... وكان اللي بيني وبينك يا قمر مناجاة ... الحمد لله عشت وقلب عنى بها اصحى يا نايم اصحى يا نايم اصحى وحد الدايم ... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

**حازم فودة** · #5 18/04/2025, 18h23

المسحراتي
(الحلقات الإذاعية آداء سيد مكاوي وأشعار فؤاد حداد)
(57)
... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم

مسحراتي منأراتي أملك قيراطي من الحصير ... وان زاد إيرادي في الدائراتي يصبح أراضي بساط حرير ... اصحي يا نايم وحد الرزاق ... رمضان كريم ... زي الهليل تلاقيه قليل تفضل تليل يصبح كبير ... يفضل يناور بين المناور في جوز أساور يقع أسير اصحي يا نايم وحد الرزاق ... رمضان كريم ... يرجع يغازل بين المنازل ما لوش عوازل هلال أمير ... هلال يقولي انا حلو كلي شوف عقد كلي صنع القدير اصحي يا نايم وحد الرزاق ... رمضان كريم ... هلال حمامة تحت الغمامة لبست عمامة ما فيهاش تطير ... هلال بيجري في بحر يجري قال ضي فكري للمستنير ... هلال بلدنا على ألف مدنة ... لله حمدنا حسن المصير ...

المشي طاب لي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال .... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... لو ينطق الليل يقولك راضي بالمقسوم ... والقلة في الفجر ح تقولك عن المقسوم ... واحنا عرب كلنا اصحاب طرب مقسوم ... حلوين على كل حال لكن سوا أحلى سواحلية ... ومن الصعيد للبحيرة للدقهلية احنا أهلية ... تجمعنا ساعة السحور تجمعنا طبلية ... قضينا ع الجاهلية نحمد الواحد ... القلب واحد ولو كان الرغيف مقسوم اصحى يا نايم اصحى يا نايم اصحى وحد الدايم ... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

**حازم فودة** · #6 18/04/2025, 18h54

المسحراتي
(الحلقات الإذاعية آداء سيد مكاوي وأشعار فؤاد حداد)
(58)

... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم

مسحراتي منأراتي نازل الليلة دي بمزاج فرايحي قالت مراوحي يا قلبي اهدى ... انا قلت اهدى خليه هليهلي مزاجي يجلي احجل يا حجلي انا مش طاوس اصحي يا نايم وحد الرزاق ... رمضان كريم ... ح اطير برجلي يدوب ادوس ارض تباركلي عايز أبوس ... عايز أبوس على ترابها مناخ عربها حتى سرابها يشفي النفوس اصحي يا نايم وحد الرزاق ... رمضان كريم ... هي اللي هي الإنسانية أم الليالي أم الشموس ... سرقت خيالي وطبلي صهلل وقلبي شخلل زي الفلوس اصحي يا نايم وحد الرزاق ... رمضان كريم ... وفاض حناني وكسر سناني العرقسوس لفي يا ساقية دور يا أدوس ... احنا بصراحة عرب فلاحة فينا السماحة ... فينا السماحة عرب مصاروة في مصر أرحم بلد وثورة اصحي يا نايم وحد الرزاق ... رمضان كريم ... فينا اللي شحم زي اللي جير كبير صغير شايلين فانوس ... ومن صعيدي لبور سعيدي ... إيدك وإيدي على الغَموس ...

والمشي طاب لي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال .... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... انت اللي أم الحضارة وأنتي الأب والجد ... وانت اللي علمتي الدنيا أب وجد ... وان قالوا موال عن المجد القديم ما أديم ... مثلك بوحي الفوارس في الخلا ما أديم ... انت اللي مجدك أديم وانت اللي مجدك جد اصحى يا نايم اصحى يا نايم اصحى وحد الدايم ... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

**حازم فودة** · #7 18/04/2025, 19h09

المسحراتي
(الحلقات الإذاعية آداء سيد مكاوي وأشعار فؤاد حداد)
(59)

... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم

يا رب عطفك أنا لولا لطفك إيدي ما تملكش دفتي ... هديني رحمة والدنيا رحبة أتقن جنابي وحرفتي ... واجعل حياتي حاضر وآتي ما اخجلش منها في وقفتي ... ولجل أم بصدر مؤمن ... بارك يا رب في خلفتي ...

والمشي طاب لي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال .... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... دي هي كلمة لشعبي ولقمة لولادي .... ما اطلبش غيرها وغير الحق في جهادي ... يا رب يا هادي انا بحق الليلة دي بسالك يا رب كرامة المؤمنين والنصر لبلادي اصحى يا نايم اصحى يا نايم اصحى وحد الدايم ... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق