المسحراتي

**حازم فودة** · #1 10/04/2025, 12h08

المسحراتي
(الحلقات المصورة آداء سيد مكاوي وأشعار فؤاد قاعود)
(18)
... ... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم ...

رمضان أنا في انتظارك من هلال شعبان ... وفرحت يوم رؤيتك لما الخبر شعبان ... المسلمين والأبط طول عمرهم إخوة اللي سقانا العزة والنخوة اصحى يا نايم وحد الرزاق ... رمضان كريم ... قول الوطن للجميع والدين للديان ... وسير في أرض الكنانة في سلام وأمان ...

المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال الداعي للفرقة أرعن جوة منه شيطان وابو قلب مؤمن يرسخ وحدة الأوطان ومصرنا اصطفاها الله ومذكورة في الإنجيل والتوراة وفي القرآن اصحى يا نايم اصحي يا نايم اصحى وحد الدايم السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

**حازم فودة** · #2 10/04/2025, 12h23

المسحراتي
(الحلقات المصورة آداء سيد مكاوي وأشعار فؤاد قاعود)
(19)
... ... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم ...

يا باني عش الحمام ومسكنه لغراب ... أمرك يحير ويدعوا للاستغراب اصحى يا نايم وحد الرزاق ... رمضان كريم ... العشة تصبح سرايا لو سكن أحباب ... والقصر يصبح جحيم لو سكن للئيم ...

المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال الله خلقنا جميعا من صلصال من حما مسنون ومفيش في خانة الفضايل للبساطة نظير وفي التكلف تخلف وإدعاء مأفون اصحى يا نايم اصحي يا نايم اصحى وحد الدايم السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

**حازم فودة** · #3 10/04/2025, 13h03

المسحراتي
(الحلقات المصورة آداء سيد مكاوي وأشعار فؤاد قاعود)
(20)
... ... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم ...

يا شلة الأنس يا أطهر الشلات ... ياما شلل كالعلل منظومة في الحسابات ... فيها المحبة تزيد بزيادة الدولارات اصحى يا نايم وحد الرزاق ... رمضان كريم ... يللي تحب الخلايق لجل تكسب مال ... وف نيتك تبيعهم لو يسوء الحال ... أبشرك باللي ح يبيعك في كل مجال ...

المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال أنا شلتي غنوتين على نكتة على قفشة فيها التعاطف أكيد والضحك بالكبشة اصحى يا نايم اصحي يا نايم اصحى وحد الدايم السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

**حازم فودة** · #4 10/04/2025, 13h29

المسحراتي
(الحلقات المصورة آداء سيد مكاوي وأشعار فؤاد قاعود)
(21)
... ... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم ...

حبيت قرنفلة نبتتها في الخلا الطل بل ريقها وفي وشها الطلى ... فعل الحلال حلال شئ مش عايز جدال تنعم بأحلى عيشة وأحسن المئال ... تنعم بأحلى عيشة وأحسن المئال ...

المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال مادام نواياك سليمة ربنا يرعاك ويكرمك بالسكينة انت واللي معاك يا طاهر القصد لا تخشى ضرر وضرار بتبات لوحدك لكن ربنا وياكاصحى يا نايم اصحي يا نايم اصحى وحد الدايم السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

**حازم فودة** · #5 10/04/2025, 15h24

المسحراتي
(الحلقات المصورة آداء سيد مكاوي وأشعار فؤاد قاعود)
(22)
... ... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم ...

من ظلم زماني عليا ما عرفت بواحد بيه ... أسئلته تملي عبيطة وبيحسب نفسه نبيه ... وبليد في كل ما يفعل واهو صاحبي وح اعمل إيه واهو صاحبي وح اعمل إيه ... مرة قابلني وسألني البحر بيضحك ليه ... قلت بيضحك على خيبتك يا أفندي عيب على شيبتك ضيعت بعبطك هيبتك برطم واداني قفاه ...

المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... سألت شيخ معتزل في الخلوة كالرهبان سألت ليه اختياري لصُحابي دائماً خيبان القصد قال الصحاب دول قدر مكتوب على الإنسان اصحى يا نايم اصحي يا نايم اصحى وحد الدايم السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

**حازم فودة** · #6 10/04/2025, 16h38

المسحراتي
(الحلقات المصورة آداء سيد مكاوي وأشعار فؤاد قاعود)
(23)
... ... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم ...

يا باني تل التراب ومملكه تمليك أسمنتك الغش وعمود البناية ركيك ... وغير ده كله بتبني فوق عن المسموح ... جرئ ما همكش كام فاقد وكام مجروح ح يسقطوا في تراب الخسة والغش اصحى يا نايم وحد الرزاق ... رمضان كريم ... تربية الخلق محتاجة عمل لسة ...

المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... يا رب اضرب بعدلك فاقد الإحساس اللي أنّْى ثروته من غير تعب وأساس ونجي شعب الكنانة من فعال السوء واحمينا من شر وسواسنا وشر الناس اصحى يا نايم اصحي يا نايم اصحى وحد الدايم السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

**حازم فودة** · #7 10/04/2025, 17h00

المسحراتي
(الحلقات المصورة آداء سيد مكاوي وأشعار فؤاد قاعود)
(24)
... ... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم ...

رمضان كريم لكن الأكرم إله الكون ... يا صايم أجرك في السماء مضمون ... يا بخت من يحفظ العهد الوثيق ويصوناصحى يا نايم وحد الرزاق ... رمضان كريم ... من أدم الخير يلاقي المثل قدامه .... واللي اعترف بالجميل الكل خدامه ... ترعاه عناية الإله من خلفه وأمامه اصحى يا نايم وحد الرزاق ... رمضان كريم ... وبعودة الايام عليكم يا مهج وعيون ... يا أهل مصر العرب من كل صنف ولون ...

المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... ما تقولش ع اللي مضى لوكان وليت ولو واتجنب ال انت الطيار وأكله الجو في الشعر صدق الشعور شئ يتلمس بالإيد واللي ابتدى مر لازم أخرته تحلو اصحى يا نايم اصحي يا نايم اصحى وحد الدايم السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق