المسحراتي

**حازم فودة** · #1 09/04/2025, 21h44

المسحراتي
(الحلقات المصورة آداء سيد مكاوي وأشعار فؤاد قاعود)
(09)
... ... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم ...

البحر فارش ملايته مزهزة وشاسعة ... يا معاني بالذنب رحمة ربنا واسعة ... عاهد ضميرك على التوبة النصوح واسعى اصحى يا نايم وحد الرزاق ... رمضان كريم ... باب الرجوع للفضيلة للجمع مفتوح ... والذنب مهما كبر بالمغفرة ممسوح ... صوت الملاك لعلعة وصوت الشيطان مبحوح ... اصحى يا نايم وحد الرزاق ... رمضان كريم ... ياجنة الحور أنا من فكرتك مسحور ... الخمر جنب العسل لا حرام ولا محظور ... تدبير بصير قام بتطهير الجسد في الروح ...

المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... يا مجذوبين بالمحبة في طريق الحق بتقولوا للخير نعم وللشر طبعاً لأ طول ما انتم في رعاية المولى وحمد الله كل التعبانين ح تقضي نحبها في الشق اصحى يا نايم اصحي يا نايم اصحى وحد الدايم السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

**حازم فودة** · #2 09/04/2025, 22h05

المسحراتي
(الحلقات المصورة آداء سيد مكاوي وأشعار فؤاد قاعود)
(10)
... ... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم ...

كريم الأصل يظهر في الشدايد وسنين العفاف عند الغنايم ... يهم بدون ما يسأل ع الفوايد بفعل الخير ودفع المظالم ... وندل القوم يحلق على الفوايد ويتبخر إذا وجبت غرايم ... ومين كسبان إذا انتظم الميزان كريم النفس والا الإلعوبان اصحى يا نايم وحد الرزاق ... رمضان كريم ... ده قاعد على الفلوس خيبة ف قطيفة وده عريان لكن مسك وريحان ...

المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... يا بازل الدم من أجل الشرف والأرض واجبك على الراس وتكريمك علينا فرض يا بايع النفس والمولى اللي شاريها الجنة أجر ما تتقاسِ بطول أو عرض اصحى يا نايم اصحي يا نايم اصحى وحد الدايم السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

**حازم فودة** · #3 09/04/2025, 23h34

المسحراتي
(الحلقات المصورة آداء سيد مكاوي وأشعار فؤاد قاعود)
(11)
... ... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم ...

حبيبي يسعد أوقاته كل يوم في شجار من زعقته واندفاعاته يصحى سابع جار ... وكل واحد ومراته عندهم أسرار إلا أنا اللي حياته نشرة للأخبار ... أقول يا روحي وعنية خللي الخناق للصبحية لكن ولا تسأل فيا اصحى يا نايم وحد الرزاق ... رمضان كريم ... وأن مر يوم من غير هيجان ... ييجي حداشر جار قلقان ... يسأل عليها وعليا ...

المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... الزوجة للزوج سكن يرتاح وينعم فيه من يحسن العشرة يهنى وربنا يرضيه واللي حياته خميرة عكننة وخناق قادر تطيل يا مغيث صبره وتلطف به اصحى يا نايم اصحي يا نايم اصحى وحد الدايم السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

**حازم فودة** · #4 09/04/2025, 23h54

المسحراتي
(الحلقات المصورة آداء سيد مكاوي وأشعار فؤاد قاعود)
(12)
... ... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم ...

الجميل محلاه جَلَّ من أنشاه والقبيح منبوذ أستعيذ وأعوذ ... وكل فعل جميل زي لولي أصيل قيمته تفضل فيه مهما قال أو قيل ... بس فيه أباليس برعوا في التدليس اصحى يا نايم وحد الرزاق ... رمضان كريم ... يخرجوا م الحلو قطط وفطيس ...

المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... الحق يعلا ولايعلى عليه معنى لأنه اسم الذي تعظم وأبدعنا والكدب أكتع ومكسح بدون رجلين يا بختنا لو طريق الحق يجمعنا اصحى يا نايم اصحي يا نايم اصحى وحد الدايم السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

**حازم فودة** · #5 10/04/2025, 00h11

المسحراتي
(الحلقات المصورة آداء سيد مكاوي وأشعار فؤاد قاعود)
(13)
... ... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم ...

يا ألف حسرة على اللي حب ولا طالش واللي انخرط في الغلط عجلان ولا صبرش ... ما تقومش تتصدى للي ما تفهمش فيه ... يعني ما تبقاش ترزي وكفتجي وفقيه اصحى يا نايم وحد الرزاق ... رمضان كريم ... سبع صنابع ف إيدي بس حظي قليل ... سبع صنايع وضايع والسنين جاحدة ... كله عشان ما اتقنت منهم واحدة ...

المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... مر صديق من ذوات الهيئة والأشناب قالي أصلح لك الفيديو بدون أتعاب خسرته ويا الجهاز الاتنين في يوم واحد الفيديو وديع واحنا لم نعد أصحاب اصحى يا نايم اصحي يا نايم اصحى وحد الدايم السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

**حازم فودة** · #6 10/04/2025, 00h29

المسحراتي
(الحلقات المصورة آداء سيد مكاوي وأشعار فؤاد قاعود)
(14)
... ... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم ...

مِعْزة جارتنا بتحب بيتنا تدخل تملي جوة جنينتنا خلتها مقلب ... يا ما اشتكينا لم يسألوا فينا لحد ما طلعت عنينا وبدأت أغضب ... وبدأت أغضب اصحى يا نايم وحد الرزاق ... رمضان كريم ... ليلى ونهاري مغلوب حماري على أي فكرة تطفيلي ناري مش لاقي أي مخرج ... قلت اشتريها آكل ما فيها قالوا عزيزة على ذويها ... قالوا عزيزة على ذويها والعشرة تصعب ...

المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... بيأمر الدين ان الجار يراعي الجار الاتنين قال الرسول ان جبريل الملاك البار وصاه على الجار حتى ظن أنه يورث والجار على الجار غطا وستارة اصحى يا نايم اصحي يا نايم اصحى وحد الدايم السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

**حازم فودة** · #7 10/04/2025, 00h48

المسحراتي
(الحلقات المصورة آداء سيد مكاوي وأشعار فؤاد قاعود)
(15)
... ... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم ...

يا سائقين المراكب بين شطوط النيل ... قلبي رقيق في سلبكم قلب مصري جميل ... يا أهلي انتو الحقيقة والسواءة أباطيل اصحى يا نايم وحد الرزاق ... رمضان كريم ... اللي ما لوش خي في ناسه احذفه م البال ... اوصل جذورك لا ف هب الرياح تنشال ... أهلك لا تهلك ولا تسلك في أي مجال ...

المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... يا من وصلت الرحم طبعك رقيق وجميل فتجت قلبك رحيب جيل ورا جيل وفيه كلامك وداد زي العسل بيسيل اصحى يا نايم اصحي يا نايم اصحى وحد الدايم السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

**حازم فودة** · #8 14/04/2025, 11h26

المسحراتي

(الحلقات الإذاعية آداء سيد مكاوي وأشعار فؤاد حداد)

(01)

... ...
قول للصاجات حيوا البازة تسلم إيدين إيدين الخبازة قولوا قولوا
الكورس قولوا للصاجات حيوا البازة تسلم إيدين إيدين الخبازة
بعودة الايام يا حبايب وكل عام والعود طايب والبرتقان أحمر وجديد واليوسفوي صباح العيد قال اليافاوي ما عدش بعيد بعودة لبلاده الغايب وبعودة للعش زغايب إفرد حبالنا على الغارب نحضن مشارق ومغارب بعودة الايام بعودة الايام يا حبايب قولوا قولوا
الكورس قولوا للصاجات حيوا البازة تسلم إيدين إيدين الخبازة
أنا انا الذي سحر طبل بحر أبل الكورس طبعاً طبعاً

أنا انا الذي سحر طبل بحر أبل الكورس طبعاً طبعاً
والشهر خدته من الأول مسحراتي مسحراتي على الباز قولوا قولوا

الكورس قولوا للصاجات حيوا البازة تسلم إيدين إيدين الخبازة

ما قلتش ان الليل طالبينه قلت مطالبي الكورس الله الله
ما قلتش ان الليل طالبينه قلت مطالبي الكورس الله الله

يا كحكة يا دبلة حبي تسلم إيدين إيدين الخبازة قولوا قولوا

الكورس قولوا للصاجات حيوا البازة تسلم إيدين إيدين الخبازة

سرحت حضني ف أحضاني وأوطاني حبذا في رمضاني ساعة السحور يا حبذا وتعيش بلادنا العربية إشتراكية فجر السلام والحرية على دول على دول غير منحازة قولوا قولوا

الكورس قولوا للصاجات حيوا البازة تسلم إيدين إيدين الخبازة

لله صلاتنا وصيامنا للدنيا سعينا وقيامنا
لله صلاتنا وصيامنا للدنيا سعينا وقيامنا
وبعودة الايام أيامنا بعودة الايام بعودة
الايام الايام يا حبايب قولوا قولوا

الكورس قولوا للصاجات حيوا البازة

قولوا للصاجات حيوا البازة

قولوا للصاجات حيوا البازة

أيوة ايوة
قولوا للصاجات حيوا البازة

أيوة أيوة
قولوا للصاجات حيوا البازة

**حازم فودة** · #9 14/04/2025, 13h52

المسحراتي

(الحلقات التليفزيونية آداء سيد مكاوي وأشعار فؤاد حداد)

(01)

.... ....

مسحراتي من الحواري يطل منئراتي في الندى والفل ... القلب أول ما سمع أول بيان في العصر إنسان بيحضن في الجميع الكل ... والدنيا خالية من الهوان والذل ... وكان مدينة وعذبة وكان بساط الأحبة اصحى يا نايم وحد الرزاق ... رمضان كريم ... وكان شوارع وكان أيام بيتقابلوا ... بكرة نده بعده وامبارح نده قبله اصحى يا نايم وحد الرزاق ... رمضان كريم ...القلب أول ما سمع أول بيان في العصر ... كان السما العالية والناس اللي فوق الحصر ... كل البشر فرحانين وكل البشر شعراء كل البشر حلوين ... كل الخُطب والمساطب والرطب عناقيده مدنة ياما سجدنا وفجر ياما نئيد ... وكل ضي ابتسامة وكل رعشة إيد ... وكلنا جنود وبنثبت رايات النصر ...

المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... الشمس دقت على بابي وفتحت الباب لقيت ألوف البشر حاملين شجر ونخيل ... وكلهم عيلة واحدة وكلهم أحباب ... وكل ناحية جميلة وكل مصري عظيم ... في القلب أول ما سمع أول بيان في العصر ... اصحى يا نايم اصحى يا نايم اصحى وحد الدايم ... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

**حازم فودة** · #10 14/04/2025, 23h02

المسحراتي

(الحلقات التليفزيونية آداء سيد مكاوي وأشعار فؤاد حداد)

(02)

.... ....

مسحراتي منئراتي أجمل سلام ... على كل ناحية الاقيها صاحية وعلى الحسين اصحى يا نايم وحد الرزاق ... رمضان كريم ... وعلى الحسين والسيدة ومدنتين في الحي ده وعلى الإمام اصحى يا نايم وحد الرزاق ... رمضان كريم ... سلام وذكرى لشيوخ بتقرا آي الهداية من البداية إلى الختام ... والكل سامع حي المدامع والابتسام ورمضان بيفتح باب الكراماصحى يا نايم وحد الرزاق ... رمضان كريم ... دخلت أمدح زين الأنام ... على ربابي ولقيت شبابي رمى التحية المستحية وفات أوام ... كان نور صغير يحلم يغير كل الظلام ويا درس شيخنا وريحة تاريخنا جار المآم ... الستر مخمل والستر أكمل رؤية المدام ... ونور خيالي غنى الليالي ... غنى الليالي من ألف عام ...

المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... أدق كل البيبان لا تنهروا السائل ... تارك لقلبي العنان في الحب مش عائل ... على أرض مصر بحنان وعلى الأثر نائل ... أمشي ولا يمشي معاي الكبر ... حبيت على أرض الوطن كل شبر ... كان بالدهب والتبر يتائلاصحى يا نايم اصحى يا نايم اصحى وحد الدايم ... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق