المسحراتي
(الحلقات المصورة آداء سيد مكاوي وأشعار فؤاد قاعود)
(08)
... ... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم ...
رمضان كريم يا نجمة يا سهرانة ... نفسي أعاندك وانت فوق في العالي ... رجلية ماشية في التراب غرقانة لكن في أجواز الفضاء أمالي ... ياما نفسي يا أرض الحضارة الأولى ... تعودي تاني في المهابة مهولة ... يللي صنعتي للبدائي بداية ... ورسمتي للإنسان حياة معقولة ... نفسي حجارتك تتفرز بالحتة ... وكل مكنوز في الخبايا يبان ونفسي نهرك يبقى خمسة وستة .... ونهر نيلك يتبدر وديان...
المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال لا بنت حلوة ولا مليون دولار ولا قصر يهزوا قلبي كما بيهزو عشقي لمصر ما مثل حب الوطن يمس شغاف القلب شئ لا نهائي يوفوق الحدود والحصر اصحى يا نايم اصحي يا نايم اصحى وحد الدايم السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق
رد: المسحراتي
العرض الشجري