المسحراتي

[حازم فودة]

المسحراتي
(الحلقات الإذاعية آداء سيد مكاوي وأشعار فؤاد حداد)
(45)
... ... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم ...

مسحراتي ليالي زين السبيل وعن هواكي ما بيميل ... يا مصر قومي افتحي بكفاية نوم صحصحي قومي افتحي الأبواب ومع الأدان الأدان سبحي ... آن الأوان تفرحي جايلك ضيوف أكرم عباد الله ... يا آل بيت النبي يا ذاكرين الله ... يوم كربلاء ما غابش عن بالي إن الظلومة في صحيح بالي مفرقين في بلاد الله ... سيدنا الحسين أطهر عيون ساهرة ... جناحاته نور أما النجوم باهرة ... طاير بيهدي الموكب الطاهر من كربلاء لمدينة القاهرة ... يا مصر يفرح ترابك مرة من نفسي يا مصر يفرح ترابك مرة من نفسك ... يا مصر قومي افتحي واكرمي بالضيف اللي انتصر بالله وما ينهزم بالسيف ... يا مصر قومي افتحي واستقبلي الزوار ... ووسعي مطرحك وعلَي سقف الدار ... للطبلة دقة وف قلبي دقة يللي انت سامعني ما تقولش لأة ... النور بيفتح كل باب مقفول ... يا شمس دايمة فوق ربوع الوادي ... يا محوطاني بالنسيم النادي ... شاء الإله يا شمس نامت جفوني ... ولا يعتريني الذبول اصحى يا نايم اصحي يا نايم اصحى وحد الدايم اصحى يا نايم يا نايم اصحى وحد الرزاق ... اصحى يا نايم يا نايم اصحى وحد الرزاق ... اصحى يا نايم يا نايم اصحى وحد الرزاق ...