المسحراتي
(الحلقات الإذاعية آداء سيد مكاوي وأشعار فؤاد حداد)
(44)
... ... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم ...
مسحراتي بأقول يا حللو في إيدي طبلة ماشية تنقر وف إيدي سكر عشان تحلو ... يا ولاد حارتنا إيدوا الفانوس ... يا طبلة يا منقرشة لمي العيال من ع العشا أخليها ليلة ليلة فرفشة ... طرقع صاجاتك يا عرقسوس ... يا طبلتي دقدقي ويا طيرة اصحي زقزقي ... النور شقي قاعد يشك الضلمة بالدبوس ... وتقول يا جدو يا ابو شنب شنبوس ... شنبك يشوك كل اما أجي أبوس ... الواد حسن خلبوص فتح قميصي وشد كيسي وشد كيسي ما لقاش فلوس ... وانا اللي جاي أول ؟؟؟ معادنا قلبي يطبطب ع البيبان ويبوس يا مصر يللي شمعتك مادنة وكل جامع فانوس ... وكل جامع فانوس نوره بيرسم ضل ... وكل جامع فانوس نوره بيرسم ضل أجمل مني ... لو تفرشولي الورد ع الأعتاب ... لو تفرشولي الورد ع الأعتاب على أد حبي تبقوا ظالمين اصحى يا نايم وحد الرزاق ... رمضان كريم ... للطبلة دقة وف قلبي دقة يللي انت سامعني ما تقولش لأة ... وأنا اللي ماشي ماشي ماشي في شارع الفوانيس وقلبي أسطى في صنعة الأحاسيس ... ومن مظهري لحد عز شبابي ... قلبي فتح لكل أحبابي ... وفتحت للنسمة زرار القميص اصحى يا نايم اصحي يا نايم اصحى وحد الدايم اصحى يا نايم يا نايم اصحى وحد الرزاق ... اصحى يا نايم يا نايم اصحى وحد الرزاق ... اصحى يا نايم يا نايم اصحى وحد الرزاق ... رمضان كريم ... طريق المدينة يعرف ربنا ... واللي يضرب في قلوب الأعادي يعرف ربنا ... سجدت لله الكريم الهادي ... سجدت لله الكريم الهادي ...
المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال .... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... انا زي ما انده على السد وعلى أسوان ... أنده على بحر البقر وشدوان ... أسامي تحت السما دي ملحمة ودي وان ... يا شعب يا قوة الشهداء على العدوان اصحى يا نايم اصحي يا نايم اصحى وحد الدايم .... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق
رد: المسحراتي
العرض الشجري