المسحراتي

**حازم فودة** · #34 07/04/2025, 11h39

المسحراتي
(الحلقات الإذاعية آداء سيد مكاوي وأشعار فؤاد حداد)
(43)
... ... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم ...

مسحراتي في الطريق الصعب منأراتي وكل دقة ف قلب ... احنا الشعب المصري أول سيرة الإنسان ... احنا من صخر العزيق والصبر واحنا من طل وندى المواويل زي ما اتعود علينا النيل ... زي ما اتعود علينا العطش يمكن خطأنا في الزمان الطويل كان من سبيل الرحمة والحنية ... يصعب علينا فيوم نفارق عيالنا وماجاش في بالنا زي العرق الدم يبني البيوت ... يللي الشقى من ست الاف حبنا اللي يزرع واللي يصنع خير بيعرف ربنا ... واللي يعدل في نصيب اليتيمة يعرف ربنا ... واللي بينور طريق المدينة يعرف ربنا ... واللي يضرب في قلوب الأعادي يعرف ربنا ... سجدت لله الكريم الهادي ... سجدت لله الكريم الهادي ...
المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال .... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... انا زي ما انده على السد وعلى أسوان ... أنده على بحر البقر وشدوان ... أسامي تحت السما دي ملحمة ودي وان ... يا شعب يا قوة الشهداء على العدوان اصحى يا نايم اصحي يا نايم اصحى وحد الدايم .... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

الملف الصوتي هنا