رد: المسحراتي
المسحراتي
(الحلقات الإذاعية آداء سيد مكاوي وأشعار فؤاد حداد)
(1)
اصحى يا نايم اصحي يا نايم وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم
مسحراتي منأراتي أمل حياتي في مالي إذا الحديد الحديد بولي ... تعيش وتطرح يا سنبلي كما تجلى للمبتلي هلال معاود وهللي اصحى يا نايم وحد الرزاق ... رمضان كريم
يا مصر قومي وهللي من الأغاني تمولي بحر الأماني وتنولي ... ده بكرة يكمل وتكملي وتقولي بدر التمام حلي لما تحلى بمكاحلي اصحى يانايم وحد الرزاق ... رمضان كريم
هلال ما اظنش قلبه خلد في سمانا لجل الأمانة هلال مقامه بمقام ولي ... أنا عليت زي ما علي وانا كمثله في أولي ... عيني رأت وإيدي طبلت ... المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال .... حبيت ودبيت كما العاشق ليالي طوال ... وكل شبر وحتة من بلدي وحتة من كبدي وحتة من موال .... تركت أهل المدارك يختموا السهرة .... ومشيت بطول الخليج للسيدة الطاهرة ... أما المقام سندسي أما المدد نظرة ... وخد في حضنك جناين أد ما تقدر ... أخضر ف أخضر ومن كم الهلال زهرة اصحى يا نايم اصحي يا نايم وحد الدايم .... السعي للصوم خير من النوم دي ليالي سمحة نجومها سبحةاصحى يا نايم يا نايم اصحى ... وحد الرزاق ....اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق
الملف الصوتي هنا
التعديل الأخير تم بواسطة : حازم فودة بتاريخ 03/04/2025 الساعة 06h47
|
العرض الشجري