طلبات نوتة أ / عادل صموئيل الجزء الثانى

**عادل صموئيل** · #1 14/01/2025, 18h23

احبائى
ترنيمة
وعدت طريقى ترشدنى

مع اطيب تحياتى

**عادل صموئيل** · #2 14/01/2025, 18h26

احبائى
اغنية هدى سلطان

خلاص يادنيا

دى تلحين عبد العزيز محمود وانا اكتشفت انى كنت مهمله كتير يعنى مع ان عند اغانى حلوة وسهلة وان شاء الله حاركز معاه شوية مع اطيب تحياتى

**طارق سرحان** · #3 14/01/2025, 19h18

استاذنا الغالى الماسى الذهبى اسطورة التدوين فى الشرق المايسترو عادل باشا صمويل بحثت ولم اجد اغنية حقك عليا ماتزعلشى ليلى مراد ارجوا من الاخوة الافاضل ان كانت النوتة موجودة وانا مش شايفها تنزلوها جزيل الشكر لحضراتكم جميعا ربنا يديلك الصحة وطولة العمر يا مايسترو عادل باشا صمويل :
emrose:

انا مادونتهاش من قبل لأنها صعبة شوية لكن طالما انت طالبها يعنى عارف صعوبتها .... عشان كلامك الحلو بس حاضر ماشى عادل صموئيل

**عادل صموئيل** · #4 14/01/2025, 19h37

احبائى
اغنية لمحمد فوزى
فين حبيبى الى عايش فى خيالى
انا الناهردة منزل كذا اغنية .. اوعا حد يفتكر ان عندى زرار بضغط عليه بينزل نوت دول نتيجة تعب ايام طويلة بس كنت بدونهم واكسل اشطبهم بس حسبت ان بقت نوت كتير ولازم انزلهم عاملين عندى زحمة مع اطيب تحياتى

**عادل صموئيل** · #5 14/01/2025, 23h16

احبائى
اغنية صباح
شو اسمك

مع اطيب تحيات

**عادل صموئيل** · #6 15/01/2025, 17h44

دى اغنيةاقدمها لأخى العزيز طارق سرحان اغنية
حقك عليا متزعلش
ل ليلى مراد .. انا امس بالليل شفت الطلب وفعلا كنت مادونتهاش لكن لما نزلت الملف الصوتى انا كنت بسمعها عادى لكن مستبعد انى ادونها ولما ركزت فيها لقيتها صعبةجدا جدا وقلت ماحدش حايعرف يعزفها وحاتتعبنى ف التدوين ..انا عادة مش بيجينى نوم قبل الساعة 4 صباحا دخلت انام وانا بفكر فىا لنقط الصعبة ف الاغنية واهمها المقدمة ملحفنة شوية وبعد اجزاء فىا لغنا عشانا لكلام صعب اصلا ف تلحينه بيبقى صعب شوية ما قدرتش انام وصحيت الساعة6 صباحا وجبت كوب شاى وقلت يا انا يا انتى وعلى الساعة 7 وربع كانت خلصانة الفرق بين الاغانى الصعبة زمان انها كانت جميلة والاغانى الصعبة دلقوتى انها متعمد انها تكون صعبة عشان ماحدش يعرف يعزفها غيرال 5 % من العازفين اللبيبقوا شاطرين اوى اواوى وده ضد طبيعتى مع اطيب احياتى

**طارق سرحان** · #7 16/01/2025, 00h06

استاذنا الغالى الماسى الذهبى معالى الموسيقار عادل باشا صمويل اسطورة التدوين فى الشرق الاوسط الف مليون شكر على تعبك ومجهودك وتخليدك للتراث المصرى بعبقرية فذة حضرتك حولت النوتات الصعبة المعقدة الى نوتات بسيطة يستمتع بعزفها المبتدىء والهاوى والمتوسط والمحترف الى محتاج يقعد سنة يسمع الاغنية علشان يقدر يطلعها سماعى دا اذا قدر الموسيقى علم صعب لكن الحمد لله ربنا كرمنا بمفكر كبير يسر علينا المستحيل راجل ماسى لانة من نجوم الفرقة الماسية وذهبى لان اللى يتابع حضرتك
مستواة ها يعلى ويشتغل ويكسب دهب واسطورة لانك دونت كل الاغانى المصرية الجميلة واكثرمن كتب نوتة فى تاريخ مصر يارب تعيش لمصر مئات السنين ربنا يديلك الصحة والعافية وطولة العمر انا فخور جدا بسيادتك

فهمت ليه انا بتعب مجانا ولوجه الله ؟ عشان الكلام الحلو ده الف شكر عادل صموئيل

**عاصم المنشاوى** · #8 17/01/2025, 09h16

استاذنا ومولانا...نهر النيل المتدفق بالكرم ...والعطاء بلا حدود...الاستاذ...عادل

طالما حضرتك ح تركز مع عبد العزيز محمود...فنرجو ان يكون للأغنية دى نصيب من حضرتك...

اللى عاجبنى فى الاغنية دى هو انه قدر يمزج بين ألات النفخ الغربية وبين القانون الشرقي...واعتقد ايقاع الجاز...

الاغنية سنة 1954... وأكاد اجزم ان كتير من العازفين دول كانو أجانب...أياااام...ياريتها دامت..

وقتها بس قبل كده بعشرين سنة كان فيه اوركسترا القاهرة السيمفونى الل كان بيعزف فى الاوبرا اللى اتحرقت كان كل اعضائه اجانب سواء عازفين او كورال او باليه لأن دول مولودين بيعزفوا اوبرا يعنى مش زى الى خدوها عللاكب ودول كانوا اساس تدريس الالات الغربية فى مصر لما اتفتح الكونسير فاتوار يعنى العازفين الشاطرين دول اللى علموهم وفى الاغانى المصرية كان لما تشمع غربى بيجيبوا العازفين دول ولما تسمع شرقة ىبيبجبواا الفرق المصرية ولما يكون اللحن ميكس يعنى تسمع حتة غربى خالص وحتة بياتى بحطوا الفرقتين مع بعض ف الاستدوديو كمان فى الاستعراضات كان الراقصات دول كلهم الاجانب اللى مولوددين فى مصر يعنى كانوا بيخطلوا بينهم وبين الراقصات المصرية والعوالم يعنى لما تشوف استعراض او اوبريت من بتوع فريد الاكرش او ليلى مراد او عبد العزيز محمود الرقص الل زى الاوربى بيجيبوا الرقاصات اللى رجيلهم حلوة الاجانب دول ولما يكو ن المنظر شرقى بيجيبوا رقاصات مصريات ولما يكون شرقى اوى بيجيبوا العوالم زى فى اوبريتات فريد الاطرش بيعدين جه عبد الناصرمشى الاجانب وكنس كل ده