طلبات نوتة أ / عادل صموئيل الجزء الثانى

**طارق سرحان** · #1 09/10/2024, 18h58

استاذنا الغالى حبيب العرب والمصرين المايسترو الذهبى الالماظ عادل باشا صمويل اسطورة التدوين وكل الاخوة الاعزاء بحثت ولم اجد نوتة القيثارة السندريلا ليلى مراد سالت علية قالو مسافر لو موجودة وانا مش شايفها من فضلكم نزلولها لكم جميعا جزيل الشكر والاحترام

**عادل صموئيل** · #2 10/10/2024, 16h54

احبائى
اقدم لكم نشيد من اروع ماعمل عبد الوهاب

نشيد الحرية

وانااشكر الاخ العزيز طارق سرحان انه فكرنا بالنشيد العظيم ده هو صعب جدا ومش ممكن او مستحيل يتعزف سماعى لكن انا دونته مع انه تعبنى بس لما دونته حسيت انى عبقرى.. بجد يعنى .. لما اتدون المستحيل بقا ممكن بس محتاج حد شاطر لأنه نشيد صعب ..بس الاول لازم تحفظ النشيد كويس قبل ما تشوف النوتة لأنه محتاج احساس فى الاداء مش قراءة حروف وخلاص .. مع اطيب تحياتى

**طارق سرحان** · #3 10/10/2024, 19h06

انا فخور بالفريق كامل الوزير فخور بالرئيس عبد الفتاح السيسى فخور باللواء مهندس باقى زكى فخور بالمهندس هانى عازر فخور بالطبيب مجدى يعقوب وفخور بالمايسترو الماسى الذهبى اسطورة التدوين فى الشرق الاوسط بدون اى مجاملة او تجميل استاذنا الغالى عادل صمويل قمم تفخر بهم الامة المصرية

**هتان عارف** · #4 16/10/2024, 17h04

السلام عليكم استاذ عادل

ممكن النونة الموسيقية لأغنية أصلح الأوتار لكروان الشروق فايزة أحمد رحمها الله من كلمات عمر بلطيشة وألحان الموسيقار محمد سلطان رحمهم الله جميعا.... أنا أعزف على الكمان مع كافة الشكر والتقدير

**amrnabmans** · #5 17/10/2024, 21h30

حقيقي لا تسطيع الكلمات أن تؤدي حقك ولا شكرك يا مستر عادل
عمري ما كنت أتخيل أن عمل قبل النهارده دا يتدون بالشكل الجميل دا ويبقى تحت ايدينا على النت بدون مقابل
تسلم ايدك وربنا يباركلنا فيك
مش عايز اتاقل عليك لكن النسخة المرفوعة ناقصها الكوبليه الاخير يا ريت حضرتك تراجعها
ودي غلطتي لأن التسجيل اللي رافعه ناقص
دا التسجيل الكامل عموما لو حضرتك حابب تراجعه
https://www.youtube.com/watch?v=eDzJVlZJdzE

**عادل صموئيل** · #6 18/10/2024, 19h12

احبائى اقدم لكم اغنية وردة
قبل النهارده
كاملة لأن التسجيلات كلها كانت ناقصة كوبليه

مع اطيب تحياتى

**salhi_haithem** · #7 18/10/2024, 19h15

اقتباس:

المشاركة الأصلية كتبت بواسطة عادل صموئيل

احبائى اقدم لكم اغنية وردة
قبل النهارده
كاملة لأن التسجيلات كلها كانت ناقصة كوبليه

مع اطيب تحياتى

أشكرك أستاذي الجليل الجميل على رحابة صدركم وعطائكم المتدفق طوعا ورغَبا .وهذا لا يكون إلا من ذوي الهمم العالية الذين سطروا لأنفسهم منهاجا يسيرون عليه وسبيلا لا يحيدون عنها.
وقد قربتم البعيد ويسرتم العسير وأسديتم للفن خدمة كبرى.
أشكرك الشكر الجزيل على نوتة قبل النهاردة
جزيل الشكر

**amrnabmans** · #8 24/12/2024, 23h53

مساء الخير يا مستر عادل وكل سنة وانت طيب بمناسبة الاعياد ربنا يعودها عليك بالصحة والسلامة
ممكن حضرتك تدون لنا اغنية صباح وعبد الوهاب ( جاري انا جاري )
مع الشكر الجزيل
https://www.youtube.com/watch?v=alT5krVl56E

**سامريونس** · #9 22/10/2024, 13h45

تحياتي استاذنا الكبير عادل صموئبل ياريت لو سمحت في عندي ملاحظه لاغنيه =نجاة الصغيرة =(اسالك الرحيلا) للسطر التاسع في الموسيقى يا ريت من بعد اذنك شوي تعديلات اذا بتحب وشكرا لكم مني كل الشكر والتقدير والاحترام
الله يطول عمرك يا رب ويخلي لنا ياك
حضرتك انا شفت السطر التاسع مش فيه 4 مازورات ايقاع وصولوا جيتار مكتوب زى الفل مافيهوش اى اخطاء حضرتك شايف ايه ؟ يعنلو صور الورقتوعلم لى على اللى انت شايفه غلط

**خالد على البشرى** · #10 23/10/2024, 02h42

صباح الخير استاذ عادل
بمناسبة انتصارات اكتوبر فيه اغنية وطنية جميلة تغنيها وردة
اسم الاغنية راية واحدة
ارجو من حضرتك كتابة النوتة الموسيقية لها
وهذا هو موقع الاغنية
https://www.youtube.com/watch?v=y6hhga6S1hw
شاكرا لحضرتك كل مجهوداتك