طلبات نوتة أ / عادل صموئيل الجزء الثانى

**eagleeast** · #1 08/09/2023, 02h54

[SIZE="4"]/SIZE]شكرا جدا استاذنا العزيز ودائما من نجاح الى نجاح ودائما فى القمه كالعاده..
شكرا لمجهودك

**عادل صموئيل** · #2 08/09/2023, 13h34

احبائى
اغنية دينا سمير غانم

احساس من القلب

بس انا قلت من قبل ابعدونى عن الاغانى الحديثة لنها مشكلة فى التدوين

**Ibrahim82** · #3 08/09/2023, 16h19

استاذ عادل ممكن اذا تكرمت اغنية ولا طير بيشبهك لملحم بركات ضرووري و شكرًا 🌹
https://youtu.be/sE3V7GcVoUY?si=HVtIDzrSB9Riu6_B

**عاصم المنشاوى** · #4 09/09/2023, 18h02

"استاذنا وكبيرنا ومولانا...الاستاذ عادل...

أزاى حضرتك..يارب تكون بخير دايما...
استاذنا...لو حبيت تنوت لنا أغنية فايزة الوطنية الهادية
"حبيبتى...قاهرتى".....من تلحين الأستاذ محمد سلطان...بس بدون دخلة الكمنجات وصولو الجيتار ..يعنى بداية من الدقيقة1:12 من فضلك...
وسؤالى من خبرتك كده...هل صولو الناى ده...من تأليف محمد سلطان ...؟..ولا ده من ابداعات الله يرحمه الفنان محمود عفت....وواضح انه عزفه وأداؤه...مميز ومتميز دايما....وهل برضو..صولو الناى بتاع "دندنة" ألحان بليغ..هل برضو من تأليف الاستاذ عفت...لأن حضرتك حضرت ميلاد الاغانى دى....

السؤال التانى : زى ماحضرتك شايف فى الصورة ..حضرتك على اليمين ...ثم عمر خورشيد...ثم فاروق سلامة...سمعنا من كذا حد...أن ام كلثوم مشت سمير سرور ومجدى الحسيني...عشان الجمهور بيهتف باسمهم...والمفروض ان العازف يرد عل تحية الجمهور له..الحاجات دى كانت ممنوعة عند ام كلثوم بعكس فايزة احمد
و عبد الحليم حافظ اللى كان بيحب ده وبينجم العازفين ويقول اساميهم والناس حفظت اساميهم بفضل عبد الحليم...لكن مع ام كلثوم كان فيه استثناء اسمه عمر خورشيد...هنا مثلا فى الصورة المرفقة..فى اغنية اغدا القاك..اعتقد سنة 1972.حتلاقى الناس بتثنى على ادائه وتنادى اسمه ...بل وبيتعوج بمهارة وهو بيبرزموهبته بالعزف بأيد مقلوبة زى ماهو فى الصورة..أنما ام كلثوم استثنته..هل لأنه موهوب جدا مالوش بديل...

الأاصدقاء فى وطننا الحبيب المملكة المغربية...نرجو ان تطمنونا عليكم...حفظ الله المغرب وشعبها الطيب الجميل....

**عادل صموئيل** · #5 09/09/2023, 18h50

اخى العزيز عاصم المنشاوى
هو ام كلثوم كان ليها نظام غير عبد الحليم خالص
يعنى العازف الوحيد اللى ممكن الناس تصقف له وتخليه يعيد الصولو تانى وتانى وام كلثوم تقول له كمان وكمان كان اتنين محمد عبد صالح واحمد الحفناوى .. اما عن مجدى الحسينى كان مشكلته متعود يتنطط على المسرح وبيعمل حركاته المعروفة ودى كانت ام كلثوم مش بتحبها يعنى اول ما شافت هانى مهنى مشت مجدى الحسينى وقالت باللفظ انا مش عايزة قرد فى الفرقة لكن عمر خورشيد كان عازف محترم جدا وبيجبراى حد يحترمه وكان له مكانة خاصة على الجيتار ولما الجمهور انبهر ام كلثوم حست انهاماتقدرش تكسر فرحته بنفسه يعنى وإلا مكمن يزعل ويمشى ومش حتلاقى عازف تانى بالمهارة دى خصوصا انه كان ابتدا يبقى نجم سينمائىوهنا لازم تبتدى تحسس على التعامل معاه لأنه بقا نجم يعنى ولو ماحسش انه نجم حايمشى فورا .. اما مشكلة سمير سرور ام كلثوم ماكنتش طايقاه من اول يوم .. يعنى اول اغنية اشترك فيها كانت فات الميعاد وبلبيغ حمدى دعاه يروح البروفة قىبيت ام كلثوم كانت البروفات بتبقى كل يوم الساعة 10 الصبح وهو طبعا خوفا من ام كلثوم راح اول واحد نزلت ام كلثوم لقته قاعد على جنب ومعاه شنطة الساكس وسألتـه مين حضرتك قال لها انا عازف الساكس واستاذ بليغ دعانى قالت له يطلع ايه السكس ده .. الكلمة دىطبعا خلته قفل يعنى .. بس انا مش عارف ام كلثوم كانت مش طايقاه عشان سمير كان نجم مع عبد احليم يعنىعبد الحليم بيخليه يقف وهو بيقول الصولو ويخلىالناس تصقف معاه ع الواحدة ويخليه يقول الصولو كذا مرةويشجع الجمهور يصقف معاه يعنى بالبلدى يبروزه وبالبلدى ام كلثوم مكانتش تحب اى عازف يتمرع يعنى طانت صارمة جدا جدا يعنىف مرة اتنين من اهم العازفين واحد عازف شيللو له وضعه وعازف كمنجة جم متأخرين على البروفة طردتهم من الفرقة مع انهم معاها من عمر وطبعا ده كان البريستيج بتاعهم وراحاو اتحايلوا على عبد الوهاب وهو اتحايل عليها وقال لها عازف الشيللو ده بالذات مانقدرش نستغنى عنه مافيش زيه فى مصر ووافقت ترجعهم بس على شرط ما يحضروش اول حفلة قادمة ومرة تانية عشان تبين الصرامة بتاعتها فى بروفات اغنية ليلة حب طبعا الحفلة قربت وكانت البروفات كل يوم وجه يوم جمعة كان الجمعة اجازة قام عبد الوهاب يعنىطلب رجاء من الفرقة تعالوا بكره الجمعة عشسان اللحن لسه محتاج شغل .. وكانت البروفات الاخيرة دى بتتعمل فى ستوديو 35 فىالاذاعة عشان كانت قعدة الفرقة بتاعة التسجيل يعنىبيتظبط الميكروفونات والمهندس بيقعد كل يوم يسمع عشان يحدد معالم طريقةالتسجيل .. المهم كان فيه عازف شيللو اسمه عبد الفضيل محمد الله يديه الصحة هو جارى فى عين شمس وصديق عمر يعنى .. ده كان اسمه الشيخ عبد الفضيل يعنى كان بيصلى الخمس فروض قال لأم كلثوم بس استأذنك فىالبروقةى حستأذن 45 دقيقة اروح اصلىة الجمعة فى مسحد السلطان قالت له ماشى وجت ساعة الصلاة والشيخ عبد الفضيل قام وقال لها عن اذنك قالت له اتفضل راح كل الفرقة حاطين الكمنجات وقالوا واحنا كمان حنروح نصلى كلهم ومجدى بولس ومكرم مهنا وعادل صموئيل استعباط بقا راح شاخطة الى حايقوم من مكانه مايجيش الفرقةدى تانى الراجل استأذن من قبلها ... بس برضه كان ليها لمسات حنان يعنى سيد سالم عازف الناى كان كبر فى السن وتعب فما رضيتش تمشيه لنه معاها من الاربعينات يعنى جابت عازف تانى يقعد جنبه يساعده وسيد مكاوى استغل الاتنين ناى وعمل منهم حركة حلوة فى يامسهرنى تلاقى صولوهات الناى لها نطهة مختلفة خالص .. عاملة زى عازفين الناى فىالشعبى لما بيكون كذا واحد واحدهم بيعزف والتانى بيقول معاه من اوكتاف فوق او اوكتاف تحت .. يارب مايكونش فاتنى حاجة .. نيجى لو انت ملحن وفيه صولو ناى للعبقرى عفت ... حسب ما انا شفته مدة عشرين سنة يعنى .. لو انت حددت له معالم الصولو وسبته ينطلق حايعمل صولو احلى من اللى الملحن ممكن يعمله 100 مرة .. انت فاهم قصدى ؟ يعنىفيه صولو بيعمله الملحن اللى بيبقى حاجة كده وسط الاغنية زى مئات الصولوهات لكن فيه صولو تحس انه ابداع هنا الاكسب للملحن يترك العازف يطيح ..طبعا انا بكتب بسرعة واقول لك مثلا فاكر اغنية نبتدى منين الحكاية فى الكوبليه الاول مجدى الحسينى عمل صولو بيانو مبهر .. طبعا ده اتولد حرف حرف على ايدى عبد الوهاب اعطى له الاطار او البرواز وسابه ينطلق .. ليه .. انت لما يكون عندك عازف عملاق وطبعا مين بيفهم ف الناى اكتر عبد الوهاب ولا عفت ؟؟؟؟ فهمت قصدى ؟ لا انسى اليوم بالذات ان لنا اصدقاء اعزاء فىالمغرب الشقيق قلوبنا معهم واتمنى يطمنونا عليهم

**عاصم المنشاوى** · #6 10/09/2023, 16h16

شكرا يااستاذنا على المعلومة الموثقة كشاهد عين على الاحداث....وتسلم لنا يارب..

**طارق سرحان** · #7 11/09/2023, 16h58

المايسترو الاسطورة استاذ عادل صمويل
استمتعت جدا بذكرياتك مع العظماء عبد الوهاب وام كلثوم وعبد الحليم والعازفين الماسيين وطبعا حضرتك منهم وكنت اتمنى ان يطول الحديث اكثر واكثر حضرتك شوفت حفلة محمد الحلو فى السعودية المستشار تركى الشيخ على غفلة طلب من محمد الحلو اغنية قلبى على طيرى ومحمد الحلو وعد انة يغنيها فى اقرب حفلة فى السعودية انا اتمنى ان سيادتك تكتب النوتة الموسيقية لاغنية قلبى على طيرى وتهديها الى محمد الحلو والى المنتدى ولكل المهتمين بالطرب العربى الاصيل

**عادل صموئيل** · #8 13/09/2023, 16h51

احبائى
لمحبى السنباطى والاغانى الصعبة اقدم قصيدة
فجر
مع اطيب تحياتى

**عادل صموئيل** · #9 13/09/2023, 16h52

احبائى
اوبريت محمد فوزى

احب له ايام

مع اطيب تحياتى

**dorame** · #10 14/09/2023, 23h09

اقتباس:

المشاركة الأصلية كتبت بواسطة عادل صموئيل

احبائى
لمحبى السنباطى والاغانى الصعبة اقدم قصيدة
فجر
مع اطيب تحياتى

سلمت اناملك استاذنا العزيز سبق وان دونتها هل هذه نسخة اخرى مختلفة عن الموجودة سابقا ولا تحرمنا من تحف السنباطي
تحياتي واحترامي