طلبات نوتة أ / عادل صموئيل الجزء الثانى

**عادل صموئيل** · #1 21/03/2022, 21h40

انا اشكر اخى العزيز هيثم عل تعبه الكبير اولا فى ابتكار الفهرس وبعدين التعديل الجديد الل انا شايف انا اروع من الروعة وللعلم الفهرس ده انا بعتمد عليه اعتماد كلى ومفيش زيه للعلم فىا منتدى آخر علىالنت او اى صفحة يعن مكمن النوت موجودة بس صعب جدا انك تصل اليها .. التعديل الجديد وفر عليا مشقة يعن انا بكون علىالفيس وفيه ناس كتي اول ما بيحسوا انى اون لاين الاقى مثلا عشر اشخاص دفع واحدة بيطلبوا نوت فى نفس الوقت وانا عندى مشكلة ان ماقدرش حد يطلب منى نوتة واقدر انزلها له لو موجودة وللعلم كانت العملية دى ببتجهدنى الازل بالذات عشان بشكى من نظرى شوية انى اسحب الفهرس من اوله وبالذات فى اغانى غير السيدة ام كلثوم او فريد او عبد الوهاب يعنى بجر الصفحة بسرعة واشوف الاغنية لكن لما تكون اغنية بعيد تحت فى اعماق الفهرس بتتعبنى والتحديث بتاع الازرار ده اعجاز بكل المقاييس .. بس انا قلت لأخر العزيز هيثم ممكن الون بتاع الازرار فى اى تعديل خليه فاتح عن كده لأنه غامق اوى .. واكرر شكرى ولإدارة المنتدى .. نتكلم فى المهم حاليا بعمل لكم عمل اعجازى يعنى شىء مذهل خلصت نصه وكل جزء اصعب م اللى قبله ربنا يعيننى واخلصه مع اطيب تحياتى

**salhi_haithem** · #2 21/03/2022, 21h52

لا شكر على واجب انت تأمر أستاذ عادل
و أنا في إنتظار العمل الإعجازي و بكلي شوق إني أعرفه
المهم وفقك الله و إنشاء الله أطور الفهرس و يكون أكثر راحة لك و الأخوة و أنشاء الله تم التعدبلات و الملاحظات الكل
هيثم

**فراس ففيه** · #3 21/03/2022, 22h17

أستاذ هيثم لكي تسهل علينا القرأة في الأزرار الجديدة الحمراء
ضع لون الخط أبيض وبدون السطر أسفل الكلمات
انا غرافيك ديزاينر وأعرف هذه المسائل
شكراً لك وتحياتي

عزيزى معاك عادل صموئيل هو اللون الاحمر غامق اوى يعن لو يبقى فاتح عن كده

**salhi_haithem** · #4 22/03/2022, 08h58

اقتباس:

المشاركة الأصلية كتبت بواسطة فراس ففيه

أستاذ هيثم لكي تسهل علينا القرأة في الأزرار الجديدة الحمراء
ضع لون الخط أبيض وبدون السطر أسفل الكلمات
انا غرافيك ديزاينر وأعرف هذه المسائل
شكراً لك وتحياتي

عزيزى معاك عادل صموئيل هو اللون الاحمر غامق اوى يعن لو يبقى فاتح عن كده

صباح الخير
أخي الكريم بالنسبة للسطر أسفل الكلمة هو موجود لأن الزر فيه رابط و هذا كود الزر

<button class="favorite styled" type="button"><a href="#أم كلثوم"><b>أم كلثوم</b></a></button>

و لو تلاحظ باليز button فيها a href باليز الرابط
و هذا كود ستايل الزر

.styled {
border: 0;
line-height: 2.0;
padding: 0 20px;
font-size: 1rem;
text-align: center;
color: #fff;
text-shadow: 1px 1px 1px #000;
border-radius: 10px;
background-color: rgba(220, 0, 0, 1);
background-image: linear-gradient(to top left,
rgba(0, 0, 0, .2),
rgba(0, 0, 0, .2) 30%,
rgba(0, 0, 0, 0));
box-shadow: inset 2px 2px 3px rgba(255, 255, 255, .6),
inset -2px -2px 3px rgba(0, 0, 0, .6);
}

.styled:hover {
background-color: rgba(255, 0, 0, 1);
}

.styled:active {
box-shadow: inset -2px -2px 3px rgba(255, 255, 255, .6),
inset 2px 2px 3px rgba(0, 0, 0, .6);
}

**عاصم المنشاوى** · #5 22/03/2022, 17h08

الاستاذ / هيثم الصالحى

الله عليك يامولانا....احلى انجاز ده ولا أيه....

تسلم أيدك والله...

للعلم الفهرس بالطريقة دى بقا احلى فهرس موسيقى شرقي فى العالم يعنى انا دائم البحث فىالنت عن حاجات بتطلع لى عشرات الصفحات ناس واخدين فيها نوتاتى طبا بالهنا عليهم طالما مخليين اسمى عليها بس كلهم عندهم مشكلة خطيرة ان امتصفح بيدوخ السبع دوخات على ما يعرف يوصل لأغنية ما مع ان الاغانى كلها موجودة بس المشكلة اختلاف نوعية السيرفر يعنى السيرفر هنا بفلوس يعنىفيه مجال للأختراع والابداع وتسهيل الحصول علىالشىء الل ىانت عايزة لكن هناك صفحات الفيس والكلام ده مافيهوش الاماكانيات دى بس الاخ العزيز هيثم عامل انجاز انا شخصيا بيوفر عليا مجهود شاق فىالبحث عن اغنية

**Madeleine** · #6 23/03/2022, 19h00

مساء النور لأستاذ الفاضل عادل ياريت اذا ممكن تنوط اغنية
غاب الغالي
رابط الاغنية https://youtu.be/5CBvmVA1lBg

**عادل صموئيل** · #7 23/03/2022, 20h49

احبائى

محبى الاغانى المستحيلة اقدم لكم من اروع الحان السنباطى

ذات يوم ياحيبى

طبعا ده بيندرج تحت قائمة المستحيلات يعنى ماحدش يقدر يدونه ولا يغنيه وعزفه طبعا محتاج لازم تكون بتقرا نوتة وتعزف سماعى يعنى لازم ال يتمتع بيه يكون حافظه صم يعنى انا ما كنت اتجرأ وادونه إلا بعد العمر الطويل الى قضيته مع العمالقة ومع كل واحد على حده .. ليه .. اللحن ده اكتر من نصه ادليب .. وفى حالة وجود نوتة كان هو بيغنى بالعود واحنا بنعزف لأن الادليب هنا ما إلا استرشادى يعن هو بيقول حاجة واحنا بنتابعه .. لأن ممكن يطول حرف او ياخد نفس او يزود اى حاجة او يقوله بشكل تانى .. وبعد ما نقول الجملة عشر مرات يقول اسمعوه منى ويقوله بالعود ويقعد يقول فيه لحد ما نشرب احساسه .. وده اكتر ما يميز تدوينى هو الاحتكاك بالعمالقة دول وانى فاهم هو عايز يقول ايه او لما بيعمل حاجة بيعملها ازاى .. يعنى كان البروفة 4 ساعات مكمن نقعد فى ربع كوبليه وبعدين لاحظوا حاجة تانى .. ان اللحن ده عامله لنفسه .. يعنى لما بيعمل لحن لحد تانى ممكن يخاف لا ما يقدرش يقوله زى ماهو حاسس لكن لنفسه هنا ممكن تكون الصعوبة اضعاف .. والل بيحلىا للحن سر .. عارفين مصطلح مصرى عندنا اسمه الكبيركبير .. يعنى الفرق لما تعزف مع مطرب كبير .. ممكن يعيد الجملة عشر مرات عادى والجمهور عايزها عشرين لأنه كل ما بيقول اكتر بيجود احلا ..زى ام كلثوم .. يعنى لو ملحن صغير هم بروفتين لكن السنباطى طبعا كان لو عشرين بروفة ماحدش يقدر يتكلم وهى كانت ماديا بتقع علينا بالخسارة طبعا بس كون انك تعمل اعجاز فنى زى ده مش مهم الفلوس يعنى الاجور كان ملاليم والبروفات طبعا مش بتتحسب .. يعنىحتىف الحفلات كان المطرب الصغيرلازم يلتزم بالنوت بالاعادات لى فيها لكن المطرب الكبركانت مفتوحة يعنى يقول الجمل زى ماهو نفسه ويعديد الكوبليه تانى وهكذا حتى لازمة الانتظر ودى للى ما يعرفش يعنى ايه اناه الجملة اللى بتتعاد كتيروتسبق النغاء مباشرة يعنىزى اغانى ام كلثوم وعبد الحليم الكبيرة شوفالمقدمة الطويلة والمقمات الل بنروحها بعدين كله بيصفى وتيجى لازمة الانتظار دى بتلخص مقام الاغنية وبتمهد احلى تمهيد للمطرب يدخل متسلطن ع الآخر كان المطرب الصغير لازم يلتزم بالمرجع يعنى مرتين لكن المطرب الكبير زى ما بتسمعوا الست ممكن تتقال عشر مرات اول حاجة عشان الجمهور يهدى ويسمع وثانيا السلطنة واخطر شىء السرعة يعنى ممكن المطرب عايز السرعة تقعد شعرة وفى الاعادة بيشاور بإيده لعازف الايقاع انه يهدى شعرة ولو انت سميع اوى وتسمع الست بالذات تلاقى ما ينفعش تغنى على رتم بوكس او مترونوم يعنى سرقةالمقمة .. وتيجى لازمة الانتظار هىتشاور تهدى السرعة .. وبعدين كل جملة بتحس الايقاع اختلف فىالنوعيىة وفى السرع يعنى اسرع شعرة او ابطأ شعرة وجملةمقسوم وال بعدها واحدة كبيرة او العكس ده الطرب انا لما بسمع اغانى دلقوت بيجى لى شلل اطفال يعن كلها سرع واحدة مافيش فيها احساس واترككم مع النوتة مع اطيب تحياتى