طلبات نوتة أ / عادل صموئيل الجزء الثانى

[فراس ففيه]

تسلم إيديك أستاذ عادل على نوتة اسأل روحك
اما بالنسبة لكتابة النوتة مع المقام و المطرب انا اضم صوتي للأساتذ هيثم
لا اواجه مشكلة ابدا لا في كلمات الأغنية ولا التفاصيل
واللذي يحب ان يعرف اكثر عن اي اغنية يمكنه البحث في غوغل ان كان الكاتب او الملحن او المقام
شكراً على كل ما تقدم لنا

اخى العزيز اشكرك علىذوقك .. والكلام موجه للجميع طبعا ... الناس الى بيكتبوا الكلمات فوق النوتة ده لأغانى الاطفال عشان ممكن مدرس الموسيسقى بيكون مستواه ضعيف ف بنسهل عليه العملية انه الكلمة تقال الحرف بتاعها يعنى بس بتعمل مشكلة وهى ان الموسيقى من اليسار الى اليمين عكس اللغة العربية ف بنقلب الكلمة وممكن نعقد الموضوع اكتر يعنى اغانى الاطفال الاجنبية بيبقىاللغة من اليسار ايضا ف الكتابة ماشية صحيحة .. وبعدين النوتة دى اللى انا بدونها هى هى نفس طريقة الفرقة الماسية واحنا علمنا العالم عشان يبقى العالم كله بيقرا بطريقة واحدة يعنى زى الغربى ما كل النوت واحدة احنا نظمنا بحيث العالم كله يقرأ النوتة الشرقية بطريقة واحدة فيه حاجات تانية كتير .. ناس بتسألنى واحد كلب منى نوتات للبيانو يعنى عايز الايد الشمال ..قلت له انت مش ممكن حتلاقىالاغانى الشرقية مكتوبة للبيانو وللعلم كل صولوهات البيانو اللى فى الاغانى بيبقى عازف البيانو بيقرا من ورقة اللى انا بقدمها للفرقةكلها واتعود انه بيركب اليد اليسرى عليها من شطارته وخبرته يعنىانا مدون اغنية منحرمش العمر منك لفريد مثلا .. هى نوتة واحدة بتاعة الفرقة كلها وبطبع منها 15 نسخة .. هو ممكن بقعد يجرب شهر وكل النوت بتاعتنا تشتغل معاه .. واحد تانى طلب منى نوتة للفيولا مفتاح دو .. بالطبع انا قلت له انا ممكن اخدمك اعمل لك واحدة لكن حاتقف بعد كده لأنك استحالة تجد نوت شرقية مكتوبة غير فى مفتاح صول .. وعندك حاجة خطيرة عارف آلات النفخ اللى زى الفلوت والترومبيت والآلات دى بجميع انواعها حتى الساكس بتقرا فى سلالم تانية وهم اتعلموا كلهم يقروا فى مفتاح صول يعنى انت لما تسمع اى صولو اى آلة فىاغنية لعبد الحليم .. العازف ده بيقراها من نفس النوتة بتاعتكم دى .. وفهمته للعلم .. انا فى الفرقة الماسية لو الملحن طلب منى اطلب عازف فلوت يقول صولو وقدامى كذا عازف اختار مين ... يعنى عدننا الاوركسترا السسيمفونى مليان عازفين .. بختار الى بيعرف يقرا فى مفتاح صول من ورقتنا دى .. فاهمين قصدى ؟ يعنىالعازف بيشغل مخه ويفتح لنفسه مجال للرزق يعنىبطلبه يقول صولو ويقبضفلوس اما اللى لازم ادون له اللحن من سلم تانى واعمل له ورقة مخصوص طب ما انا اجيب العزف الجاهز مش كده ولا ايه ؟ فيه مثلا آلة زى الجيتار او الالات النفخ الغربية مافيهاش ربع تون عبقرية العازف اخترع لها طريقةتعزف ربع تون فهمتوا قصدى ؟ وهنا العازف بيفتح لنفسه باب زرق يعنى عندنا فىمصر 20 عازف ساكس ليه سمير سرور اكل الجو وكل الفرق بتطلبه ؟ لأنه شغل مخه واتعلم يقرا من مفتاح صول واتعلم كيف يستخرج الربع تون من الساكس يعنى انتم من حسن حظكم انى اشتغلت مع الناس دول وعارف الاسرار يعنى اللى سأل على نوت للبيانو من سنة لو كان سألأ حد غيرى لم يعمل مع هؤلاء كان حيقول له مفيش نوت بيانو وخلاص .. لكن لما انا فهمته قعد يجرب لحد ما توصل والناهردة بيعزف اى نوتة من بتوعنا .. عندك مشكلة المقامات .. انا مش بحب الحوار فيها اولا بيقلب ل خناقة بين طرفين مش ممكن حد منهم يقتنع .. وبعدين الموضوع قابل للنقاش كتير .. شوف اغنية مين عذبك انا دونتها مراتين فى الكوبليه دليل المقام مختلف تماما .. يعنى اول مرة خليت الدليل راست وعملت علامات تحيل فى الكوبليه وتانى مرة غيرت المقام فى الكوبليه .. النوتتين صح 100% بس وقتها كان مزاجى مختلف عن الاولى .. هنا ممكن اتنين يتخانقوا على مقام الكوبليه مع انه ما اختلفش .. احنا مشكلتنا فىالشرقى الاختلاف فى المقامات انا مش بفكر ف كده وللعلم عبد الواهب علمنى كده شخصيا قال ركز فى المقام الاساسى .... وبعدي كده اعتبر اللى جاى كله علامات عارضة إلا اذا حسيت ان المقام اتغير تماما يعنى 3 جمل ورا بعض مقام مختلف لكن لما اقعد كل علامة عارضة اقول مقام كذا حاتتجنن .. انا بحسها عمل جنس كذا بس عشان اعرف ادونها صح