احبائى
اقدم لكم اعادة لتدوين رائعة ام كلثوم وعبد الوهاب
فكرونى
يعنى دونتها المرة دى كما ينبغى ان يكون التدوين .. وطالعة شىء رائع افتخر بيه .. والسبب انى الاول كنت مدونها للمبتدئين شوية لكن لما اعدت النظر فيها حسيت انها ممكن تتدون احلى من كده .. والابداع ده اتعلمته من العمالقة .. يعنى لو رجع عبد الواهب تانى كان حايعمل تعديلات فىاللحن ولو رجعت ام كلثوم تانى كانت حاتغنيه احلى مما غنته من قبل 100 مرة .. انا نفسى طبعا بعزفه وحافظه صم من يوم ما طلع فى منتصف الستينات ..لكن لما بعزفه الناهردة بعزفه احلا طبعا مليون مرة اولا لأنى مع الزمن نضجت اكتر واتعلمت اكتر لكن الحاجة الخطيرة .. ان زى كل اغانى الزمن الجميل انت كل ما تركز فى اللحن اكتر تكتشف خباياجديدة لأن زمان ماكانوش بيلحنوا وخلاص كان الملحن بيقعد يلحن اللحن ده فىسنة وبعد كده ف البروفات بيقعد يعدل ويبدل فيها يمكن يغير نصه .. يعنى لفت نظرى حفلة فى الاوبرا وبيعملواالكوبليه الاخير وفيه عازف عزف صولوا الكمنجة ماعجبنيش .. انا بعزفه احلا طبعا بكتير لسبب مش انا اشطر منه ولكن الحن فيه خبايا خطيرة لدرجة ان ام كلثوم نفسها فى احد الحفلات غنت اللحن فى دولة عربية .. مكانش معاها الحفناوى وفى الكوبليه الاخير من فكرونى ماعملتش صولوا الكمان ده لأن ماحدش بيعرف يعزفه كما ينبغى وانا هنا افتخر انى دونته كما ينبغى يتفال والسر المقام حجاز كاركورد ولكن بيتخلل الصولو لعب فى نغمة لا ونغمة رى بيملها نص بيمول مرة فى الخباثة ماحدش يلحق يلمحها ويرجع بيمول تانى كذا مرة وده الى بيخلى اى عازف لما يعزفه انت تحس انه فيه حاجة خطيرة ناقصة : النكهة .. واللحن طول ما انت ماشى مليان شراك خداعية .. من النوعية دى حتى فى المذهب ماشى سى بيمول وف آخر مازورة بيقفل راست .. اللحن ده هدية كبيرة اوى للى حافظه لكن لو حد مش حافظه ممكن مش حايطلع اللى احنا عايزينه .. ولاجوا اللحن 12 صفحة ولكن ان تتخيل اعادةالتدوين اخدت منى وقت اد ايه بس الشىء الرائع اللى انا عملته يستاهل التعب .. وللعلم ممكن حد بيدون نوتة احسن منى بس مش حايعرف يدون اللحن ده إلا لو اشتغل مع الناس دى فترة طويلة لأن الموضوع مش لطع حروف ولكن فهم طبيعة الملحن والمطرب والعازفين كلهم واحد واحد .. رجاء اخى العزيز هيثم يحذف القديمة من الفهرس ويضع دى مكانها مع اطيب تحياتى
رد: طلبات نوتة أ / عادل صموئيل الجزء الثانى
العرض المتطور
