احبائى
اقدم لكم اغنية السيدة وردة
ايامنا عيد
انا دونت المقدمة والمذهب فقط ماقدرتش ادون الباقى .. اول سبب عازف الاورج بيلعب كتير وبيقول حاجات خارج انوتة ماتتكتبش وبيرتكب غلطة جسيمة وهى ان الجملة الى بيقولها الفرقة مش بتقولها وراه ودى فى حد ذاتها كارثة يعنى المفروض ان الجملة بتبقى مرة فرقة ومرة اورج وانا عادة بكتبهامن المرة بتاعة الفرقة لأنهم ملتزمين بالنوت لكن لما عازف الصولو يتفزلك او عايز يبين شطارته هنا بتحصل المشكلة الل ممكن تخلينى ما اقدرش ادون الحن كله من اساسه وكده يبقى اللحن مات لأن ماحدش حايفتكره تانى حتى .. وبعدين حاجة تانى ... مين اكتر واحد فى الدنيا بيحس باللحن ؟ المدون الموسيقى لأن انا بسمع الجملة مرتين بعدين ببتدى اركز ف مازورة مازورة انا الى بعمل عملية تشريح او تحليل او زى ماتقول كشف بالاشعة للحن .. بحس بالجملة الخطيرة الرائعة يعنى انا بحس بإعجاب شديد وبحس لو اللحن مسروق او اتقال قبل كده وفيه ملحنين بيسرقوا من نفسهم .. يعنى بيجيب مازورتين ورا بعض انا دونتهم من قبل فىلحن له قبلها ب 30 سنة .. يعن بإختصار بحس لو الجملة دى الهام وحى ملحن او تفصيل ... كلمة تفصيل يعنى بيضع اكلام قدامه ويمسك العود ويشغل جهاز تسجيل وبيحاول يطلع لها لحن .. والحن ده انا حسيت انه كه متكلفت يعنى يعنى حتى المقدمة تحس انها نغمات مرصوصة مافيهاش فكرة مع اطيب تحياتى
رد: طلبات نوتة أ / عادل صموئيل الجزء الثانى
العرض الشجري