رد: طلبات نوتة أ / عادل صموئيل الجزء الثانى
أستاذ عادل شكراً على كل النوتات الحلوة اللي حضرتك بتقدمها للفن العربي.
كنت بسمع الف ليلة وليلة ودرات الأيام لام كلثوم من يومين، ولقيت أنه في الف ليلة وليلة في صولو قانون جميل جدا اضيف للأغنية من الحفلة الثانية وصولو قانون في درات الأيام مع موسيقا المقطع الثاني .. ياريد يا أستاذ عادل تكتبه لينا زي ما عزف حتى لو كان معقد وصعب.
انا عارف انه حضرتك عزفت درات الأيام مع ام كلثوم .. ايه قصة الصولهات اللي بتظهر فجأة دي وليه ام كلثوم بتشلهم بعد كده مع انهم صولهات ممتازة.
الصولهات دي بتجي ازي؟ من العازفين ولا الملحن؟ وكلمة مين اللي بتمشي انه يكون في صولوا زي كده او لا.
هل فعلا السنباطي وعبد الوهاب كلمتهم هي العليا بس لازم يقنعوا ام كلثوم وانه بليغ مكانش ينفع يرفض لها طلب حتى لو كان مش مقتنع؟
معلشي سؤال تأني أحمد شفيق كامل في (انت عمري وليلة حب وامل حياتي والحب كله) كان متمسك بعبد الوهاب بشدة .. ليه تنازل عن الشرط ده في الحب كله. أنا قرأت انه فعلا عبد الوهاب كانت معاه الاغنية وبدا فيها لكن أم كلثوم كلفت بليغ بها .. يعني مش عارف الكلام ده صح ولا لا. حضرتك عزفتها معها فانت قولنا الكلام الحقيقي.
معلشي سؤال تاني: انا مش عارف حضرتك كنت معها في أخر حفلة 1973 لما غنت ليلة حب والقلب يعشق او لا لما كانت تعبانة اوي في القلب يعشق. هل فعلا بعد غلق الستارة العازفين فضلوا في مكانهم بيبكوا عليها وهي في وستطهم بتبكي وحاسوا انها النهاية .. معقول حصل ده؟
كل الشكر لحضرتك
مفيش صولو بيتشال هو مشكلة صولو ودارت الايام ان محمد عبده صالح كان فى اواخر ايامه ومرض ودخل المستشفى قبل احفلة بيومبن وبالطبع اتعملالحن بدون ولما رجع الحفلة التانية قال الصولو واحلا حاجة شوف الجمهور الى كان خلال الشهر مش حبيعمل حاجة الا انه يحفظ الاغنية طول الشهر لأن احلا سمع كان الحفلة التانية شفت استقبلوه ازاى وللعلم انا مدونه حلو يعنى ... اما صولوا الف ليلة وليلة الصولو اتشال عشان كان الحفلة فيها الرئيس عبد الناصر وحبوا يختصروها شوية اما اغنية الحب كله ما ينفعش ان ام كلثوم تديها لعبد الوهاب وبعدين تديها لبليغ يعنى عبد الواهب حايزعل وبليغ طبعا مش حاياخدها بعد مايكون عبد الواهب قد يكون اشتغل فيها ممكن يعد كده يطلع الحن اللى عمله عبد الوهاب يعنىبليغ مكانش حايحب كده اما مرحلة القل يعشق كل جميل كانت ام لثوم بقت خلاص يعنى مش عارف اوصف عارف بطاية العرلابية لما خلاص تنتهى وياتدور يا تزق هى بعد كده قررت تسجل الثلاثية عشان تقدر تتحكم فى صحتها فى الاستوديو لكن الحفلات كانت ابتدت تتعب الله يرحمها وللعلمعبد الحليم نفسه كان برضه حاسس ان قارئة الفنجان آخر حفلة
التعديل الأخير تم بواسطة : عادل صموئيل بتاريخ 06/06/2021 الساعة 19h21
|
العرض المتطور
