طلبات نوتة أ / عادل صموئيل الجزء الثانى

**salhi_haithem** · #1 15/05/2021, 09h55

صباح الفل على الناس الكل
ألـــــــــــــــف شكر أستاذ عادل على تحفة فتح الهوى الشباك لراهب النغم رياض السنباطي ومن كلمات مأمون الشناوي من فيلم أنا وحدي إنتاج 1953
هيثم

**منذر44** · #2 15/05/2021, 13h19

استاذ عادل شكرا على نوتة سعاد محمد ونرجو تحويلها الى درجة دو
مع كل المحبة

اتفضل النوتة اى خدمة

**basharbsh** · #3 15/05/2021, 19h26

اشكرك استاذ عادل على تدوين النوتة ادام لنا الله عطاءك
هذه نوتة قصيدة القدس قومي الى الصلاة تلحين السنباطي العظيم اتمنى تدوينها قريبا
وهذا هو رابط الاغنية
https://youtu.be/IQAlbwlof9o

**yasser sna** · #4 15/05/2021, 20h01

السلام عليكم ورحمة الله وبركاته .. تحياتي استاذنا الكبير عادل
اكرر طلبي ل اغنية عيناك للمطرب خالد الشيخ وهي مطلوبة كثيرا وليس لها اي تدوين على النت سوى في موقع واحد يطلب ثمنها 60 دولار فاذا تكرمت علينا بتدوينها تسعد الكثيرين
وهذا رابط به الاغنية وجزء بسيط من النوتة وجزاك الله خيرا على كل حال
https://www.orsoundstyle.com/2021/04/blog-post_46.html

**عاصم المنشاوى** · #5 16/05/2021, 14h47

الاصدقاء الاعزاء..

كل سنة وحضراتكم بخير...

الأستاذ /هيثم الصالحى....كل الشكر على مجهوداتك فى المنتدى....مجهود رائع في فهرست الاغانى

..وحاليا كمان بتعطينا نبذة تاريخيىة وفنية عن كل أغنية....

الأستاذ ياسر طالب اغنية يكتبها لنا عملاق التدوين استاذنا/ عادل بك صمويل .....لان احد المواقع على النت ...طالب

60 دولار...يعنى ألف جنيه مصرى.. يعنى لو الاستاذ عادل بياخد ألف جنيه على كل اغنية ...كان زمانه دلوقتى بقى

مليونير.....لكنه بحر العطاء .....

شكرا اخى العزيز عاصم ..بس خلى بالك احنا فى التدوين مش بنتحاسب ع الاغنية بنتحاسب ع الصفحة يعنى مش حاتعمل اغنية نص صفحة زى اغنية 18 او 14 صفحة بس من اول يوم انا ماحبتش اعمل كده لأن اللى بياخد فلوس ده بيبعت الاغنية لشخص واحد ع الايميل يعنى المجهود بيشوفه شخص واحد والفلوس مهما كانت بتتصرف ولكن لما بنزلها لوجه الله مجانا بيشوفها ملايين وانا اتعلمت فى الزمن الجميل ان الفن اهم من الفلوس يعنى هم كلهم رحلوا وانا دلوقتى باقى مندوب عنهم كلهم النوت الى بقدمها عشان الناس تفضل الى الأبد تعزف الموسيقى بتاعتهم لن دى الموسيقى .. يعنى الموسيقى بتاعة اللى بيغنوا دلوقت مش موسيقى يعنى جرب كده اعزف اغنية لمصطفى قمر مثلا مافيهاش جملة موسيقية تقدر تقولها زى ما بتقول الحان الملحنبن المالقة .. تخيل حسن شاكوش فى السنة ونص جمع فلوس اكتر من اللى كسبه عبد احليم فى كل عمره كذا مرة

ومحيط الكرم..

.ونهر الجدعنة...

ربنا يخليك لينا يااستاذنا ......ويديم علينا نعمة منتدى "سماعى"....

**ابوكارم** · #6 17/05/2021, 10h46

الاستاذ / عادل
تحياتي لحضرتك
اذا امكن تدوين اغنية
امي ياست الكل بموت فيكي للاطفال
لان لحنها جميل

https://www.google.com/search?q=%D8%...4dUDCA4&uact=5

https://www.sm3ha.com/song/%D8%A7%D9...%83%D9%8A.html

**عادل صموئيل** · #7 17/05/2021, 18h13

احبائى
وعودة الى الطرب الاصيل والعيار التقيل

اغنية فايزة احمد

حبيبى يامتغرب

طبعا بليغ مكانش يقدر يلحن لفايزة اثناء لماكان متجوز وردة .. واللحن ده فيه اجزاء صعبة جدا يعنى لأن بليغ اكيد بيثبت لفايزة انه ملحن قدير ادها يعنى وكمان فايزة من تعاملى معاها بتحب اوى الاجزاء الصعبة عشان تثبت جدارتها
جدير بالذكر ان ف الكوبليه الاول صولو كمنجة معمول بالطريقة الغبية لدتمير الموسيقى والى العازفين دول خلوها بقت موضة بعدهم يعنى الجملة مكتوبة صولو كمنجة ومش بتعيدها الفرقة وهنا الكارثة .. بمعنى .. الطبيعى فى اغانينا ان الجملة انت بتسمعها مرتين مرة فرقة ومرة صولو وانا عادة بدونها من المرة بتاعة الفرقة لأنهم ملتزمين بالنوتة لأن الصولو ممكن يتفزلك او عايز يبستعرض او بيقفل الجملة قفلة من عنده وده بيلخبطنى وانا لازم اكتب الاساس اللى الملحن عامله لن ده الى بيبقى للذكرى والتاريخ والللى اتعودنا عليه طول عمرنا واتكسر فى فرقة هانى مهنا . العازف بيشوف ان الجملة صولو فقط ومش بتقولها الفرقة .. ومش بيقدر الأمانة انه يحافظ على اللحن .. وبيقول من عنده حاجة ملخبطة مالهاش اى لون او طعم وانت روح اسمع اتسجيل واسمع صولوا الكمنجة لا حاتفهمه ولا حاتعرف تدندنه بعكس الصولوهات بتاعة الحفناوى زمان عشان ملتزم كان الجمهور حافظها صم على خلاف نعيته .. وثانيا المصيبة انى ماكتبتش الصولو تجاهلته وهنا اللحن خسر جملة ممكن كانت حلوة لأن عازف الكمان طمسها .. المصيبة انا برفض الطريقة دى وكل زملاء جيلى لكن الاجيال الى بعدنا بقت موضة يعنى دى الطريقة اللى بيعزف بيها واحد مثلا زى جهاد عقل بيشوه جميع اغانى الزمن الجميل الل بتقع تحت ايده يعنى انا حاليا موجود بدل كل نجوم الزمن الجميل وعن لسانهم اقول لك لو سمعوا جهاد عقل حايشمئزوا من اللى بيقوله .. يعنى عامل زى ما تجيب الملوخية او الكبسة وتضع عليها كاتشب ومايونيز وهوت صوص .. حتتشوه .. يعنى النوع ده من الموسيقى اسمه زيجان وده موسيقى الغجر بتوع اوروبا .. هو لون .. وله محبيه .. بس لما تعزفه هو بنفسه يعنى لما تجيب مقطوعة من موسيقاهم وعندهم مقطوعاتنا كتير واعمل فيها كل الل فى نفسك .. لكن موسيقانا احنا لها نكهة ونوعية تانية ما ينفعش تخلط ده مع ده .. ولو اتخلط مرة خلاص تبقى مرة ( فاهمين قصدى ؟ ) يعنى فى رسالة من تحت الماء .. عبد الحليم حب يقدم شىء جديد مختلف يعنى يقدم لك موسيقى الغجر ده فىا لصولو الى عمله محمد مصطفى على الكمان الكهربائى .. بس طبعا عشان ما يضيعش الجملة الل عاملها محمد الموجى سمعك الجملة كذا مرة من الفرقة وبعدين سمعها لك من محمد مصطفى بالطريقة دى .. الجمهور العادى مش حاييفهمها لأنها حاجة عفاريتى .. اقصد الجمهور العادى حايدندن لبجملةى الاصلية .. لكن ماحدش حايغهم الجملة الل قالها محمد مصطفى الا الشاطرين اوى اوى فى الكمان وفاهمين قال ايه وفى التدوين انا عزفتها مع عبد احليم مكتوب ثالت مرة صولو كمنجة .. فقط .. الصولو مش مكتوب .. لأن ده بيبقى ارتجال من العازف .. يعنى انا بتعب نفسى ليه اغنية زى دى اخدت عشرين ساعة شغل ؟ عشان احافظ على تراث الزمن اللى مش حايتكرر ..ما يجيش بعد كده حد يشوهه بدعوى التطوير .. يعنى انت فى اى دولة عندكم الاكل التقليدى اللى تتميز بيه الدولة ولازم يكون من قرون كتير والسائح بييجى بلدكم عشان يتذوق ااكل ده ف لازم انه يقعد الوف السننين كما هو مش تحط عليه اختراعات حاتدمر طعمه نفس الموضوع الموسيقى هنا كانت نتيجة التطوير انى تركت صولو اكمنجة .. فى احيانا فرقة بيعكوا لازمة اكلوبليه كلهاطبعا مش بقدر اكتب الكوبليه كله فيه ناس تانية بتلخبط ف كل الاغنية انا بتجاهلها .. يعنى احنا هنا فى المنتدى ليه متجاهلين الاغانى الحديثة .. اولا لانها موزعة واجنا مانعرفش نستخلص اللحن الاساسى ثانيا والاخطر زمان كان لازم الكمنجات تصاحب المطرب .. وحط تحت دى 150 خط ..اتعلموا منى ... عشان من بعدى مش حاتلاقوا حد يعلمكم الكلام ده .. زمان كان المطرب او لفظ مطرب ده بيطلقوه على حد موهوب ماحصلش مش اى حد ماشى ف الشارع .. انا عاصرتهم كلهم .. وطبعا الى قبلهم كانوا لايقلوا عنهم .... يعنى انا رحت بيت صباح مثلا دونت لها عدد من الاغنيات بصوتها ركز اوى اوى معايا .. لا معاها عود ولا اى آلة كانت بتنندن الموسيقى وصوتها صريح مافيهوش الهوا .. انا سامع منها حروف سليمة وبتدندن الغنا لما تقعد تغنى نص ساعة مش ممكن تقول حرف خاسس .. دلوقت الل بيغنوا كلهم بلا استثناء عندهم حروف ضايعة .. يعنى كان عدننا حفلة اول امس تحييها ميريام فارس وطق ف مخها تغنى اغانى لعبد الحليم .. عندها من مى بيمول فا صول لاسى بيمول دول الل بتشتغل بيهم .. تحت المى بيمول مافيش فوق السى بيمول مفيش حروف ضايعة كلها نشاز .. زمان كان المطربة بتمتلك مش اقل من اوكتافين واكتر فهمتم قصدى ؟ دلقوتى اللى بيغنوا بيغنوا بدون كمنجات تحتهم تسندهم بيغنى ف الهوا وزى ماقلت معظم حروفهم ضايعة يعنى مشبوهة انا لما بسمعهانا سامع حرف نص بيمول خايف اكتبه لأنه صوته مش مظبوط بعكس عبد احليم انت بتسمع الحرف لا مجال للشط يعنى سافمع اى حرف تكتب وانت مغمض واكمنجات تحته بتأكد كمان فهمتوا حاجة ؟

**basharbsh** · #8 19/05/2021, 16h18

اقتباس:

المشاركة الأصلية كتبت بواسطة basharbsh

اشكرك استاذ عادل على تدوين النوتة ادام لنا الله عطاءك
تحياتي لك
هذه اغنية قصيدة القدس قومي الى الصلاة تلحين السنباطي العظيم اتمنى تدوينها قريبا

وهذا هو رابط الاغنية
https://youtu.be/IQAlbwlof9o

اغنية جميلة في هذا الوقت الصعب التي تمر به القدس

**عادل صموئيل** · #9 19/05/2021, 20h47

احبائى
اولا اشكركم على الكلام الجميل الى قلتوه ..
اقدم لكم اغنية من اصعب الاغانى اللى دونتها سعاد محمد والسنباطى

القدس

فيه ظاهرة ليه سعاد محمد والسنباطى الاغنية بتبقى صعبة جدا .. يعنى يمكن احيانا اصعب من اغانى ام كلثوم هل انه بيبين قوة سعاد حمد او من وجهة نظرى لأنى اشتغلت معاهم كلهم ودى لن تتوافر لحد موجود دلوقتى .. كانت زمان مفيش وسائل تسجيل متوفرة وانت ك جمهور بتسمع الاغانى فى الراديو وكانت ام كلثوم بتتذاع اكتر من سعاد محمد 100 مرة وده بيخلى الاغنية مالوفة اكتر وانت حافظها وانت لما تحفظ اغنية مهما كانت صعبة بس بتبقى مألوفة .. كمان سعاد محمد كانت ميزانيتها المالية محدودة لذلك مش بتعمل بروفات كتير .. يعنى هنا فى الكوبليه التانى مشكلة فى الايقاع انا قعدت احاول افهم فيها نص ساعة .. مش عايزة تتظبط لدرجة انى عملت لل 4 موازير كذا مسودة تحتهم فى كذا سطر وعشان تتظبط كتبت المازرة الرابعة اولها فا .. وبعدين حاولت اظبط اللى قبلها كتابة بالعكس يعنى كتبته من اليمين لليسار يعنى حسيت انى عبقرى .. لحد ما اتظبطت .. لأن عازف الايقاع مش حافظ واعطى دوم فى مكان غلط وده لخبط الدنيا .. يعنى لو كان حافظ كانت هى غنت حرف وهو دخل معاها ف تانى حرف لأن مدخل الكوبليه فى اللافارى والمصيبة انها مش بتعيد الجملة اللحن كده ..يعنى الاخطاء الخطيرة اللى زى دى بفوت الجملة الاولى وفى الاعادة طبعا دول ناس محترفين بتكون اتظبطت .. ام كلثوم عمر ما تحصل الاخطاء دى لأن عندها فرقتها متفرغة 45 بروفة والعازف حافظ اللحن صم .. بس انا اشك ربنا لأنه اتاح ليا ظروف عمرها ما اتيحت لحد تانى يعنى انا مواليد سنة 1950 فى سن الخامسة كنت حافظ جميع الاغانى بتاعة كل املطربين من اولها لآخرها .. يعنى تخيل انت لما تدخل كلية الطب مثلا وتكون خافظ كل لكتب دى من وانت سنك خمس سنوات طبعا غير لسه واحد بيستكشف .. كمان لما تقعد مع الناس دى .. لازم تكون واحد عايز تتعلم مش واحد بيشتغل عشان يقبض فلوس.. يعنى انا اتكون من عناصر كتير وده الى بيخليك تحس بشىء ما .. يعنى الاخ العزيز اللى عجبته اغنية لفايزة .. لولا انا بغنى حلو بالكمنجة مكان المطرب مكانش تدوين الغنا حايطلع بالابداع ده ..كمان عزفت الاغنية دى 70 مرة مع فايزة .. واكررها ابداع .. مش غرور ولكن اعتزاز بالنفس يعنى انا فعلا بقدم شىء ماحدش يقدر يقدمه لسبب زى ما بقول توافر الظروف يعنى انا لما بدون غناء المطرب بعد ما اكتبه حروف بقعد انقحه .. ازاى تغنية بآلة موسيقية ويطاع الغنا فى دقة متناهية ما يبقاش حروف وخلاص .. يمكن احسن من الفرقة الماسية لسبب .. هناك كان المطرب عليه الشغل واجنا بنصاحبه يعنى التركيز على اللزم اللى بنرد بيها عليه لكن هنا انا عارف ان فيه حد حايعزف الاغنية بعود مثلا ف لازم ادون له شىء لمايعزفه يحس انه بيقول شىء رائع مش حروف وخلاص .. لأن زى ما قلت من قبل الموسيقى الشرقية تطريب .. ولازم التدوين يكون فيه التطريب ده بقدر الامكان .. وكمان من ضمن الظروف اللى بقول عليهاان فيه ناس بتقدر مدهودى .. يعنى وانا بكتب جملة واحس انى ابدعت وحاسس ان فيه ناس حا تحس بالابداع ..بيختلف عن لما اكتب وماحد=ش حاسس لحاجة .. يعنى الزمن الجميل من اهم سماته ان كان فيه جمهور بيتذوق يعنى كنت فى حفلة والمطربة بتقول بياتى قالت المى نصف بيمول خمس مرات بعدين الملحن عمل مى بيمول الجمهور اتنفض ..فاهمين قصدى ؟ حتة حرف صغير اتعير قلب الدنيا ... دلقوت اللى بيروحوا حفلات مش بيحسوا بالكلام ده يعنى حتىلما تسمع قرآن زمان .. كان المقرىء بيقول جملة ويسكت الناس تقول الله بيقول احلا منها .. لأنه متعمق فى مقام وعارف ازاى يجيب احلا ما فيه من نقلات الناهردة التلاوة الحديثة واحد ماسك القرآن كله قاريه بجملة واحدة فيها ع الاقل 3 اخطاء وشغال .. والناس مشغلينه ف المحلات ولا حد بيمسع ومرة سألت عامل فى محل الشيخ ده بيقول ايه قال مش عارف قلت له طب مشغله ليه قال: بركة ...... يعنى اللى بيسجل عمل زى ده عارف ان ماحدش حايقعد يركز بيقول ايه .. غير زمان كنت اروح استديو الاذاعة بدرى شوية عن ميعاد شغلى الاقى شيخ بيسجل تلاوة قرآنية وقاعد خبير موسيقى بيراجع ويقول له خلى الجملة دى سوزناك .. او خليها كذا .. يعنى غير ابداع المقرىء ... فيه كمان خبير موسيقى بيحطوا خبرتهم مع بعض ليه ........ لان ده تسجيل حاتسمعه الناس بعد سنين مش ميتم ولا قعدة حاتروح لخالها واللى اتقال اتقال وخلاص .. لولا الجمهور مكانش حايبقى فيه ابداع .. لأن الى بيقدم عمل بيبقى عامل حساب الجمهور .. يعنى انا لما بقدم عمل رائع طبعا بكون سعيدجدا لما انتم تحسوا بكده فى النهاية اقدم الاغنية دى للقدس راجيا الله ان ينظر اليها واطيب تحياتى

**salhi_haithem** · #10 19/05/2021, 22h02

مساء النور
و اللهي سعيد جدا بهذه الدرر و الإختيارات الموفقة و كمية الطرب... إبداع كبير.. شكرا استاذ عادل.. و ارجو ان لا ينقطع هذا التدفق الجميل من الالحان
هيثم