طلبات نوتة أ / عادل صموئيل الجزء الثانى

[qusay.qq]

الأستاذ Omda32.....و من بعد إذن أستاذنا / عادل صوئيل /
هذه نوتة / كيفك إنت /
الموجودة لدي.

[عادل صموئيل]

احبائى
اغنية عازار حبيب

نانا نانا

مع اطيب تحياتى

[Madeleine]

المشاركة الأصلية كتبت بواسطة عادل صموئيل

احبائى
اغنية عازار حبيب

نانا نانا

مع اطيب تحياتى

مرحبا الاستاذ الفاضل عادل
كل احترامي وتقديري لحضرتك
على اغنية نانا نانا

[Omda32]

المشاركة الأصلية كتبت بواسطة qusay.qq

الأستاذ Omda32.....و من بعد إذن أستاذنا / عادل صوئيل /
هذه نوتة / كيفك إنت /
الموجودة لدي.

********
شكرا سيد قُصي على تفاعلك و أجتهادك بالفعل أعلم أنها النسخه و النوته الوحيده المتوفره بالمنتدى و بتلك الطريقه يبدو أنها معموله بإحدى البرامج الخاصة بالتنويت الموسيقي بمعنى تلك البرامج التي تستخرج لك نوتات أي أغنيه بمجرّد السماع كما يوفر إمكانية المشاهده و القراءه التلقائيه و أيضا الطباعه و هذه البرامج بما أنها من صنع غربي غالبا ما تكون غير مشرّوقه و بالنهايه المستخرج لا يكون دقيقا كما يجب و أحياتا يفقد القطعه روحها لذلك يا سيد قصي طلبتها من الأستاذ عادل صامويل وهو البارع بالتنويت بحاسة سمعه الرائعه و دقة تنويته الواضحه و الغير معقده و الممكن عزفها من أي واحد لكن للأسف أحالنا الأستاذ عادل للبحث عنها بتلك البرامج للحصول على نوتتها و بصراحة هز في نفسي كثيرا أن يحجب عنك فتّان كبير وهبه الله ملكه رائعه ، يحجب عنك نوته تعادل نصف ورقه و أنت تعلم أنه قادر و أفصل من تلك البرامج و على كل حال سنطلبها من فيروز نفسها 😉🤣👍✔

انا عادل صموئيل تركتك تتكلم ومن كلامك انا حسيت انك فاهم انى متعمد ان ما اعملش اى نوتة انت بتطبها .. اولا وكل الاخوة الاعضاء عارفين شروط لازم تتوفر فى اى اغنية عشان ادونها ..اولا ماتكونش موزعة وحضرتك سألت يعنى ايه موزعة هل انت فعلا ماتعرفش يعنى ايه موزعة ولا مش عاجبك كلامى ؟ انا اقول لك يعنى ايه موزعة .. يعنى فيه الحان كتير بتتسمع مع بعضها بس فيه احيانا بيبقى فيه اللحن الاساسى واضح جدا والتوزيع تحته مش ماثر عليه زى ارجوك اسمع اغنية انا قلبى دليلى ل لبلى مراد حتلاقى تحت اللحن الاساسى فيه اوركسترا سيمفونى بيقول 6 خطوط لحنية لكن مش متداخل مع اللحن الاساسى .. لكن المشكلة ان فيه موزعين بيتداخلوا فى اللحن الاساسى وهنا ما ينفعش الاغنية تتكتب نوتة وكده تعتبر ماتت لأن بدون النوت الاصلية بتاعة الموزع ماحدش حايقدر يعزفها .. واحب اقول لك حاجة تانية قلتها قبل كده وانت ماقريتهاش .. انا كنت المسؤول عن النوت الموسيقية فى الفرقة الماسية كان عندى غرفة فيها كل النوت لكن اكتشفت ان مافيش ولا اغنية موزعة النوت بتاعتها موجودة زى اغنية حبيبها مثلا سمعتها ؟ ولما سألأت لأن عبد الحليم غناها قبل ان التحق بالفرقة قالوا ان الموزع كان بعد التسجيل بيجمع كل النوت وياخدها معه عشان ماحدش يكتشف اسرار التوزيع .. اغنية حبييبها كانت توزيع على اسماعيل لذلك لما مات على اسماعيل كان من المستحيل ان عبد الحليم يقدر يغنى حبيبها تانى فى حفلة وبالطبع ماحدش يقدر يدونها لأن اللحن الاساسى متداخل معاه حاجات تانية ومستحيل فصله .. ولازم تعزفها مجموعة من الآلات كل آلة بتقول حاجة غير التانية وانت بآلة واحدة مش ممكن تقول لأن حتقول شىء مبتور مالوش معنى اما هذه الاغنية .. اولا شوف انا دونت كم اغنية لفيروز كان فيهم اغانى موزعة لكن التوزيع مش متداخل مع الحن الاساسى دونتها .. لكن هذه الاغنية اول شىء فيها صوبو بيانو ايد يمين وشكال .. وده محتاج متخصص فى تدوين البيانو وانا مش شغلتى لأن الموضوع تخصصات احنا مش فى سوق الخضار ,, وبعدين الاوركسترا لو تلاحظ بيقول جمل موسيقية متداخلة حاجات كتير مع بعض ومفيش لحن اساسى .. وفيروز بتغنى فوقهم حاجة تانى ومفيش كمنجات بتقول معاها وبتغنى شىء رزى الريستاتيف يعنى مش ملتزمة بالوحدة .. عشان كده ماحدش يقدر يدون الالحان الى زى كده هى فزلكة من الملحن بس النتيجة انه بيقتل الحن لأن ماحدش حايعرف يعزفه إلا سماعى يعن شوف فى جوجل وفى هذا المنتدى فيه نوت كتير ناس غيرى مدونينها بس الاعضاء بطلبوا منى تدوينها تانى .. لكن عمرك ماحتلاقى اللحن ده .. وانا شفت النوت اللى مدزلها الاخ قصى .. وطبعا شىء مالوش معنى ولا يمت اللى اللحن بصلة يعنى انا فعلا كنت عايز اشوف مكتوبة ازاى .. والخلاصة انى مش بتعنت مع حد يعنى 99% من اللى بتوصل لهم نوتى او اللى بيطلبوا النوت انا ما اعرفهمش شخصيا .. وانا بعمل النوت بلا مقابل يعنى الجميع عندى سواسية بس لازم نفهم ايه اللى يتعمل وايه اللى مايتعملش .. يعنى مثلا قلنا مليون مرةالتقاسيم والموال مش بتتدون مثلا الاقى حد طالب ادون تقاسيم ..

[Omda32]

المشاركة الأصلية كتبت بواسطة Omda32

*****************
شكرا سيد قُصي على تفاعلك و أجتهادك بالفعل أعلم أنها النسخه و النوته الوحيده المتوفره بالمنتدى و بتلك الطريقه يبدو أنها معموله بإحدى البرامج الخاصة بالتنويت الموسيقي بمعنى تلك البرامج التي تستخرج لك نوتات أي أغنيه بمجرّد السماع كما يوفر إمكانية المشاهده و القراءه التلقائيه و أيضا الطباعه و هذه البرامج بما أنها من صنع غربي غالبا ما تكون غير مشرّقه و بالنهايه المستخرج لا يكون دقيقا كما يجب و أحيانا يُفقد القطعه روحها لذلك يا سيد قصي طلبتها من الأستاذ عادل صامويل وهو البارع بالتنويت بحاسة سمعه الرائعه و دقة تنويته الواضحه و الغير معقده و الممكن عزفها من أي واحد لكن للأسف أحالنا الأستاذ عادل للبحث عنها بتلك البرامج للحصول على نوتتها و بصراحة هزّ في نفسي كثيرا أن يحجب عنك فنّان كبير وهبه الله ملكه رائعه ، يحجب عنك نوته تعادل نصف ورقه و أنت تعلم أنه قادر و أفضل من تلك البرامج و على كل حال سنطلبها من فيروز نفسها 😉🤣👍✔

أرجو أن لا يأخذ الأستاذ عادل في خاطره من كلامي هذا و يبقى دائما أستاذنا و نحن تلامذته وهو يعلم مدى إحترامنا له و تقديرنا لأعماله و كل ما أمتعنا به فعلا أتمنى له الصحة و العافيه و طول العمر و دون شك فخر لنا جميعا كل ما يقدمه فألف تحية شكر ، ولتذهب هذه الأغنيه للجحيم فلن تنتهي الموسيقى بدونها و أعتذر لو فُهم كلامي على نحوٍ لم أقصده فالمهم يكون أستاذنا الرائع عادل صامويل راضٍ و ليتأكد أننا بأنتظار إبداعاته من حين لآخر .تحية يا أستاذي الغالي أستاذ عادل صامويل❤

[فراس فقيه]

مرحبا استاذ عادل
هنالك عازف كمان أسمه أنور حريري يقول انه عزف أغنية من غير ليه مع الفرقة الماسية وان عبد الوهاب لم يلحن بين مقاطع الأغنية والفواصل وبعض اللوازم. ما رأيك في هذا الكلام وهنا رابط الحلقة
https://youtu.be/dnVZEm8pUpg

وهذا تسجيل نادر لعبد الوهاب وهو يغني من غير ليه على العود والرق
https://youtu.be/FzZNY0wMFuU

انا صراحة لا اثق بأحد غيرك لكي اعلم المعلومات الدقيقة والصحيحة
دمت لنا

الكلام ده نصه غلط لأن مش ممكن وعبد الوهاب كان عايش انه سيسمح لحد انه يضيف موسيقى بداله على اى اغنية .. وبعدين عبد الوهاب عمل معانا ييجى عشرين بروفة عشان يظبط الحن لأن الصح انه فعلا ما اعادش غناء اللحن تانى ولكن التسجيل الموجود من شريط التسجيل القديم واحنا ركبنا عليه الموسيقى .. لكن عبد الواهب هو اللى عمل كل همسة فى اللحن .. وللعلم عبد اولاهب كان عنده غزرارة لحنية يعنى اى لحن انت تسمعه كان فى البروفات بيغير نصه .. لكن فى اللحن ده كان عبد الوهاب مش بييجى جنب الغناء لأن مالوش حل لكنه اعاد صياغة الموسيقى مازورة مازورة وللعلم عبد الوهاب لو كان عنده وقت كان عمل جمل موسيقية اد كده عشرات المرات وللعلم زى ما افتروا على الموجى وقالوا ان ميشيل المصرى هو اللى عامل مقدمة قارئة الفنجان ... يعنى العباقرة دول طالما هم عايشين ماحدش يقدر يحط حرف فى موسيقاهم يعنى انا مش بحب اسمع جهاد عقل بيعصينى .. ولو عبد الوهاب سمعه كان حايشمئز م اللى بيقوله ليه لأنه بيقول اللحن بطهعم تانى وبيضبف حاجات من عدنه والالحان دى مقدسة ماحدش يقدر يضيف فيها حرف حتى يعنى اقول لك حاجة الموجى لو مكانش قادر يعمل مقدمة قارئة الفنجان كان عمل سطر واحد . او عمل حرف دو طويل فقط وعبد الحليم يغنى جلست وتبقى اختراع انه المرة دى معملش مقدمة .. يعنى انا شخصيا ايه اهم ميزة فى عزفى لو سمعته ؟ انا انا بنفذ اللحن بالمللى زى ما صاحبه عمله لأنهم علمونا كده يعن الشاعر الحمد شوقى يقدر حد يقرا قصيدة من شعره ويضيف اليها كلمات ؟

[qusay.qq]

الأستاذ الكريم عادل صموئيل
يسعد أوقاتك
بعد الكلام الجميل والواضح الذي كتبته ولإدامة و استمرار الهدوء والمزاج الرايق
أرجو من حضرتكم تدوين أغنية السيدة فيروز / لاعب الريشة /
و ألف شكر.
وهذا الرابط

https://www.youtube.com/watch?v=C1QEzYAZJ1U

[علي برغل]

ألف تحية أستاذنا العظيم

أرجو من حضرتكم أن تمدونا بنوتة أغنية

فيروز - دق الهوى عالباب –

الرّابط

https://www.youtube.com/watch?v=1smzrqfSWpI

و ألف شكر

[فراس فقيه]

[SIZE=5][COLOR=Blue]الكلام ده نصه غلط لأن مش ممكن وعبد الوهاب كان عايش انه سيسمح لحد انه يضيف موسيقى بداله على اى اغنية ..

شكرا جزيلا استاذنا الكبير عادل على الشرح والتوضيح بالنسبة لاغنية من غير ليه..هذا ما اعرفه عن موسيقار الاجيال من خلال قراءتي سيرته وبعض الوثائقيات.
دمت لنا يا كبير
اخى العزيز وكل اخوتى الاحباء .. لو حسبتوا ان من حسن حظكم انى متواجد بينكم وبتتعلموا منى اكون فى منتهى السعادة لأن الى توفر لى من معلومات لن تتوفر لحد تانى ..يعنى عشان بعدين لما اكون مش موجود انتم كمان تقدرا تفهموا اى كلام يتقال وتقيموه اذا كان صح ولا غلط .. يعنى هنا اقول لك التحقق يبقى ازاى ..اغنيةمن غير ليه هل اتسجلت قبل ولا بعد وفاة عبد الوهاب ؟ اتسجلت قبل وفاة عبد الوهاب بسنوات وهو اشترك فى بروفاتها الكير ..لو كانت اتعملت بعد وفاة عبد الوهاب ممكنا ن حد لعب فيها واضاف اليها ما ... يفسدها ... يعنى اقول لك درس خطير .. فيه اغنية اسمها كلمة عتاب لوردة وانا طبعا اشتركت فى انتاجها .. الاغنية دىلقوها ضمن الحاجات الىكان فريد سايبهافى وسط بقاياه يعنى لحن فيها المذهب والكوبليه الاول وما كملهاس معرفش ليه .. ف بليغ اشتراها من الورثة وقال يكملها.. ودى غلطة فادحة ..يعنى بليغ رائع ولكن الوحى بتاع فريد شىء والوحى بتاع بليغ شىء فى المقدمة جمع كام جملة من جمل فريد الشهيرة ولزقهم مع بعض عمل مقدمة ..ولما جينا عن الكوبليه التانى اللى من تلحين بليغ تحس انه شىء مش حلو يعنى بيلزق حاجة مش متجانسة مع الل سبقها .. يعنى فريد تركها ليه وصل لهنا ووقفت معاه وتركها معرفش اللى عمله مش عجبه ولا تركها ليكملها يناسب بعدين .. ما ينفعش اى حد يكمل لحن لموسيقار كبير من بتوع الزمن الجميل حايطلع شىء مش متجانس عارف عمليات زراعة الاعضاء لو واحد عايز كليه بيجيب ايه اى كلية يلزقها وخلاص ولا لازم تكون متجانسة معاه .. الكلام ده لو اغنيةلحد من اللى بيلحنوا دلوقت لأن الحانهم اصلا مالهاش قيمة مالهاش فكر ,, لكن ملحنين زمان مواضيع تانية يعنى اقول لك حاجة تخلى مخك يلف ,, هات خمسين جملة مقام بياتى من تلحين عبد الوهاب فى اغانى مختلفة وحاول الزقهم ورا يعض حتلاقيهم مش متجانسين .. مع انه البياتى هو البياتى .. لكن فى كل اغنية كان بيعمل نهكة .. مش موجودة فى اللحن التانى .. يعنى كنا فى اى بروفة بنقرا الجملة م النوتة كتير ولما يحس اننا تقريبا حفظناها يمسك العود ويقول انا عايزها كده تسمع تلاقى مواضيع تانية يعنى نفس الحروف لكن الاحساس حاجة تانية تلاقى يخسس مى او يزود لا يعنى شىء ساحر فى كل اغنية بيعطيها النكهة المنفردة .. حاجة تانى .. مرة صديق قال لى عايز ابعت لك هدية قلت له ايه قال اغانى ام كلثوم بصوت عبد الوهاب ع العود عارف انا قلت له ايه ؟ احرقهم عارف ليه ؟ كان عبد الوهاب مع ام كلثوم بيعمل 45 بروفة وبيقعد يغير ف اللحن ويشيل حاجات ويضيف حاجات لحد قبل التسجيل بيومين يكون وصل للشكل النهائى اللى بيقى مش اقل من 50 % تغيير فى اللحن اللى ع العود الى ابتدينا بيه .. لذلك غلط انا شخصيا اسمع الشريط الاول لأن الاغنية اتغيرت وكده الخبط الل انا حافظه .. بعد كده هل ممكن عبد الوهاب فى آخر لحن فى حياته ( وللعلم هو كان حاسس ان ده آخر لحن وانه مش عنده وقت يعمل لحن تانى ) هل حايترك حد يخط فيه جمل غريبة تلوثه او يدمره او بفسده وهو مازال يقدر يعمل عشر
ات الجمل ؟

[فراس فقيه]

[SIZE=5][COLOR=Blue]اخى العزيز وكل اخوتى الاحباء .. لو حسبتوا ان من حسن حظكم انى متواجد بينكم وبتتعلموا منى اكون فى منتهى السعادة لأن الى توفر لى من معلومات لن تتوفر لحد تانى .


اكيد وطبعا نحن نتعلم منك استاذنا العظيم ولي كامل الثقة بكل كلمة تقولها ان كانت معلومات موسيقية او تحليل فني. انت كنز الموسيقى العربية دقيق جدا بكتابة النوتة بصراحة انت مبهر ونحن محظوظين لوجودك في المنتدى واجاباتك الوافية المبسطة المقنعة.
بالنسبة ل انور حريري عازف الكمان قال انك لم تكن موجودا في الفرقة عندما تم تسجيل اغنية من غير ليه
انا انقل لك هذا لكي تعرف كمية الحسد والغيرة والنكران من بعض الناس.
اشكرك من اعماق قلبي استاذنا الكبير الفاضل عادل صموئيل
اقول لك حاجة تضحك ؟ هو لما جه يلتحق بالفرقة الماسية انا الل امتحنته يعنى كان احمد فؤاد حسن وحسن انور وانا كمسؤول عن النوت اللى اخترت له اغنية من اغانى وردة بس انا كنت متعمد اجيب نوتة صعبة جبت له المقدمة بتاعة اغنية ولاد الحلال صعبة جدا بس الصراحة قالها حلو ف جايز هو شايل منى وبعدين انا ماليش بيه اى اتصال ع النت بس الناس بيخبطونا ف بعض يعنى اكيد بيقولوا ان احسن نوت بتاعتى او انى بقول ما ينفعش حد يتعلم كمنجة اون لاين لأنه هو عامل قناة بيدرس كمنجة اون لاين .. وبعدين المشكلة ان المبتدئين بيتكلموا مع الشاطرين.. يعنى ييجى واحد ف صفحة يقول انا عايز اتعلم كمنجة وحد يرد عليه انزل اشترى كمنجة وادخل قناة انور الحريرى وتتعلم .. وانا اقل لهم الكلام ده تهريج يعنىازاى تدوزن الكمنجحةلوحدك من الصفر حاتقطع الاوتار كل يوم .. ولازم يكون معاك مدرس لأن انا استاذ كمنجة والل ىبيتعلم لازم الاستذ يعلمه ويصلح له الاحطاء وقت طويل واون لاين ده لما الواحد يبقى شاطر ممكن يدخل يعنى من باب العلم بالشىء ممكن يلقط حاجة هل انا كلماى صح ؟ مش بيعحب الناس دى