طلبات نوتة أ / عادل صموئيل الجزء الثانى

**Madeleine** · #1 09/01/2021, 14h34

مساء النور الاستاذ الفاضل عادل صموئيل
ياريت لوسمحت تنوط اغنية عصام رجي عالدقة ونص
https://youtu.be/qq7VLAR476o

**ابوكارم** · #2 09/01/2021, 14h54

الاستاذ عادل
نوتة في كل حي ولد عترة وصبية حنان
بحثت ولم اجدها
وافر الشكر
بحثت فى الفهرس ؟

**عادل صموئيل** · #3 09/01/2021, 18h40

احبائى
اغنية عفاف راضى

حاسب وانت ماشى

مع اطيب تحياتى

**عادل صموئيل** · #4 09/01/2021, 22h02

احبائى

مع العيار التقيل اغنية سعاد محمد

امتى الهوى ينصف حبيبين

مع اطيب تحياتى

**عادل صموئيل** · #5 09/01/2021, 22h25

احبائ
اقدم لكم اغنية سعاد محمد

مظلومة ياناس

فيه حاجتين عايز اقولهم اول حاجة ان انا النهاردة منزل حاجات كنير وارجو ان ماحدش يتخيل ان النوت دى موجودة عندى فى الدرج وبنزلها .. دى بتاخد مجهود شاق يعنى لما يكون فيه الحان صعبة كده انا بقالى 4 ايام بشتغل فى حدود 18 ساعة فى اليوم مش متواصلين بيفرقهم ساعة راحة .. يعنى انت بالنسبة لك الاغنية مجرد اسم بتكتبه اما بالنسبة لى فيه اغانى بتاخد شغل شاق
الشىء التانى الاغنية دى انا فى منتصفها بعد ما قرفتنى كنت حاتوقف عن تكملتها بس قلت اخلص منها فيها مشكلة خطيرة انها تتسمع ما تتكتبش انا مش عارف تلحين مين .. بس فيها عيب .. يعنى المقدمة مرت على خير والكورال ولما دخلت سعاد محمد كانت متسلطنة اكتر من ال لازم وبتصدر يعنى بتغنى براحتها مش ملتزمة بالوحدة لدرجة ان الحركة دى بتخلى عازف الايقاع يخاف لايلخبط الدنيا لأن طبعا مفيش قدامه نوتة ف بيضطر انه يدى تكوك مش لاقى مكان يدى فيه دموم ( مجموع دوم ) وانا اخطر حاجة بشتغل عليها لازم اكون سامع الدوم زى المدفع عشان دى بتحدد لى اول المازورة فيه والحروف داخل المازورة ولا الحرف بيخرج من المازورة واول المازورة فيه سكتة واد ايه ولا حرف .. وايه من آخر مازورة مربوط فى ايه بعدها كل ده بدون وانا سامع الدوم .. الحن ده مافيهوش دوم خالص ودى طريقة وديع الصافى وانا عزفت معاه كتير بيعمل نفس الطريقة هى عبقرية يعنى بس ما ينفعش تاخد منه وتدون يعنى يتسمع فقط
مع اطيب تحياتى

**qusay.qq** · #6 09/01/2021, 22h41

ألف شكر على هذا التعب والمجهود ...دمت بألف خير أستاذنا الفاضل
/ عادل صموئيل /

**عادل صموئيل** · #7 09/01/2021, 22h52

احبائى
اغنية عفاف راضى

عشاق الليل

مع اطيب تحياتى

على فكرة انا بقرأ كل الردود واشكر ذوقكم

**عادل صموئيل** · #8 10/01/2021, 20h35

احبائى
اغنية عصام رجى

ع الدقة ونص

مع اطيب تحياتى

**qusay.qq** · #9 10/01/2021, 23h00

أستاذنا الكريم /عادل صموئيل /
ألف شكر على تدوين أغنية / سأل الحلو /
وفيها توزيع ..و أغاني السيدة فيروز أغلبها موزعة .
ولكن نطمع في كرمك ونكون ثقيلين الظل عليك.و أعرف أنك من الذين يصغون إلى أغانيها .
دام عطاؤك ودمت بوافر الصحة و العافية.

ا

اخى العزيز انا عايز اوضح موضوع التوزيع ... التوزيع نوعين .. نوع بيبقى التوزيع تحت اللحن الاساسى طول اللحن يعنى بيبقى ماكياج او اكسسوار وهنا انت ممكن تعزف اللحن كاملا بالعود وده اساس تواجدنا هنا فى المنتدى .. لكن فيه توزيع تانى انا بسميه التوزيع المدمر وده مشكلته ان التوزيع بيتداخل فى اللحن بحيث انت ماتقدرش تعزف الحن بالعود حايقى فاضى .. وده انا ما اقدرش ادونه لأن التوزيع بيعمل تآلفات بينخدع فيها المدون واكيد لازم اللحن لو اتكتب حايطلع 60% من المكتوب مش غلط بس حاجات حتبقى غريبة على اذن المستمع وهنا انا اعرض نفسى ان حد يقول فيه غلط وده اللى عمره ما حصل وان شاء اله معمره ما يحصل .. يعنى احنا فى الفرقة الماسية الل لم يأتى قبلها ولن يأتى بعدها فى التاريخ كعمالقة العزف والتدوين كان اى اغنية وزعة كان الموزع بياخد الورق معاه وهو ماشى بحيث ان مانقدرش نعزف الاغنية تانى فى اى حفلة يعنى فاكر اغنية حبيبها ؟ لما على اسماعيل توفى ما قدرناش نعزفها تانى ودى المشكلة لذلك انا بقول اختار اغنية يكون التوزيع فيها مش مأثر ع الميلودى الاساسى

**omarhalim** · #10 10/01/2021, 23h55

استاذي الفاضل عادل المحترم

شكراً على عطاءك وسلمت يديك الماسية

في اغنيتين للسيدة فيروز قمة في الرقى والجمال الاولى أغنية شال و أغنية يارا

فيهم توزيع بس لا اعتقد انهم يصعبوا عليك تدويناً .. اتمنى منك تدوينهم من يديك الماسية

اطلب من الله ان يمدك بالصحة والعافية والعم الطويل و لك كل الشكر على المجهود الكبير لحفظ كلاسيكيات الزمن
الجميل

مع اطيب الامنيات

عمر / لندن
اشكرك على ذوقك هو موضوع التوزيع ان يكون ما يطغاش على اللحن الاساسى عشان انا اساس تدوينى هنا بدون لناس بتعزف عود مثلا يعنى لازم يقول الحن كامل ثانيا ممكن تنزل لى الروابط توفر لى وقت البحث وشكرا