طلبات نوتة أ / عادل صموئيل الجزء الثانى

**خالدموسى** · #1 31/12/2020, 19h10

مساء الخيرات يا استاذ عادل
لى سؤال عايز اعرفه دايما زميل لى يقوله لى وانا لا اعرف اجابته
ومن حبى للموسيقى احب ان اعى كل خلفياتها
وطبعا حضرتك مرجعى فى الموسيقى
والسؤال
مامعنى نوى على راست ؟
و مثال على مقام نوى
وما الفرق بيم مقام حجاز و حجازكار
واشكرك مقدما على حسن استماعك يا استاذنا

اخى العزيز انت بتتكلم فى موضوع شكله سهل لكنه شائك جدا ومحتاج دراسات .. اول سؤال انت قلتنوى على راست الكلمة دى غلط هى العكس هى راست على النوى .. ماهو عدم الخبرة لبخلى اللبيسألك بيسألك غلط اولا ماهى النوا ؟ النوا دى نغمة الصول فى الموسيقى العربية يعنى الدو اسمها راست والرى اسمها دوكا والمى اسمها سيكاه والفا اسمها جهاركاه والصول اسمها نوى وال لا اسمها حسينى والسى اسمها اويج .. لأن بتوع الموسيقى العربية زمان كانوا فاضيين ماوراهمش حاجة ف اخترعوا 47 مقام ولما نقول مقام الراست هو من دول الى دو وفيه سى نصف بيمول ومى نصف بيمول .. واى مقام من المقامات الشرقية ممكن يتصور او يتعزف على اى نغمة غير نغمته الاصلية يعنى هنا مقام الراست بنعزفه على درجة النوة يعنى من صول الى صول وبنعمل دليلة سى نصف بيمول وفى السكة واحنا ما شيين الفا بتبقى نصف دييز اما الفرق بين الحجاز والحجاز هو نفس الطريقة مقام الحجاز متصور من درجة تانية والتصوير يعنى نفس ابعاد المقام الاول وبنضطر نغير علامات تحويل عشان الحسبة تطلع مظبوطةوالمقام يبقى سليم يعنى بس الاول عشان تتقن الموضوع لازم تكون حافظ المفامات الاصلية من مكانها الاصلى يعن نغمتها الاصلية بعد كده بتتعلم تصوير المقام على درجات تانية

**omarhalim** · #2 31/12/2020, 19h20

استاذ عادل المحترم
أتمنى لك و لجميع اعضاء المنتدى سنة جديدة 2021 خالية من الاوجاع و مليئة بالسعادة والنجاح
و سلمت يداك الماسية على الجهد الكبير لحفظ كلاسيكيات الزمن الجميل جيل العمالقة الذي لن يعوض

**عادل صموئيل** · #3 31/12/2020, 19h45

احبائى

مع العيار التقيل قصيدة لأم كلثوم غنتها سنة 1930 للسنباطى

اتعجل العمر

مع اطيب تحياتى

**Madeleine** · #4 31/12/2020, 21h36

كل سنه وانت بالف خير الاستاذ الفاضل عادل
ياريت لوسمحت تنوط سكة حلب
رابط الاغنية https://youtu.be/mf3Us4wIFVU

**elarabi** · #5 01/01/2021, 10h53

استادي الفاضل عادل

أتمنى لك و لجميع اعضاء المنتدى سنة جديدة 2021 كلها هناء و راحة البال

سنة كلها عطاء و مجهود لا مثيل له ولا يسعني هنا الا الدعاء لك بكل ما تتمناه و ينعم الله عليك بالصحة و العافية انت و اسرتك الكريمة

ان سمح و قتك استادي فيه قطعة جميلة لحنت في خضم هدا الضجيج لمجموعة بابيلون من الجزاءر
https://youtu.be/zKGW9V1WSl8

**qusay.qq** · #6 01/01/2021, 14h36

كل عام وأنتم بالف خير
أستاذنا الكريم / عادل صموئيل /
هناك أغنية للسيدة فيروز / سال الحلو /
أرجو من حضرتكم تدوينها ولكم جزيل الشكر

https://www.youtube.com/watch?v=eEi4eq2daZM

**خالدموسى** · #7 01/01/2021, 15h54

اشكرك استاذى الفاضل على هذا الشرح الذى اضاف لى معلومات لم اكن اعرفها
حتى اكون على دراية بهذه المصطلحات

اهم حاجة ان فيه عشر مقامات رئيسية لازم تكون حافظهم .. وبعدين القمام الرئيسى ده بيبتدى من درجة يعنىمثلا البياتى من رى والراست من دو وهكذا ..بعد كده ايه الفرق بين مقام ومقام تانى .. ان اللى بيعمل نكهة المقام يعنى يسمعوه يقولوا مقام كذاالابعاد بتاعة المقام ..بعد كده ممكن اى مقام من دول بتعزف من درجة تانية غيردرجته ودى اسمها تصوير يعنى زىماتصور واحد فى مكان ومكان آخر