جهاز التسجيل ماركوني

**نور عسكر** · #1 25/12/2020, 18h01

(تابع لما قبله)

الاذاعة المصرية من أولى الاذاعات العربية
والتي تأسست عام 1934
وكان لديها جهاز التسجيل ماركوني ، وتم تسجيل العديد
من الأغاني والموسيقى والموشحات وغيرها
على شريط ماركوني المسجل وحسب برنامج الاذاعة المصرية
للمثال لا للحصر للفترة من 16 إلى 31 مايو 1935

**د. ماهر(أبو خالد)** · #2 28/12/2020, 13h33

بارك الله بكم استاذنا الكبير أبو حسام الورد معلومات قيمة جدا

**نور عسكر** · #3 29/12/2020, 12h50

اقتباس:

المشاركة الأصلية كتبت بواسطة د. ماهر(أبو خالد)

بارك الله بكم استاذنا الكبير أبو حسام الورد معلومات قيمة جدا

تسلم أخي الغالي د. ماهر أبو خالد وشكراً لمرورك على
الموضوع ، دمت بكل الخير والأمان مع تحياتي

**عادل صموئيل** · #4 13/01/2021, 11h25

معلومات قيمة جدا جدا .. كانت نفس مشكلة التسجيل بهذا الجهاز هى نفسها مشكلة التسجيل على اقراص الشمع اللبعد كده بتنطبع منها الاسطاونات الحجارى ال78 لفة بتاعة الفونوغراف وهىان اللحن لازم يتعزف من اوله لاخره بدون اى خطأ يعنى الشريط عشان خطورته زى ما مكتوب فوق كانلازم ان المهندس ما يمرمطوش انها يفضل يرجعه ويقدمه ويمسحه ويسجله تانى ويفضل رايح جاى .. يعنىاقصد انه تشغله من اوله لآخره وبعدين ترجعه وخلاص المشكلة دى كانت طبعا بتستهلك جهد رهيب من العازفين واملطرب يعنى كمان كان لسه التدوين الموسيقى فى مصر ما ابتدوش يستعملوه فى الاغانى المصرية وكان التحفيظ بالتلقين يعنى الملحن بيقعد يحفظ الفرقة والمطرب والكوال بالعود .. وكانوا طبعا بياخدوا وقت طويل جدا حتى يحفظوا اللحن بدون اى غلطات عشان يتسجل بقدر الامكان ما يتعادش تانى ,, لأن اىغلطة معناها لازم ستوب ومن الاول ودى مع الشريط المزعج ده كانت ممكن الشريط يتكسر .. ومع القرص الشمع كان لازم يترمى ويحطوا واحد جدي وطبعا كان مكلف جدا جدا .. لذلك حقول لكم سر .. كان ممكن يتغاضوا عن الغلطات الصغيرة يعنى على اساس ماحدش واخد باله .. المشكلة دى انا شخصيا اعانى منها .. فى التدوين .. لأن لازم الممل يكون مظبوط بالشعرة واىكسر فى الوحدة بيعمل لى مشكلة .. وهى كيفية تجبير الكسر بطريقة فنية بحيث ان اكيد لازم ازود حرف صغير اظبط بيه المازورة علميا .. لأن مانقدرش ندون مازورة فيها كسر يعنى على طول ناس ماسكة سكاكين تقول لكفيه غلط .. وكمان انا لما بصلح بيحصل اختلاف عن الناس ماحافظة .. يعنىالمشكلة المستمع حافظة على عيبه ..ولو قلنا الصح نبقى احنا اللى غلطانين وقعد العذاب ده لحد ما اخترعوا الشريط المغناطيسى العادى البلاستيك .. ودخلنا فى دنيا جديدة وهى المونتاج والمقص .. وممكن تعيد اى جزء وتشيل اللى فيه غلط او حتى المطرب الكبير ممكن يقول الجملة عشر مرات لحد ما يلعلع يعنى بعدين يشيلوا منها الاولانيين ويخلوا الحلوين اوى وعلى فكرة طالما قلنا .. التليفزيون كان فيه نفس الكارثة اول ما ابتدا سنة 1958 مع ان الشريط كان بلاستيك زى شريط الصوت فى النوعية بس طبعا شكله تانى هالث .. كان برضه الماكينات بدائية ماتقدرش توقف الشريط وتكمل كانت تعمل فرلغ اسود شوية ... لذلك كان المسلسل الحلقة بتتسجل كلها مرة واحدة يعنى البلاتوه كان بيبقى فيه كل الحجرات الل ىحايدخولها فى المسلسل والممثل بيطلع من الغرفة دى يدخل دى وكأن المسلسل بيتمثل على مسرح وكان طبعا حتى التتارات بتتصور قبل التمثيل وتخيل بقا لو اى غلطة فى الدقيقة 44 قبل نهاية المسلسل بدققة كان لازم يعيدوا م الاول تانى .. لذلك كان وقتها الممثلين كلهم عمالقة العمالقة يعنى كل واحد مقدر انه مسؤول عن الجميع كان الابطال مين محمود المليجى وعبد الله غيث وانت طالع والكومبارس والادوار الثانوية الاطبال الكبار بتوع دلوقتى ... تاريخ