رد: عبد الجبار الدراجي
غنا الـمطرب عبد الجبار الدراجي
أغنية مكتوب مكتوبين
للشاعر عدنان السوداني من ديوانه ( كلام و لحن ) الذي اصدر سنة (1965)
الحان و غناء عبد الجبار الدراجي
( مكتوب مكتوبين )
مكتوب مكـتوبين اوديلك و سطورها اتسلم و تهديلك
شوگي و تحياتي و الحبر دمعاتي
و بـكـل رسالة حالتي اشكيلك
بعد التحية و السلام اكتب عطفي و حناني و حگــ عليك اعتب
تدري الفركـ الـمهجتي يعذب
محبوبي يا غالي و غيرك ما يحلالي
و بكـل رسالة حالتي اشكـي لك
ابصحه و سلامه و خير احوالي و ميهمني غير افراگـك الغالي
ليل و نهار اسمك على بالي
عيني على دروبك و انتظر مكـتوبـك
و بكـل رسالة حالتي اشكـي لك
اشتخسر حبيبي لو تودي كـتـاب قل الحبر لو قـلت الكـتـاب
لو انت ناسي عشرة الاحباب
و ما مر على بالك و الفرگه تحلالك
و بكـل رسالة حالتي اشكـي لك
----
الأغنية 👆🏿👆🏿👆🏿مثبتة في ديوان الشاعر ( عدنان السوداني ) ( كلام ولحن )
و لحن و غنا الـمطرب عبد الجبار الدراجي للشاعر ( عدنان السوداني )
أغنية ( دكتور )
دكتور
دكتور جرح الاولى عوفه و جرح الجديد اعيونك اتشوفه
اكبر من الاول و بمدته اطول
جرحين صارن بالگـلب و الروح مكـلوفه
جرحي الاول بالگـلب من يوم عشرتنه
و الثاني آه اشگد صعب و اسبابه فرگـتنه
دكتور هالاسباب منها الگـلب ما طاب
و للناس قصتي بالهوى اصبحت مكـشوفه
دكتور تدريني اعجزت بالروحة و الجية
چم وصفه ليه وصفت ما فادت اشويه
دكتور دليني شنهو اليشافيني
هذى طبيبي حالتي امبينه و معروفه
دكتور وصفولي الصبر و الصبر مليته
و لـمن صبح حالي خطر شخصك اتعنيته
اشكـيلك الحاله من ولفي و اعماله
روحي بهواه اتولعت و للوصل ملهوفه
عجزت حتى الصيدلي من كـثر ما دور
كـل دوه ما عنده الي و بوصفتي اتحير
دكتور دليني شنهو اليشافيني
جرحين صارن بالگـلب و الروح ملهوفه
-----
الأغنية 👆🏿👆🏿👆🏿مثبتة في ديوان الشاعر ( عدنان السوداني ) ( كلام ولحن )
و لحن و غنا
أغنية ( سوالف )
كـلمات الشاعر ( عدنان السوداني )
سوالف
سوالف لا تصدگوها يحن الغير كم گـلبي و يوالف
حچي اللي وصلكم لا مني و لا منكم
سوالف لا تصدگوها سوالف
اليه اشما صدر من عدكم اعتـاب ارضاه ابرحابة صدر يحباب
لكـن لا تحسبون ابها الحساب انسه وعودكم و الها اخالف
لو عندي فكر انسه هواكم و اميل الغير كم و اعشگـ سواكم
ما ضحيت كـل غالي الهناكم و لا ظليت لودادي اضاعف
جربتو الگـلب چم مره شفتوه مخلص بالهوى و صادكـ عرفتوه
بس ليش الحچي العاذل تصدگوه العاذل يا وگت لو حچه ايناصف
--------
الأغنية 👆🏿👆🏿👆🏿مثبتة في ديوان الشاعر ( عدنان السوداني ) ( كلام ولحن )
أغنية ( على يا مال )
كـلمات الشاعر ( عدنان السوداني )
وحيده خليل
و غناها كذلك عبد الجبار الدراجي
على يا مال
على يا مال يا روحي تنوحين على يا حساب يا عيني تهملين
على الضيع ودادي على الراضي ابعادي
على يا مال
يا روحي اللي باع الحب ابيعه و الـما ايطيع گـلبي ليش اطيعه
ادروب الحب هذا شگد وسيعه اعوفه و غيره اكو اهوا يا محبين
على يا مال
اون و الون على اليفهم ونيني و على اليعرف ثمن حبي و حنيني
مو عالضيع ايامي و سنيني ولا عنده شفت عادة حبيبين
على يا مال
حبيب الـما عرف قدر الـمحبه ما اريده و لا اگولن احبه
هو من الالم مرتاح گـلبه و آنه امن الهوى ضگت الامرين
على يا مال
------
الأغنية 👆🏿👆🏿👆🏿مثبتة في ديوان الشاعر ( عدنان السوداني ) ( كلام ولحن )
و لحن و غنا
أغنية ( هاي هيه ) للشاعر عدنان السوداني
هاي هيه
هاي هيه لو بعد نتلاگه نار هجرك يا حلو حراگه
اشلون اصبر عالبعد مالي صبر منتظر عالنار احر من الجمر
و الوفي تدري صعوبة فراگه
هاي هيه لو الي بوصلك أمل بيا وسيلة نلتقي شنهو العمل
صبرت گـلبي و گـلبي ما قبل و الوفي تدري صعوبة فراگه
احنا جسمين بفرد روح و گــلب احنا اكـثر من حبيب و محب
و انفرض هجرك على ولفك غصب هاي هيه
أني بعدك هايم لوحدي غريب ما إلي سمير لا حبيب
سلوتي انت و سلوى منين اجيب هاي هيه
🍃🍃🍃🍃🍃🍃🍃🍃🍃🍃🍃
سادتي اعضاء منتدى سماعي ابحث عن النسخة الأصلية لأغنية دكتور
و ابحث كذلك عن أغنية سوالف و هاي هيه
فـ فضلاً و ليس أمراً الذي تتوفر في مكتبته ان يرفعها هنا و له منا كـل الامتنان
|
العرض المتطور
