أغاني * الفوندو* في تونس...

المشاركة الأصلية كتبت بواسطة Najeh Souleiman

الكلمات الأصلية لفوندو نميت نم المخاليل (أو لميت كما تعرف في الحواضر) كما وردت في كتاب الصادق الرزقي "الأغاني التونسية" :

عملنا منذ بعث المنتدى على اجتناب الشكر و التمجيد في الردود لكي لا تتوه المواضيع المطروحة
لكن استسمحكم ان اخرق هذه القاعدة مع هذه المشاركة واتوجه بالشكر والامتنان للسيدة نجاح لان هذه وثيقة لا تقدر بثمن فني

[Najeh Souleiman]

أبيات نادرة غير معروفة لفوندو العين تنحبّ من فراق غزالي مقتطفة من نسخة السيدة فطومة للأغنية تسجيل Paul StrÄger 1903 و نسخة السيدة لويزة التونسيّ لسنة 1945 :

آه يا ناقل الزين نوصّيك أرجع و خوذ الوصاية
على العاجبة حلّ عينيك رحلت بين الثنايا
سيد النصر يلاقيك و تتّم بعده الحكاية

دمعي جاري من الفرج كان الصبر العالي
ساعات نفكر و تجري نواري
و يحرم منامك الذي ما يحلالي

كبدتي من الوحش ذابت و عيني تراجي كلّ ثنيّة
تتفكرينيش ثابت و في غيبتي يا البيّة

العين تغزر تتممّ محبوب قلبي فناها
يا بنية التي تنقل الحبّ حنّي مثل ترى في دموع بكايا

نار المحبّة جفاتني و الصبر هوّ دواها
من الخير ما شفت الخير
نار المحبّة تحرق قلب من جفاها

و نلاحظ إختلافات في هذا البيت أو الردّة :
نسخة السيدة صليحة : العين تنحب من فراق غزالي حتّى لذيذ النوم ما يحلالي
نسخة السيدة لويزة التونسيّة : العين تنحب من فراق غزالي من الفراج كان الصبر العالي
نسخة السيدة فطّومة : العين تنحب على فراق غزالي من التي فنات قلبي طبال على نعاسي