ارفق لكم العمل بنسخة اصلية واتمني ان ينال اعجابكم
..
حلم صغير نحلم بيه
عش صغير وانتي فيه
وسط الغابة والمضلال
واحذاه جنان وشلال
وين تشرق شمس ادفيه
وين تغرب شمعة تضويه
حلــم صغير نحلم بيه
كان تنفس صبح جديد
ياخذنا للالعاب زمان
الحادي بادي والغميضه
واح واح والعرسان
ونجيبو ورقة ومكاره وانديرو بيهن طياره
ونعلوها ونعلوها
ومره نجيبو كوم حجاره
نبنو بيت ونبنو حاره
ونهدوها وتظلم ونجو خايفين
وتظلم وانجو خايفين
نجرو كيف عيال صغار
نضوو شمعه وكوينين
نحطو براد ومفخار
ونجيبو حكايات قديمة
مره فيه ومره سار
مــــــــــره
في هاذك الغوله
ومــــــــــرااا
في بنت السلطان
فيــه نقارش وامبسيسي
وحب اللؤلو والرمان
ويطــــول الليل وخرافه
تكمل ونجيبو خرافة
وياخذنا في لحظه النوم
مانحسو لوبادي يوم
طالع فجر نسيمه هادي
ورد جنان فتح نادي
عش ضاوي ضي يكفيه
نحلــــــــــــــــــم
كلمات الشاعر/ سالم الكواش
الحان وغناء / سعد الفيتوري
رد: سعد الفيتوري
رد: سعد الفيتوري
العرض المتطور
