طلبات نوتة أ / عادل صموئيل الجزء الثانى

**عمرو الهنداوي** · #1 24/07/2019, 18h06

لست راضي عن حالة السكون التام في هذه الصفحة .. أين الناس؟؟
أستاذ عادل موجود وبخير والناس موجودة وبخير .. المشكلة فين؟؟
من فضلكم اين المشاركات والاسئلة..
الفنان دائما محتاج جمهور ومتابعين ومشجعين ومتذوقين علشان يقدر ينتج ويمتعنا.

أستاذ عادل من فضلك ارجع لنشاطك المعتاد اللى اتوعدنا عليه ..
كمل مشوار نقل الامانة الفنية للاجيال الحالية والقادمة باعمالك وذكرياتك وتدوينتك ..
من فضلك ارجع ..
مازالت تملك الكنوز والاسرار والفن والعبقرية لتسعدنا ..
منتظرنين حضرتك في الجزء الثالث من النوتات مع تحفة من تحف الفن الجميل على زوقك ..

**qusay.qq** · #2 24/07/2019, 18h26

أشد على يدك أستاذ عمرو
تحياتي للأستاذ عادل صموئيل شمس المنتدى وعلى سلامة الجميع طبعاً

**خالدموسى** · #3 24/07/2019, 23h36

اشكرك عمرو بك هنداوى
وجدتها فى الفهرس - يا اغلى اسم فى الوجود
وانا اؤيدك فى كلمتك بخصوص زيادة نشاط استاذنا القدير عادل صمويل
وزيادة المشاركات على الصفحة من المتابعين
ونحن نحتاج الى معرفة تاريخ الموسيقى فى ايامها الذهبية والقصص الجميلة التى يتحفنا بها الاستاذ عادل
وكذلك الحكايات التى كانت وراء الكواليس فى العصر الذهبى ايام الاساتذة ام كلثوم وعبد الحليم حافظ وغيرهم ممن عاصرهم استاذنا عادل

**omarhalim** · #4 26/07/2019, 23h38

مرحبا أستاذ عادل
من مدة طلبت تدوين أغنية الأستاذ محمد عبدالوهاب همسة حائرة من درجة لا بدل ري ..
لك كل اشكر لما تقوم به تجاه المنتدى .. مع أطيب الأمنيات بالصحة والعمر الطويل ..

ماشى اخى العزيز انا شفت الطلب ان شاء الله انزلها لك الاسبوع ده
مع اطيب تحياتى عادل صموئيل

**عادل صموئيل** · #5 28/07/2019, 01h05

احبائى

اخى العزيز مينا رضا طلب ترنيمة

مختصر الكلام

انا دونتها له لكن ليا ملاحظات هى طبعا تهم الجميع مش شرط انها ترنيمة ولكن انها لحن ..
الترنيمة دى متلحنة بكل مشكال الاغانى او طريقة التلحين الحديثة ... يعنى بيبتدى الموضوع بلحن مالوش اى قيمة يعنى الملحن ممكن بيعمله فى خمس دقائق .. مش بيتعب نفسه فيه لأن الجمهورما بقاش بيسمع موسيقى الجمهور بيسمع الايقاع والبيز والبيت والخبط يعنى تمشى تلاقى كل املحلات حتى التوكتوك معلى مفتاح البيز او البيت ع الآخر هنا مش تسمع لحن بتسمع الخبط بتاع البيز فقط وطبعا تحته ممكن تحط اى لحن حتى لو اتكرر مليون مرة الجمهور ولا فاهم حاجة ولا سامع حاجة اصلا ... انا بقالى اسبوع فى مرسى مطروح .. هناك كل المحلات نفس الموضوع صوت عالى ع الآخر ومعلى البيز او البيت ع الآخر النتيجة عمال تسمع خبط طأنك فى ورشة سمكرة .. مشكلة البيز ده انه بيبقى واصل ل يمكن 500 متر بعيد عن مصدر الصوت يعنى تسمع دق ... ماكنتش بعرف انام مرة نزلت الساعة 4 صباحا لقهوة تحت العمارة اللى كنات ساكن فيها قلت له انت معلى الصوت ليه قال عشان نجذب الزباين قلت له ده مفيش ولا زبون قاعد يعنى اكيد الدوشة طفشت الزباين ( هو طبعا عشان حمار مافهمش قصدى ) المهم تانى يوم قلت له انت ماعترفش مفتاح البيز فين توطيه شوية .. قال لى الزباين بتحب الخبط ده تخيلوا ؟
المهم نرجع لمشكلتين فى الترنيمة وهم المشكال الشائعة ... اللحن بيدوه لشغلة اخترعوها جديد اسمها الموزع وانا بسميه المدمر .. هنا فيه مقدمة موسيقية .. متفزلك فيها وعامل لغوصة بحيث ان المقدمة شوية حروف ملخبطة انا ما فهمتش منها حاجة ومرفق التسجيل .. طيب .. دى ترنيمة يعنى المفروض انها معمولة ان الجمهور يسمعها ويحفظها ويرددها .. يعنى الاول يستوعب المقدمة الموسيقية ... طيب انا الموسيقار الكبير الخبير او زى ما بتسمونى اى القاب المفروض او الطبيعى انى لما بسمع اى جملة موسيقية انى استوعبها اد ما اى حد من عامة الشعب اسرع بنسبة 100 مرة ع الاقل طيب لما انا مش مستوعبها خالص ازاى الشعب العادى اللى مش بيفهم موسيقى يستوعبها يعنى لو فى اغنية من اغانى المهرجانات او الاغانى الجمهور زى ماقلت مابقاش يسمع لاموسيقى ولا غنا بيسمع الطبل والبيز والهبد فقط بدليل شوفوا كم اصوات السباكين اللى طالعة من بلاليع المجارى بتغنى والمهور بيشترى شرايطها ..انا اضطريت ما اكتبش المقدمة .. وبديت من اول الغنا .. المشكلة التانية فيه اتنين بيغنوا شاب وقسيس كل واحد بيغنى كوبليه .. الشاب بيغنى الجملة وتانى مرة يعمل يها تجويدة يضيع معالمها وكأنه بيغنى فى فرح مش فى ترنيمة لازم يكون ملتزم باللحن اوى .. لأن الناس زى ماقلت بتحفظه وتقول زيه ومش معقول حيقولوا اللى بيقوله ده .. مع اطيب تحياتى

**مينا رضا** · #6 28/07/2019, 07h25

أولا ً حمدالله على سلامة حضرتك ودا الاهم بالنسبالي
ثانياً شكراً لاهتمام حضرتك بطلبي بتدوين الترنيمة ودا واضح من ملاحظاتك الدائمة واللي هي بمثابة دروس تعليمية بالنسبالي واهتمام حضرتك وتعبك دا فوق راسي

ثالثاً شكراً لتدوينك الترنيمة وكلام حضرتك في محله اكيد

**elarabi** · #7 28/07/2019, 10h04

استادي الفاضل

انني بصدد مراجعة اخر الصفحات التي فاتتني و اكتشفت فيك الاستاد الكبير و القنان الصادق و يسعدني ان اترك كلمة في حقك
ادا كانت الحاجة ام الاختراع فالاستاد عادل اب العطاء و الابداع

**omarhalim** · #8 28/07/2019, 23h44

اقتباس:

المشاركة الأصلية كتبت بواسطة omarhalim

مرحبا أستاذ عادل
من مدة طلبت تدوين أغنية الأستاذ محمد عبدالوهاب همسة حائرة من درجة لا بدل ري ..
لك كل اشكر لما تقوم به تجاه المنتدى .. مع أطيب الأمنيات بالصحة والعمر الطويل ..

ماشى اخى العزيز انا شفت الطلب ان شاء الله انزلها لك الاسبوع ده
مع اطيب تحياتى عادل صموئيل

ولك كل الشكر والتقدير استاذنا الكريم عادل .. تسلم اناملك الماسية

**عادل صموئيل** · #9 29/07/2019, 18h13

احبائى
اقدم لكم من العيار التقيل قصيدة فيروز

سوقى القطيع الى المراعى ( الى الراعية )

مع اطيب تحياتى وآسف للتأخير كان عندى ظروف

مع اطيب تحياتى

**عادل صموئيل** · #10 29/07/2019, 19h30

احبائى

اقدم للأخ العزيز عمر حليم

همسة حائرة من درجة لا

مع اطيب تحياتى