طلبات نوتة أ / عادل صموئيل الجزء الثانى

**amsel** · #1 13/01/2019, 07h45

[SIZE="5"]الى الاخ الغالى عادل انا كنت من مدة هزة الاغانى غير موجودة با الفهرس وغير مدونة :الاغانى أول لقانا كان هنا.لشادية
معلش النوبادى. لشادية.
اكتر من حاياتة.لصباح.
يا بايعنى وانا شارى.لعبد المطلب.
انتى الى ظالم. لنجاة الصغيرة.
سلملى علية.نجاة الصغيرة.
لوكنت يوم انساك.عبد الحليم حافظ.
وطبعا اشكر حضرتك ورديت عليا وقلت سوف نقوم باامطلوب الموضوع سوف يستغرق اكتر من كدة لان حتى الان لم احصل من حضرتك على اى نوتة فلو تكرمت من فضلك يا استازنا الكبير النظر فى هزا الموضوع مرة اخرى ولك منى جزيل الشكر وقمة الاحترام لشخصك المحبوب[/SIZE]

**amsel** · #2 28/01/2019, 06h19

الاخ الغالى والحبيب عادل صموئيل من فترة كنت طلبت من حضرتك لوسمحت اغنية لمحمد عبد المطلب يا با يعنى وانا شارى.كلمات .كامل رفعت . وتلحين محمود الشريف اتعشم ان تكون لسة فى الحسبان.وهزا اللحن لة طابعة الخاص انا اعرف ان التدوين سوف يكون صعب ولكن حضرتك قادر على هزة التعسرات فى التدوين كما اثبت حضرتك فى الكثير من التحف الغالية التى تدون عن طريقك واشكر حضرتك جزيل الشكر لهزا المجهودالكبير فى التدوين

**خليل سليم** · #3 29/01/2019, 06h05

شكرًا استاذنا الكبير المايسترو عادل المحترم على ما تقدمه من اعمال خالدة والتي ترتبط معظمها بالزمن الجميل الذي كلنا نحن اليه .... أغنية لاتلمني ذكرتني بأغنية لست ادري والذي غناها الموسيقار محمد عبد الوهاب ومن بعده عبدالعليم حافظ في فلم الخطاية وهناك تدوين لها في لانترنت لكني اطمح ان تكون من تدوينك وأسلوبك الخاص والذي تعودنا عليه فارجو من حضرتك اذا سمح وقتك بان تدونها لانها حقيقة تحفة وتراث من تراثنا الخالد وليست أغنية طويله وتاخذ وقت كثيراً وشكرا مرة اخرى وحفظك الرب

**عاصم المنشاوى** · #4 29/01/2019, 11h07

أستاذنا الكبير...عادل بك
لو ليك مزاج ياجميل فى اغنية قديمة للست ام كلثوم....من ابداع السنباطى مع شوية لزم موسيقية بتوقيع ريشة عود السنباطى ...من سنة 1943...اياميها كان صوت أم كلثوم شغال أدليب...بتألق التحدى لأى مطرب تيجى بعدها...كان نفسى أنزلها لحضرتك لكن للأسف داخل م الموبايل..... https://www.sama3y.net/forum/attachm...5&d=1310779200

**عاصم المنشاوى** · #5 29/01/2019, 11h16

https://www.sama3y.net/forum/attachm...5&d=1310779200

أستاذنا الكبير/عادل بك

اغنية غنى الربيع...للست ام كلثوم...سنة 1943...أيام ماكان صوت أم كلثوم بيعمل أدليب للتاريخ بطعم التحدى لأى مطربة ح تيجى بعدها...وريشة عود تبدع أحلى لزم سنباطية...لو ليك مزاج ياباشا
تدونها لو تكرمت

**عادل صموئيل** · #6 29/01/2019, 14h01

احبائى
اقدم لكم من العيار التقيل جدا اغنية محمد عبد املطلب

يابايعنى ونا شارى

الاغنية دى كان صعب جدا جدا انها تتدون وماحدش يقدر يدونها ... اصعب حاجة فيها طريقة غنا عبد المطلب كان زى ما تقول مشعشع اوى او متسلطن اكتر م اللازم ف بيعمل تصدير طول ماهوماشى .. يعنى التصدير بمعناه ان المطرب بيتسلطن وبيظهر عبقريته ف بيمد فى حرف بحيث ان الجملة او الكلمة بتقفل على الظلع الرابع من المازورة وهو بيطولها وبيقفل على الدوم ..مع المطربين القديرين بتبقى عبقرية .. لكن مع المتفزلكين زى اصالة مش بيعرفوا يحبكوها ف بيقع فى الوحدة ... مشكلة عبد المطلب فى اللحن ده انه ماشى بيصدر طول الكوبليه وده شىء صعب جدا جدا فى التدوين ان لم يكن مستحيل عامل زى واحد مش ماشى على الارض يعنى بيتفاعل مع السلالم والحفر والمطبات ولكن طاير فى الهوا مالوش دعوة بخطوط الموازير ... احنا فى التدوين اخطر حاجة عندنا حاجتين ... البيتش يعنى الدرجة اللى الغنا بيقول منها وخط المازورة يعنى الدوم يعنى عندك 4 اضلاع فى المازورة .. انت فين فى اى ضلع منهم ,,, وعشان مدون يكتب لحن بيتقال بالطريقة دى لازم يتوافر فيه حاجة غير انه شاطر ... انه يقدر يتخيل اللجن الااسى ايه .. لأن احنا لما بنكتب بنكتب اللحن الاساسى مش اللى المطرب بيتفزلك ويقوله ... لن اللى بيقوله مايتكتبش اصلا يعنى بيطول فى حاجات ويقصر فى حاجات ويختزل حاجات عشان يبقى ماشى صح ... بس الحمد لله مع الخبرة بنقدر نحساللحن الاساسى كان ايه ... اقول لكم حاجة تضحك ... الطريقة اللى قال بيها عبد المطلب اللحن وهى التصدير طول ماهو ماشى ... دى بتحسب لعبد المطلب عبقرية ... لكن لو مطرب صغير قلده ومشى بالطريقة دى حاينضرب بالنعال يعنى ..لأن عبدالمطلب وهو خارج الوحدة عارف بيقول ايه بالظبط لكن اى حد مش مخضرم حا يضيع
اتمنى ان تستفيدوا باللحن هو لحن جميل
مع اطيب تحياتى

**Mohab Samir** · #7 29/01/2019, 23h19

اولآ اشكر حضرتك علي المجهود العظيم استاذ عادل ⁦

كنت اتمني من حضرتك نوته صولو اغنيه رساله من تحت الماء للاستاذ محمد مصطفي .. دورت كتير عليها ملقتهاش في اي مكان ..

مش شرط تكون مطابقه .. اين كان اعرف اساسها بس وانا هحاول اطلع الباقي ..
وشكرآ جدآ علي مجهودك معانا استاذنا ⁦❤️⁩🌸

**amsel** · #8 30/01/2019, 06h23

اولا صباح الخير يا عملاق التداوين يا ملك الملوك ممكن لو تسمحلى ان اطلق على حضرتك هزا الاسم: استازنا المتألق دائما الهرم الرابع فى مصر والعالم اجمعة كلة اشكر اللة عز وجل وحضرتك طبيعى على هزا الانجاز والجوهرة الثمينة لاغنية المطرب المتميز بنوع صوتة والمدون المخضرم فى هزا الابداع (يا بايعنى وانا شارى) اننى ممنون جدأ بهزة النوتة وانا اعرف كويس جدا وعلى علم اليقين ان تدوين هزة الاغنية فى غاية الصعوبة ولاكن با العربى المصرى طلعت اخر حلاوة ونفسى اعرف يا استاز عادل كم من الوقت استغرقت فى تدوينها ومن اى مقام فى الموسيقة .وانا لما سمعت هزة الاغنية فيها كمان عدة من طبقات الصوت لمطلب كما حضرتك شرحت مقدما عجبى. عندما يخيم السكون تتردد أصداء الموسيقى في النفس.الموسيقى تعبر عما لا يمكنك قوله ولا تستطيع السكوت عنه.اليكى كل الشكر والتقدير لاستازنا المعطى
وعهدت منك الاخلاص والوفاء فلكى من كل الشكر والتقدير

اخى العزيز اشكر ذوقك
الاغنية من مقام كرد نواه او كرد على درجة صول .. هو من حسن الحظ ان الاغنية عبارة عن مقدمة ومذهب وكوبليه بيتكرر مرتين هو ده اللى خفف الاغنية يعنى هى خدت منى نصف يوم اصل الاغانى من النوعة الصعبة دى لازم اقعد عليها اخلصها لأن لو اشتغلت فيها شوية وركنتها حاركنها كتير
مع اطيب تحياتى عادل صموئيل

**عاصم المنشاوى** · #9 30/01/2019, 12h31

الله عليك يااستاذنا وعلى صوت طلب أبو نور....وصوته فى اغنية (خاين ومش هاين اقول له ياخاين ) موجودة الاغنية هنا فى "نجوم الطرب " فى منتدى سماعى الرائع...وبرضو اللزم الموسيقية بتاعة الأستاذ محمود كامل ملحن الأغنية. ..تعال بقى حضرتك لأغنية محمد عبد المطلب (بخيل وجميل ) وشغل السنباطى بعيدا عن صوت أم كلثوم...أغنيات. ..اجارك الله...ايه الجمال ده...زمن جميل فعلا...

**amsel** · #10 04/02/2019, 07h37

الاخ الغالى عادل معزررتا انا اخزت من وقت حضرتك كثير فى اغية يا بايعنى وانا شارى بشكرك مرة اخرى على هزا المجهود وانا مدين لك بهز الجميل لانك الوحيد الى عارف خبايا هزة الاغنية المعرقلة ولك منى ولشخصك التوفيق فى كل اعمالك