طلبات نوتة أ / عادل صموئيل الجزء الثانى

**marwan be** · #1 11/10/2018, 10h03

للتذكير فقط أستاذي الغالي

**عادل صموئيل** · #2 12/10/2018, 07h07

احبائى

اقدم لكم رائعة ام كلثوم

حيرت قلبى

انا كنت مدونها قبل كده لكن زمان اول ماتعرفت بيكم وكنت بدون النوت بطريقة سهلة بالذات للمبتدئين والآن اعدت تدوينها كما ينبغى ان تكون وعملت منها نسخة على درجة دو وارجو من الاخ العزيز هيثم الصالحى انه يستبدلهم فى الفهرس
مع اطيب تحياتى

**عمرو الهنداوي** · #3 12/10/2018, 11h50

أستاذنا العظيم عادل صموئيل
شكراً على إعادة تدوين حيرت قلبي للسيدة أم كلثوم .. بس أنا مش مع موضوع إزالة النوتة القديمة واستبدالها بالجديدة .. لكل واحدة منهم جمالها ورونقها الخاص .. أنا شايف إننا نخلي النسختين السهلة والصعبة علشان تناسب كل الأذواق في المستقبل. بفكر حضرتك بنوتة أنا وشادي لفيروز والزفة المصرية لما يكون عند حضرتك وقت.

**amrnabmans** · #4 12/10/2018, 15h43

شكرا لأستاذ عادل على النسخة الجديدة من حيرت قلبي
ولو حضرتك بصيت على النوتات القديمة اعتقد في جزء منهم ممكن يحتاج اعادة تدوين
ولو كده فانا بقترح حب ايه لانها كانت متدونة بشكل قريب من حيرت قلبي
وشكرا

**عزت شحاته** · #5 13/10/2018, 07h09

استاذى الجميل / عادل صموئيل
بكرر طلبى غصب عنى - ما لى ملجأ غيرك
بقدر الاستطاعه

نوتة تتر مسلسل الزينى بركات الحان عمار الشريعى
https://www.youtube.com/watch?v=-O9mb5dZzNU

**salhi_haithem** · #6 13/10/2018, 08h03

صباح الأنوار و الأزهار

ألف مليون شكر أستاذ عادل على إعادة تدوين حيرت قلبي معاك ... لو أمكن يا أستاذ عادل في الصفحة الأولى السطر السابع المازورة الثالثة درجة لا ناتيرال بالنسبة لنسخة الدو .. ناقصة كلمة " غناء المذهب " و ينقص كلمة " غناء ك 3 " و تشكر يا أستاذي الغالي

أخوك هيثم

اخى العزيز اصلحت الاخطاء المطبعية ونلزتهم فى النوتة وشكرا واطيب تحياتى عادل صموئيل

**تامرتامر** · #7 14/10/2018, 00h01

مساء الخير أستاذنا الكبير عادل صموئيل شكرا على نوتة [حيرت قلبي معك] ياريت اذا ممكن تدوين اغنية فريد الاطرش (لكتب ع اوراق الشجر ) وهي مدونه من قبل بس ياريت تكون من تدويناتك الرائعه ولكم جزيل الشكر والتقدير تحياتي

**خليل سليم** · #8 14/10/2018, 02h15

صباح الخير استاذنا الكبير عادل المحترم بخصوص أغنية حيرتي قلبي معاك أفتكر غناء المذهب يبداء من الصفحة الاولى السطر الثامن المأزورة الثانية درجة رى ونفس الشى بالنسبة لدرجة دو.... وكل الشكر والتقدير لك والى أعضاء المنتدى المحترمين وحفظك الرب

**عادل صموئيل** · #9 15/10/2018, 06h35

اقتباس:

المشاركة الأصلية كتبت بواسطة عزت شحاته

استاذى الجميل / عادل صموئيل
بكرر طلبى غصب عنى - ما لى ملجأ غيرك
بقدر الاستطاعه

نوتة تتر مسلسل الزينى بركات الحان عمار الشريعى
https://www.youtube.com/watch?v=-O9mb5dZzNU

اخى العزيز
انا حاولت فيها مش عارف اكتبها دى ما ينفعش تتعزف غير من النوت الاصلية بتاعتها لأن عمار الشريعى متعمد انها تكون ملعبكة ومكلكعة على قد ماقدر الله يرحمه ... وانا ارجو اى حد بيعزف سماعى ويكون شاطر ويحاول يطلعها وانا متأكد انه مش حايقدر يعزفها مظبوطة يعنى هى نوعية من الموسيقى الفاشلة اللى مش معمولة لعامة الشعب ولكن تتسمع فقط وتعدى على الاذن وماحدش حايقدر يلقط منها حاجة وتتنسى بمجرد سماعها ... وانت لازم تفهم الناس اللى بيطلبوا انك تنفذ الاعامل دى ان ما يتدخلوش فى الموسيقى طالما مش فاهمين حاجة يعنى وزارة التربية والتعليم المتخصصين فقط هم اللى بيتكلموا يعنى لما بيطلبوا منك مسابقة بيبعتوا لك النوت لكن ما ينفعش حد اصلا مش شغلته الموسيقى يطلب منك انك تنفذ موسيقى وهو مش فاهم تتعزف ازاى او ممكن تطلعها ازاى وهل هى صعبة ولا سهلة يعنى اى حاجة فى اى حاجة واكرر ان فى المنتدى هنا بنعزف مقطوعات الزمن الجميل اللى ممكن تتعزف لأن عمالقة الزمن الجميل اعمالهم مقدمة لعامة الشعب انه يعزفها ويسمعها ويتمتع بيها ماحدش منهم قدم مقطوعة ما حدش يعرف يفهمها ولا يعزفها مع اطيب تحياتى عادل صموئيل

**muhamadibra** · #10 15/10/2018, 16h40

اقتباس:

المشاركة الأصلية كتبت بواسطة عادل صموئيل

اخى العزيز
انا حاولت فيها مش عارف اكتبها دى ما ينفعش تتعزف غير من النوت الاصلية بتاعتها لأن عمار الشريعى متعمد انها تكون ملعبكة ومكلكعة على قد ماقدر الله يرحمه ... وانا ارجو اى حد بيعزف سماعى ويكون شاطر ويحاول يطلعها وانا متأكد انه مش حايقدر يعزفها مظبوطة يعنى هى نوعية من الموسيقى الفاشلة اللى مش معمولة لعامة الشعب ولكن تتسمع فقط وتعدى على الاذن وماحدش حايقدر يلقط منها حاجة وتتنسى بمجرد سماعها ... وانت لازم تفهم الناس اللى بيطلبوا انك تنفذ الاعامل دى ان ما يتدخلوش فى الموسيقى طالما مش فاهمين حاجة يعنى وزارة التربية والتعليم المتخصصين فقط هم اللى بيتكلموا يعنى لما بيطلبوا منك مسابقة بيبعتوا لك النوت لكن ما ينفعش حد اصلا مش شغلته الموسيقى يطلب منك انك تنفذ موسيقى وهو مش فاهم تتعزف ازاى او ممكن تطلعها ازاى وهل هى صعبة ولا سهلة يعنى اى حاجة فى اى حاجة واكرر ان فى المنتدى هنا بنعزف مقطوعات الزمن الجميل اللى ممكن تتعزف لأن عمالقة الزمن الجميل اعمالهم مقدمة لعامة الشعب انه يعزفها ويسمعها ويتمتع بيها ماحدش منهم قدم مقطوعة ما حدش يعرف يفهمها ولا يعزفها مع اطيب تحياتى عادل صموئيل

تحياتي لك يا موسيقار- وارجو ان نتذكر اخوة لنا كانوا ملئ السمع والبصر وهما نور الصباح و نزيه محمد رحمهما الله --ادعوا لهما فلم نجد منهما الا كل خير ومودة واحترام وتعاون
د محمد ابراهيم