طلبات نوتة أ / عادل صموئيل الجزء الثانى

**علي ثلاثة** · #1 24/04/2018, 11h52

أستاذ عادل مهما عبرنا بشكرنا
فلن نوفيك حقك
فدوما تتحفنا
و تقدم لنا أجمل التدوينات
للأغاني الجميلة
أغاني الزمن الجميل
ومع ذلك فإني أجدد شكري
إذ تفضلت بمدونة
اتمخطري يا رية
إلى جانب هذه الروائع
لرياض السنباطي ومحمد فوزي وغيرهما
فدمت لنا في صحة وعافية

**عادل صموئيل** · #2 24/04/2018, 19h39

احبائى

اقدم لكم موسيقى

شىء من الخوف

حضرتك الحيت مرتين فى كلبها مع انها موسيقى مالهاش قيمة يعنى حاجة عاملها كده يرقص عليها الحصان فى فرج بعدين سيد المشهد الحوار لذلك الموسيقى مالهاش قيمة يعنى حاجة بتزن وخلاص
مش اى حاجة تطلبوها لازم يكون لها قيمة فنية
مع اطيب تحياتى

**أحمد البستاوي** · #3 24/04/2018, 20h58

أستاذنا الكبير .. أستاذ عادل صموئيل
ليا عند حضرتك طلب خاص جدا , له علاقة بالتاريخ
حضرتك طبعا عارف أن الأغاني في فترة الخمسينات و الستينات و أوائل السبعينات , و بالذات أغاني عبد الحليم و الفرقة الماسية اللي حضرتك كنت جزء منها شكلت جزء كبير جدا من الوعي الوطني في مصر و العالم العربي عموما .
و ارتبطت الأحداث بالأغاني , يعني مثلا ما ينفعش نفتكر أعياد الثورة من غير أغنية صورة صورة , أو السد العالي من غير أغنية قولنا ح نبني . أو النكسة من غير أغنية عدا النهار . أو التعبئة لحرب أكتوبر من غير أغنية أحلف بسماها و بترابها .
ما أعتقدش فيه أمثلة من أي بلد في الدنيا عبّرت فيه الموسيقى عن الأحداث و ارتبطت بيها زي أغاني عبد الحليم و منجزات ثورة يوليو .
لكن للأسف الشديد جزء كبير من التراث ده . و هو جزء لا يتجزأ من تاريخ مصر مهمش جدا .
مثلا فيه أغاني جميلة جدا
يا أهلا بالمعارك
عبد الحليم حافظ - صلاح جاهين - كمال الطويل - بمناسبة عيد الثورة 1965
البندقية أتكلمت
عبد الحليم حافظ - محسن الخياط - بليغ حمدي - بمناسبة التعبئة لحرب الاستنزاف
الدرس انتهى لموا الكراريس
شادية - صلاح جاهين - بليغ حمدي - بمناسبة ضرب مدرسة بحر البقر الأبتدائية
(الروابط من يوتيوب لعدم توفرها على المنتدى)
الأغاني دي غير مدونة , و أتمنى من كل قلبي يكون ليهم حظ مع حضرتك في التدوين .
أنا عارف طبعا أن الأغاني الوطنية , ممكن ما تكونش النوعية اللي الموسيقيين سواء محترفين أو هواه بيطلبوها أو يحاولوا يعزفوها . و ممكن كمان ما تكونش المزيكا اللي فيهم عظيمة أوي , يعني ممكن ما تكونش مفيدة أوي . لكن طلبي من حضرتك تدوينهم لأنهم بيشكلوا جزء مهم من تاريخ مصر . و عارف أنهم كتير و أننا بنتقل على حضرتك كتير , بس معلش استحملنا إحنا تلامذتك . . و لحضرتك الرأي الأول و الأخير طبعا

مع خالص أمنياتي لحضرتك بدوام الصحة و راحة البال

**wahidfarid** · #4 25/04/2018, 00h35

استاذ عادل حضرتك نسيت تنزل نوتة قضية عم احمد

شكرا كان فيه عطل وصلحناه هى موجودة دلوقتى
مع اطيب تحياتى

**خالدموسى** · #5 25/04/2018, 15h58

مساء الخير يا استادنا العزيز عادل
انا باعتدر عن تعطيل وقتك اللى بتعطينا فيه اروع النوتات
وانا المقطوعة من سىء من الخوف دى لبليغ حمدى كانت داءما ترن فى ودانى
وكنت احب ان اعزفها كما عزفت قبل دلك على الاورج لنجاة الصغيرة
من ابداعاتك فى سهولة كتابة النوتة والتى تسهل عزفها علينا كهواة
وانا باتمنى لك العمر الطويل لكى تتحفنا باجمل ماعندك من الموسيقى
ربنا يخليك لينا ويعطيك الصحة والعافية

**خليل سليم** · #6 25/04/2018, 18h07

مساء الخير استاذنا الكبير عادل المحترم . انشاء الله تكون بخير... قبل فترة أتحفتنا براءعة رياض السنباطي ربي سبحانك دوما وهناك أغنية لنجاة الصغيرة ومن تلحين الأستاذا رحمة الله رياض السنباطي الهي ما اعظمك وقد بحثت عنها في المنتدى وأماكن اخرى فلم اجدها فعسى يسمح وقتك بتدوين هذه التحفة الفنية وخاصة اننا مقبلون على شهر رمضان الكريم. شكرًا وتحية لك استاذنا الكبير وحفظك الرب.

**عمرو الهنداوي** · #7 25/04/2018, 19h06

أستاذ خليل نوتة الهي ما أعظمك موجود لها نسختين في المنتدي في موضوع نوتات نجاة .. بس أنا معاك برضو في تدوينها من أستاذ عادل لانها ستكون صحيحة وموثوق بها .. على فكرة صولو الكمان اللي في المقدمة الموسيقية اللي عازفه أستاذ عادل صموئيل..

**احمد علي البدري** · #8 26/04/2018, 16h57

رحمة الله عليه ونسأل الله ان يجعله من سعداء الآخرة

**احمد علي البدري** · #9 26/04/2018, 17h11

معلش ح اضم صوتى للاستاذ احمد البستاوى فى تدوين الاغانى الوطنية ، واضيف عليهم اغنية ياشعب ياواقف على باب النهار و فدائي ويافنارة لعبد الحليم )

**علي ثلاثة** · #10 26/04/2018, 20h53

في هذا المنتدى الأغر
تسود صفات الود والاحترام
فتظل كافة المنخرطين
---
ونحن نقدر كل من له الفضل
بما قدم بكل أريحية

والأستاذ المرحوم نزيه محمد
يمثل ذلك والجميع يذكره بخير

فرحمه الله وطيب ثراه
وجعل الجنة مثواه