احبائى
اقدم لكم اغنية فريد الاطرش
صالحنى وسلم بإيدك
فيه ملاحظات ... الاغنية دى اقل كتير من مستوى فريد ... او تحس انها مسموعة من قبل يعنى انت لما تسمع اغنية او تعزفها غير لما تدونها .. التدوين المدون بيغوص فى الاغنية ويستكشف اسرارها يعنى كل جمل الاغنية دى فريد عملهم قبل كده فى اغانى تانية .. يعنى خبرتى .. التلحين عبارة عن شخص موهوب بيبدع ... وازاى يبدع مش حايقفا عليه الباب ويمسك العود ويبدع ... ده الهام بيبقى عامل زى الفرخة ما تبيض مالهاش موعد محدد .. يعنى ممكن يغيب كتير او ممكن ييجى كتير ... ده اللى بيطلع الجمل اللى مش متكررة ... اما الجمل المكررة او اللى نكهتها مش غريبة على الاذن هى اللى بتيجى لما الملحن يمسك العود ويحاول يلحن الاغنية ... والسبب الرئيسى فى المشكلكة دى هى الشغل الكتير ... يعنى الافلام الكتير كل سنة وكل فيلم 6 اغنيات ... يعنى الاغنية دى مدتها8 دقائق من 3 دقائق فى المقدمة قرأ الكلامات .. وفى المنتصف كالعادة عمل موال عشان يملا ال 8 دقائق ... انا مش بحب ادخل المنتديات او الصفحات بتاعة عشان الفنانين يعنى جروب الفنان فلان .. احيانا بيبقوا متعصبين اوى ومش بيطيقوا اى نقد وبيزعلوا واحيانا قد يتخانقوا ... انا واحد محايد وشفت النجوم دول على الطبيعة .. يعنى عبد اولاهب والسنباطى بالذات عمرك ماتلاقى جملة فيها نكهة جملة تانية ليه .. لأن كان بيعمل لحن فى السنة ... ينتظر لما يجى له الالهام وقت ما ييجى ... لكن اللى بيعمل افلام كتير بيبقى فيه مخرج ومنتج وراه بالتليفون كل يوم خلصت الاغانى ... فطبعا زى ما بيطلعوا قد يطلعوا حلوين او متكررين
مع اطيب تحياتى
رد: طلبات نوتة أ / عادل صموئيل الجزء الثانى
العرض الشجري