طلبات نوتة أ / عادل صموئيل الجزء الثانى

**عادل صموئيل** · #1 18/02/2018, 21h42

احبائى
اقدم لكم اغنية وردة

يادلالى عليه يادلالى

الاغنية سهلة جدا وسلسلة بس اللى تاخد بالك منه السينيوهات والطودات عشان عايزة تركيز
مع اطيب تحياتى

**خالدموسى** · #2 20/02/2018, 01h37

مساء الخير يا استادنا الجميل عادل صمؤيل
من الاغانى الوطنية فى السبعينات اغنية راءعة للمطرب ماهر العطار اسمها من هنا ورايح
ارجوا من سعادتكم تدوين النوتة الخاصة بها حتى اتعلم عزفها ولك جزيل الحب والامتنان
وهى فى المرفق الاتى
https://www.youtube.com/watch?v=4A5tTvSPnKY

**عادل صموئيل** · #3 20/02/2018, 11h37

احبائى
اقدم لكم اغنية وطنية جميلة للمطرب ماهر العطار

من هنا ورايح

عايز اقول انت لو حسبت المطربين بتوع الزمن الجميل ام كلثوم وعبد الوهاب كانوا فى الدرجة الاولى وماهر العطار كان بيعتبر من الدرجة الرابعة .. تخيلوا المطرب المحسوب من الدرجة الرابعة ده الناهردة لو حبيت تقيمه بالنسبة للنجوم بتوع دلوقتى يعنى محمد منير ما يجيش جنبه 10% ومحمد فؤاد ولا خمسة % وعد على كده
كمان الاغنية دى معمولة زمان بس وقتها دلوقتى
مع اطيب تحياتى

**عادل صموئيل** · #4 20/02/2018, 11h48

احبائى
اقدم لكم اغنية الفنانة وردة

بتونس بيك

طبعا ف الاول فيها شوية فزلكة مالهمش لازمة وانا بدأت من اول الايقاع

الاغنية دى تعتبر فى بدايات التسجيل بنظام التراكات واللزم العفاريتى اللى سادت بعد كده وبدأ الانهيار بتاع الفن واللى اخترع الطريقة بتاعة اللزم السريعة جدا والمعقدة عمار الشريعى ... واللى بعده مشيوا على الطريقة دى ... انا بحسب قيمة العمل بإيه ... لو عندنا فى مصر حالي 94 مليون نسمة .. كان منهم موسيقيين وكام عامة الشعب ... اللحن اللى بيتعمل لازم يخاطب عامة الشعب مش يخاطب الموسيقيين ... لأن لو عامة الشعب مافهموش اللحن ... هنا لا الموسيقى اساسا ليها قيمة ولا الموسيقيين ايضا ليهم لازمة يعنى ايه الموسيقسيين حايسمعوا ويطربوا بعض .... قول لى حسبتها ازاى ... من اهم صميم عملى واللى اتعملته من العمالقة ... فى حياتى العامة اثناء النهار بسمع ناس بتدندن فى الشارع فى القهوة فى اى مكان ... اتعلمت اتسمع اشوف بيقولوا ايه ... ايام الفن لما كان فن وكانت اللزم اللى بترد ع الغناء لزم سهلة وجميلة وبسيطة ومفهومة ... كان اى حد من عامة الشعب لما يدندن كان بيقول الغنا وبيقول اللزمة ... لكن مثلا هات لى موسيقى زى بتوع عمار الشريعى اذا كان بعض الموسيقيين مش فاهمينها ومايعرفوش يدندنوها ازاى الشعب العادى حايغنيها او ينددنها لنه اصلا مش حايفهمها ... لذلك اصحااب الفن المدمر .. قلبوا طريقة السمع من انك تسمع ام كلثوم ومتجاوب مع كل حرف وبين دلوقتى تسمع اى حد وانت مش فاهم اى حاجة والناس بتصقف وتتراقص وتصرخ ... كان زمان الجمهور اللى بيفهم لازم تقدم له احلا حاجة ولازم الجديد واوعا تقدم لهم جملة فيه نكهة جملة تانية .. لكن دلوقتى عملوا للناس غيبوبة يعنى لاحد فاهم حاجة واللحن يبقى مسروق 900 مرة ولا حد حاسس ... وكله موزع عشان زى ماتعمل حاجة تغلوش على حاجة
مع اطيب تحياتى

**salhi_haithem** · #5 20/02/2018, 14h02

السلام عليكم
شكرا يا أستاذ عادل على تدوين رائعة وردة و هي الأغنية التي مثلت نقطة تحول من زمن فن جميل و أصيل إلى فن تجاري و هي تعتبر أخر أغنية في العنقود
أستاذ عادل إنت مدونها نهاوند على درجة لا لو ممكن على درجة الدو يعني 3 بيمولات كعوارض و مشكور

هيثم

**عادل صموئيل** · #6 20/02/2018, 20h24

احبائى

اقدم لكم اغنية مخاصمنى يازمانى على الحجار

تتر مسلسل ذئاب الجبل النهاية

مع اطيب تحياتى

**مينا رضا** · #7 21/02/2018, 13h44

شكراً لحضرتك يا استاذ عادل على النوتة وعلى شرح قيمة الموسيقى في ايام الزمن الجميل والايام الحالية

**ابوكارم** · #8 11/03/2018, 17h38

ليه لما بعمل داونلود مش بتنزل الاغنيه ورساله خطأ لسبب غير معلوم

اخى العزيز ممكن لما تظهر الرسالة تقدر تصور الشاشة print skrn على الكى بورد واحفظ الضورة وتبعتها للأخ الفاضل الاستاذ خليل زيدان وهو يشوف السبب مع اطيب تحياتى

**عاصم المنشاوى** · #9 15/03/2018, 06h37

أستاذنا الجليل/ عادل بك صمويل

واحشنا والله...قولت أدخل أصبح على حضرتك....صباح الفل...,اتمنى لك يوم سعيد