أحمد عدويه 26 يونيو 1946- 29 ديسمبر 2024

[hainz]

السلام عليكم ورحمة الله اولا حضرتك بتقول ان رايكم في عدوية اصبح واضح للجميع
انا مقولتش راي في عدوية وعلي فكره في اغاني لعدوية كتير مش بتعجبني وعدوية ده لما يظهر في عصر ام كلثوم و عبد الوهاب و عبد الحليم يبقي ده يا فنان بجد او ظاهرة تستحق الدراسة انا اللي لفت نظري لعدوية هو تلحين العبقري بليغ حمدي ليه و بغض النظر انا بحب عدويه او مش بحبه لكن انا بحب النغم بحب الموسيقي اللي بليغ عاملها وخلينا في بليغ بس مش اي حد تاني دلوقتي. بليغ عمل لعدوية الحان باسلوبة (اي بليغ) و في نفس الوقت باسلوب احمد عدوية دي لوحدها شي كافي جدا اني اسمع عدوية علشان اشوف المعجزة دي حصلت ازاي
تاني نقطه احب اتكلم فيها هي ان حضراتكم بتقولوا ان المنتدي للفن العربي والشرقي هي الاغاني دي من سلم غربي ولا خماسي
ثالثا اذا كان حرص الاخ غازي علي هذا الموضوع فذلك شي في صالحة مش ضدة لانه يريد صالح المنتدي اللي قاعد عليه وقت طويل
ولو المنتدي ميهمناش مكناش حاولنا الرفع و الافاده واكتفينا بالمشاهدة و التحميل
نقطه اخيرة بقولها بحكمي متخصص في الفنون و النقد وانا احمل ماجستير في النقد الفني من جامعة حلوان (ومكنتش احب حد يعرف الموضوع ده لحد يفتكره ان ده من باب المنظره ) ان علي المتذوق و الناقد المتخصص دراسة كل الوان الفنون في مجاله حتي يستطيع ان ينتقي الجيد.
واحب افكركم ان عبد اللطيف البنا زمان كانت فيه ناس بتقول عليه كلام اشنع من اللي بيتقال عن عدوية لكن انتم حطينه في المنتدي علي انه طرب شرقي كلاسيكي اصيل. لكن الحقيقه ان التقدير اللي هو واخده هنا في المنتدي لانه من زمن التسجيلات فيه نادره او لانكم بتقدروا كل شي قديم قوي زي حتة الشقفة اللي من ايام الفراعنة (وانا مش ضد ده)
اخيرا انا مش مع عدوية او مع اي حد
انا مع الموسيقي اللي اخترت المنتدي ده علشانها ووالله اني بعمل فعلا لصالح المنتدي و الله علي ما اقول شهيد
احترم راي الاستاذ سماعي في ان الاغاني موجودة (ولو انه عذر ان كان يوضح شي فهو يوضح لطف ورقة صاحبه وعدم جرح شعور الناس لاستخدامه لهذه الفكرة الظريفة)

ارجو حذف الموضوع باكمله