طلبات نوتة أ / عادل صموئيل الجزء الثانى

**dorame** · #1 14/08/2017, 23h27

الاستاذ الفاضل / عادل صموئيل
هناك اغنية لا توجد نوتتها في اي موقع ولم يسبق لاحد ان نزلها في اي منتدى وهي نوتة اغنية
( جفنه علم الغزل )
كنت قد انزلنها في السابق ولكن كانت جدا ردئية لانها مصورة من الجوال الان انزلها مرة اخرى
ولكن الاغنية تحتاج الى تنويتك انت الرائع الذي لا نستطيع الاستغناء عنه
شكرا

**بوستة المصطفى** · #2 15/08/2017, 16h37

لازلت أستاذي في انتظار نوتة أغنية الكبير محمد عبد الوهاب...يا دنيا يا غرامي...و شكرا جزيلا...

**عادل صموئيل** · #3 18/08/2017, 15h09

احبائى
اقدم لكم اغنية عبد المنعم مدبولى

الشاطر عمرو

مع اطيب تحياتى

**أحمد البستاوي** · #4 18/08/2017, 16h12

ربنا يخليك لينا يا أستاذنا و لا يحرمنا أبدا من فنك و ذوقك و أفضالك

ألف شكر على نوتة الشاطر عمرو

**wahidfarid** · #5 18/08/2017, 18h41

شكرا آستاذ عادل و لكني قد أخطات كنت أقصد النوتة على درجة الري و ليس الصول
و أنا جد متاسف

ماشى مش مشكلة

**سليم العباس** · #6 19/08/2017, 19h45

تحية أستاذ عادل
أمس عندما كنت أعزف نوتة جانا الهوى لحضرتك ، لاحظت أنك نسيت تكرار ما هو ملون بالأصفر في الصورة المرفقة
أو ربما تدوين حضرتك كان لتسجيل مختلف .

**qnet022@icoo** · #7 20/08/2017, 11h31

استاذ عادل المحترم
ياريت لو سمحت نوته بدك مليون سنه للموسيقار ملحم بركات ولك جزيل الشكر

**qnet022@icoo** · #8 04/09/2017, 19h40

لو سمحنم. وتكرمنم علينا بالنوته ولكم جزيل الشكر

اقتباس:

المشاركة الأصلية كتبت بواسطة qnet022@icoo

استاذ عادل المحترم
ياريت لو سمحت نوته بدك مليون سنه للموسيقار ملحم بركات ولك جزيل الشكر

ممكن ملف صوتى ؟ مع اطيب تحياتى عادل صموئيل

**تامرتامر** · #9 20/08/2017, 18h38

يعطيك الف عافيه استاذنا المحترم عادل ياريت تتكرم علينا نوتة وردة ( قلبي سعيد ) من درجة صول وشكراً

اليك النوتة
مع اطيب تحياتى

**عمرو الهنداوي** · #10 22/08/2017, 00h00

أستاذ عادل أزي حضرتك وعندي بعد إذنك سؤال يبدو اكاديمي شوية:

يعني أيه صوت حلو؟

هل يعني حد بيعرف ينطق النغمات بشكل سليم و واضح؟
هل يعني حد بيعرف ينطق النغمات سليمة و واضحة وله شخصية ويحسن التلاعب بالنغمات دون نشاز؟

طيب هل أي حد بيعرف يقول النغمات صح يقدر يغني؟ طيب فين الصوت الحلو كده؟ طيب هو ينفع صوت حلو بس بيقول النغمات غلط؟ ولا هي تركيبة ربانية مادام صوت حلو، حيبقي بيقول صح..

طيب رأي حضرتك أيه؟؟ في محمد الموجي وسيد زيان وعبد المنعم مدبولي لما بيغنوا، الناس بتبقي مستمتعة ومع ذلك هما مش مطربين.. طيب الناس بتبقي سعيدة بيهم ليه؟؟

مرفق مشيت على الأشواق بصوت الموجي ويؤدي أداء جميل رغم أنه مش مطرب

كل التحية والتقدير

اخى العزيز
ده يمكن اخطر سؤال محتاجينه النهارده اننا نفهم معناه
حلاوة الصوت يعنى صوت زى العسل زى عبد الحليم او وردة مثلا دى تيجى فى المرحلة التالتة ... يعنى دى الحاجة اللى بتكمل حاجتين فى منتهى الاهمية او اكون او لا اكون ... اخطر حاجة عشان واحد يغنى لازم بيكون عنده مساحة صوتية .. يعنى مثلا مثلا فيه مطرب مساحته الصوتية من دو اللى تحت المدرج الى رى الخط الرابع ... بنقول مثلا .. يبقى لازم يتوفر فيه شروط فى منتهى الاهمية ... انه بيجيب النغمات دى من اول دو الى رى كلها سليمة ما يقعش منه حرف .. اقصد يطلع خاسس او زايد او لما تسمعه تشك فيه تقول دى لا ولا لابيمول ... النغمات اللى على الاصابع البيضاء والسوداء والنغمات الشرقية بتاعتهم ... يعنى وانا بدون لما بسمع اولا باخد البيتش .. بعدين طول ما انا سامع بقول ايوه دى لا نص بيممول يوم ما اشك ف اللى سامعه لانص بيمول ولا لا بيمول يبقى ده مش مطرب .. يبقى بيحدفها زى ماتطلع .. بعد كده حاجة مهمة .. احنا قلنا المساحة الصوتية تبدأ من دو معناها ان عنده نغمتين تحتها ممكن يقولهم ما يفطس يعنى بس بيتلحن لو من دو عشان يغنى وهو مستريح ...ونغمة الجواب لازم يبقى عنده نغمتين ع الاقل فوقها عشان لما يغنى نغمة الجواب يقولها مستريح ماتحسش انه حاينفجر وده اللى بيديك متعة السمع والطرب يعنى ماتحسش كان واحد ماشى على حبل ومضبط نفسه بالعافية وممكن يقع ... حاجة كمان فى منتهى الاهمية ... ممكن الموسيقى تسلم لو نغمة مش اللى بيغنى منها ... يعنى انا بديه رى مثلا وهو بيغنى من لا .. ان ماقالهاش سلسيمة طبعا ما يبقاش مطرب .. زائد بقا امكانيات خاصة زى العُرب السليمة والزمن الصح يعنى ما يقعش فى الايقاع ... كمان لازم يفهم فى المقامات يعنى يبقى فاهم انه فى بياتى ولا كذا عشان يركز فى النغمات المتميزة .. ممكن المطرب يكون صوته اجش مش حلو زى المربى .. بس بيقول الحاجات اللى فاتت كلها بأعلى جودة ويخليك تتسطل يعنى ... انت قلت محمد الموجى .. تخيل بقا محمد عبد المطلب ... انا شخصيا بيجننى .. مع ان صوته مش حلو او كان صالح عبد الحى صوته برضه مش ناعم زى عبد الواهب مثلا ... فهمت المقصود ؟ يعنى حلاوة الصوت دى تالت حاجة ... فيه اصوات تنفع تنادى فى السوق على فاكهة ... او يقف على باب ميكروباص ينادى عتبة عتبة ... دى مش اصوات للغنا ... مع الاسف دلوقتى بتغنى والمصيبة ان معندهاش كل المواهب اللى قلتها ف اول كلامى .. عبد المنعم مدبولى صوته وحش مش صوت للغنا ... بس بيخل جوه المقام ... والجو المطلوب للأغنية يخليك تتجنن .. وصلت ؟ مع اطيب تحياتى