رد: طلبات نوتة أ / عادل صموئيل الجزء الثانى
استاذ عادل
في سؤالين كنت عايز اعرف اجابتهم من حضرتك
أول سؤال مين كان بيدون أو بيكتب النوتة للفرقة الماسية
التاني هي النوت دي مصيرها ايه يعني فين الورق الأصلي اللي اتعزف منه
وشكرا لحضرتك :
emrose:
اخى العزيز
هو من اول ما انشأت الفرقة الماسية كان الاستاذ نصر عبد المنصف هو اللى بيدون كل الشغل وانا شخصيا طبعا اتعلمت منه ولما ابتدأ الخليجيين يأتون الى مصر كان اللى بيدون شغلهم الاستاذ ميشيل المصرى لأنه خبير فى موسيقى الخليج وبعد وفاة الاستاذ نصر الله يرحمه مابقاش فيه استاذ محدد يعنى كان المحلن بيختار مين اللى يستريح فى كتابته .. وبعد وفاة الاستاذ احمد فؤاد حسن اسرته باعت الشقة اللى كانت هى مقر الفرقة الماسية حيث ان الفرقة الماسية قد قفلت يعنى وطبعا النوت ضاعت فى الزحمة لأنها كانت كمية كبيرة اوى وماحدش من اولاد الاستاذ احمد فؤاد حسن اهتم بالمحافظة على الكنوز دى .. مع اطيب تحياتى عادل صموئيل
التعديل الأخير تم بواسطة : عادل صموئيل بتاريخ 09/02/2017 الساعة 10h15
|
العرض الشجري