طلبات نوتة أ / عادل صموئيل الجزء الثانى

**عادل صموئيل** · #1 14/05/2016, 21h18

اقتباس:

المشاركة الأصلية كتبت بواسطة wahidfarid

آستاذ عادل شكرا جزيلا على نوتة يا خوفي بعده لا يطول و أحب اعرف رآيك في نوتات تقاسيم فريد الآطرش و هدا رابط فيه بعض المقاطع للتقاسيم
https://youtu.be/qJQRp42uu3k

اخى العزيز
انا ضد كتابة التقاسيم ... يعنى حتى فى عز ايام الفرقة الماسية كانت النوتة بتتكتب وعند مكان التقسيمة بيتكتب تقاسيم آلة كذا
لأن يعنى ايه تقاسيم اصلا ؟ يعنى عازف قديرجدا جدا وخبير فى الإنتقالات المقامية .. ومرتجل فورى لموسيقى جميلة ..
يعنى فيه عازف بيبقى مش شاطر اوى فى التقاسيم تلاقيه عمال بيعزف شوية جمل سخيفة عايز يمسك حاجة مش عارف .. يعنى القدير فى التقاسيم واشه رهم فريد الاطرش والحفناوى .. تلاقيه بدأ بجملة صغيرة بيسلطن مقام معين .. ويديك بقا ... حتى الازف نفسه لو عزف فى حفلة وقال تقسيمة .. لما بيروح حفلة تانى حتلاقيه قال حاجة تانى خالص لنه مش حايحفظ اللى قاله اولا .. وثانيا لو التقسيمة محددة العازف بيتكتف مش بيبقى عنده المساحة اللى يجرى فيها
انا شفت الرابط ... وشفت الصعوبة اللى مكتوب بيها النوتة ( وللعلم اى تقسيمة تتكتب لازم تكون صعبة كده واصعب من كده كمان ) طيب كام % ممكن يقراها وحتى لو قاراها مش حاتسمعها زى فريد لسبب ان فريد بيقولها بإحساسه والاحساس ده مش ممكن يتكتب .. انا قلت فوق شروط العازف الى يعزف تقسيمة وده الو اتوجد مش حد حايفرض عليه تقسيمة يعنى هو يرتجل ويبتكر براحته
ده كلام الخبرة مع اطيب تحياتى

**عادل صموئيل** · #2 15/05/2016, 17h11

احبائى
اقدم لكم ترنيمة

انا اول الخطاه

مع اطيب تحياتى

**مينا رضا** · #3 15/05/2016, 19h57

اشكرك بشدة استاذ عادل صموئيل على ترنيمة اول الخطاة

**عادل صموئيل** · #4 15/05/2016, 22h28

احبائى
اقدم لكم اغنية من لعيار التقيل جدا
رائعة ام كلثوم

سهران لوحدى

الاغنية دى ما ادتونتش من قبل طبع انا ما اقدرش ادون غير المقدمة واملذهب لن اللى بعد كده خارج نطاق الدتوين

مع اطيب تحياتى

**عبد الإله** · #5 16/05/2016, 05h57

من أحب أغاني الست إلى قلبي
ألف شكر

**dorame** · #6 17/05/2016, 01h10

الاستاذ الدكتور عادل صموئيل
احلى مفاجاة عندما فتحت قسم النوتات لارى اجمل واحلى واصعب اعنية متنوتة وهي سهران لوحدي
الاغنية ديه اتنوتت من قبل من قبل الاستاذ طارق لكن فقط المقدمة والكوبلية الاول
وانا كنت طلبت تنويتها من سيادتك ليس تقليل من الاستاذ الكبير والفاضل طارق ولكن لانه لم يكمل الباقي
والان نزلتها وفرحان جدا بيها طبعا لسه ما عزفتها ولكن كانه عندي اليوم عيد لاننا بكره حاعزفها واغنيها
تحياتي واحترامي لك استاذنا الفاضل ولجميع الاعضاء والمدراء

**mahmoud feteih** · #7 21/05/2016, 13h55

تسلم ايدك استاذ عادل بس اجمل مقطع ف الاغنيه الكوبليه الاخير ياللى رضاك اوهام والسهد فيه احلام والقطعه الموسيقيه اللى قبله جميله اوى ومفيش ارتجال الا ف اخر الاغنيه ممكن حضرتك تختصره قدر الامكان ولك جزيل الشكر

**بوستة المصطفى** · #8 21/05/2016, 19h13

على الله يكون وفت للاستاد من اجل تدوين هدا المقطع الجميل جدا....

**عادل صموئيل** · #9 21/05/2016, 20h08

احبائى

اقدم لكم اغنية

ياعاشقة الورد

للفنان زكى نصيف انا لاقيتها قدامى فى الملفات الى بشتغل فيها مش فاكر نزلتها ولا لأ حاولت ابحث عنها فى المتدى مالقيتهاش
مع اطيب تحياتى