طلبات نوتة أ / عادل صموئيل الجزء الثانى

**عادل صموئيل** · #1 03/01/2016, 22h44

احبائى

اقدم لكم نوتتين الاخوة الاحباء حد طلب رفع درجتهم

انت عمرى من دو

ياحبنا الكبير من صول

مع اطيب تحياتى

**عادل صموئيل** · #2 03/01/2016, 22h50

احبائى

عندى استفسار مهم مين منكم عنده ويندوز 10
وممكن يجرب ينزل عليه انكور اصدار 4.55 واللى انا منزله فى قسم البرامج المفيدة ونشوف يشتغل ولا لأ

الموضوع انا منزل ويندوز 7 بعدين مدينى ايقونة بتاعة ويندوز 10وكل شوية يقول لى اعمل تحديث ونزل ويندوز 10 طبعا تحديث يعنى بينزل الويندوز 10 على ويندوز 7 الموجود بكل البرامج اللى عليه .. هم كلهم طبعا اشتغلوا الحمد لله مفيش مشكلة وانا دلوقتى بستعمل ويندوز عشرة .... مشكلتى انى دايما بعمل حساب قدام ... يعنى لو الويندوز وقع وحيبت انزل ويندوز 10 مباشرة هل البرامج حاتعمل ولا لأ يعتبرها قديمة يعنى .. وانا بطلب منكم البحث ده لسبب ان برنامج انكور وبالذات الاصدار 4.55 هو اهم برنامج عندى طبعا انتم عارفين مع اطيب تحياتى وانا بتعلم منكم

**مينا رضا** · #3 04/01/2016, 10h18

يشرفني أستاذ عادل أن أرد على حضرتك أنا هانزل البرنامج واجربة على ويندوز 10 لأني بالفعل أستخدمه

**dorame** · #4 06/01/2016, 18h43

كالعاده نعجز عن شكرك وكرمك استاذنا الفاضل
رينا لا يحرمنا منك على تلبية طلبنا على نوتة انت عمري من الدو

**نجم النجوم** · #5 07/01/2016, 09h54

احبائى
مع مطلع العام الجديد اقدم لكم اول اغنية للفنانة الجميلة مها صبرى
اد ايه حبيتك انت اد ايه
مع اطيب تحياتى
أستاذنا الجليل والفنان الجميل
المايسترو الأصيل
عــــــــــــــــــــــــــــــــــــادل باشا صموئيــــــــــــــــــــــــــيل
أسعد الله مساءكم
وبعد يسعدنى العودة مرة أخرى إليكم باسم جديد بعد فقد (الباسوورد ) الخاص بى فاضطررت للتسجيل الجديد مرة أخرى باسم ( نجم النجوم ) بعد نور الصباح
ويسعدنى أن أشكر عودتك لأغانى الزمن الجميل
مها صبرى
وشكرا على هذه الروائع
أد إيه حبيتك إنت أ د إيه
وشكرررررررررررررررررررا
أخوكم
نور الصباح - سابقا
نجم النجوم - حاليا

**عادل صموئيل** · #6 07/01/2016, 10h47

اقدم لأخى العزيز المنير

انت الحب من درجة لا

مع اطيب تحياتى

**عادل صموئيل** · #7 07/01/2016, 10h48

احبائى

اقدم لكم من روائع الفنان وديع الصافى

آه يا زين

مع اطيب تحياتى

**عادل صموئيل** · #8 10/01/2016, 18h00

احبائى
اقدم لكم

نشيد الجزائر

مع اطيب تحياتى

**مهدي01** · #9 12/01/2016, 11h13

اذا ضاقت بي نوتة موسيقية فسبيلي استاذي الغالي عادل
اذا ارتجفت يدي و عسرت التي و وصعب سماعي فسبيلي استاذي الغالي عادل
اذا طلب تلاميذي انشودة وعجزت يدي عن عزفها فسبيلي اليها استاذي الفاضل عادل
ماذا اقول سوى : ادام الله عمرك وسفاك من كل سقم

اخى العزيز
يعنى كلامك الجميل لاتساويه كنوز الدنيا
المهم انا تحت امرك وامر كل واحد بيحتاج النوعية دى من الاناشيد .. طالما انها تكون سهلة فى التدوين ومفهومة .. يعنى النشيد ده مثلا من اول ما سمعته استوعبته وابتديت اكتب ما اخدش وقت .. الالحان الموزعة اوى يعنى التوزيع بيتداخل فى اللحن الاساسى مش بقدر استوعب اللحن الاساسى كمان الاغانى الحديثة احيانا بتبقى الموسيقى هلامية برضو مش بنفهمها يعنى اهم شىء : لحن واضح وميزان واضح انا احسه من اول وهلة
مع اطيب تحياتى وتحيا الجزائر العزيزة

**عادل صموئيل** · #10 18/01/2016, 15h11

عندى سؤال لخبراء الكمبيوتر
انا بسمع ان فيه برنامج بيشيل صوت المطرب من الاغنية يعنى تبقى موسيقى فقط هل صحيح الكلام ده ؟ وهل بينطبق الكلام ده على الاغانى القديمة ؟
يعنى انا على حد علمى دلوقتى فى الاستوديوهات بطريقة التسجيل بالتراكات .. بيبقى صوت المطرب على تراك مستقل من عدة تراكات .. وممكن تحط بداله صوت مطرب تانى ده فى الاستوديو فقطيعنى من الشريط الاصلى بتاع التراكات الكتير قبل دمجهم عشان يبقى تراكين استيريو
احنا كان على ايامنا كان المطرب بيسجل مع الفرقة مفيش الكلام ده طبعا بيبقى تراك واحد كله
اصل دلوقتى اخترعوا برامج كتير ممكن اى حد عادى ينبهر من برنامج بس الخبير يقول لك ده عنوان ع الفاضى مالوش اى فايدة يعنى زى مثلا برنامج كتابة النوتة عن طريق تشغل الملف الصوتى طبعا ده هبل ... يعنى الحالة الوحيدة اللى برنامج زى زى ده يشتغل صح انك تشغل لو ملف يكون مكتوب على انكور او برنامج تدوين ويكون صوت واحد ( لأن لو صوتين للبيانو مثلا حايدخلهم فى بعض ) ويكون النوتة غربية مفيهاش علامات شرقية
وبرنامج تانى يعزف النوتة من ملف PDF برضو كلام فارغ لأن نتيجته من اكتر من 10 % والباقى لخبطة لأنه برضو مش بيفهم كل حاجة مكتوبة فى الورقة يعنى حتى علامة السينيو ممكن تلخبطه
المهم لو حد منكم يعرف حاجة زى كده يقول لنا بس يكون حاجة متجربة .. والموضوع طبعا مشوق
مع اطيب تحياتى