طلبات نوتة أ / عادل صموئيل الجزء الثانى

[عادل صموئيل]

احبائى
اول يوم فى السنة الجديدة بيبقى يوم متميز حبيت اقدم لكم حاجة غاللية جدا جدا هى انطلبت من فترة وانا فعلا دونتها لكن كنت مخليها ليوم مشهود او مناسبة كبيرة
فى اول يوم فى السنة نقول كل سنة وانتم طيبين وعام سعيد وكل الكلام ده لكن اغلى شىء فى الوجود نقول له كل عام وانت بخير هو الوطن ... لما اقول كل سنة وانت طيب ياوطنى بدعو لكل سكان الوطن بالخير

اقدم لكم رائعة ام كلثوم من الحان السنباطى

ياحبنا الكبير

النشيد الرائع ده بأجمل كلماته وحلاوة لحنه ام كلثوم غنته فى عيد الثورة فى منتصف الستينات بحضور الرئيس الراحل عبد الناصر .. لكن مع الاسف النشيد ده اتظلم يعنى ما اتذاعش بعدها ما اخدش شهرة زى باقى اغانيها الوطنية ويمكن كتير منك ما يعرفه او عمره ما سمعه .. يعنى اللى سمعه فقط عشاق كل اغانى ام كلثوم اللى عاصروا وقت ماغنته .. ومن اهم مميزات النشيد ده انه مش محدد لبلد ما يعنى هو باللغة المصرية العامية لكن مألوفة فى كل الدول العربية يعنى ممكن فى اى حفلة فى اى دولة مطرب او مطربة تغنيه حايبقى للوطن اللى بيتغنى فيه اتمنى لكم ان تستمعوا به
مع اطيب تحياتى

[كمال العرباوي]

ملايين لكن في حبك ***كلنا اهل وارايب
وكذلك هم رواد منتدى ""سماعي" في محبتك يا استاذ عادل
تدوينة جميلة ... مش غريبة على استاذنا عادل صموئيل
الـــــــــــــــــــــــــــف شكر

[amrnabmans]

شكرا لحضرتك على تدوين رائعة يا حبنا الكبير
لو ممكن نسخة للاغنية على درجة الصول اكون متشكر جدا

[هشام بيه]

شكرا لك مسبقا استاذي العزيز
هذه الاغنية الاصلية للفنانة المغربية القديرة بهيجة ادريس
الاغنية معروفة جدا في الوسط المغربي باسم "عطشانة" او "الما يجري قدامي"
وصلة يوتوب

https://www.youtube.com/watch?v=3PV5pqUZNmY
او
https://www.youtube.com/watch?v=rJU8UApz1zM

تم اعيد غنائها من طرف فنانين كثر هذا احدهم

الفنان انور عبد العالي

https://www.youtube.com/watch?v=uMpHpA_IXQ4


اخى العزيز
انا استمعت لكل التسجيلات لكن مع الاسف اللون غريب على ومافهمتش منه حاجة يعنى مش فاهم الايقاع ميزانه كام واللهجة غريبة جدا على مش مستوعبها .. لكن احاول اشرح لك الموضوع
التدوين الموسيقى بيبقى تخصصات يعنى انا مصرى متخصص فى الموسيقى المصرية ودارسها وممارسها على اعلى درجة .. لكن اى موسيقى لدولة اخرى لو مش قريبة من اللون المصرى طبعا بيبقى صعب انى ادونها او تطلع مدونة تدوين جيد
كبعا انت قلت انك بحثت ومالقتش نوتة لها ومش حتلاقى لسبب لو ما كان موسيقى من نفس البلد ونفس المكان ومتربى على اللون ده وفاهمه من الصغر ماحدش حايعرف يدونها
ولو اللون ده غالى عندكم وله قيمة كبيرة اقول لك من واقع خبرتى العلمية ( وطبعا الكلام ده موجه لكل المغربيين )
اول حاجة سؤال الاغنية الاصلية بصوت بهيجة ادريس اتسجلت سنة كام اقصد يعنى هل مازال النوعية دى بيتعمل منها الحان ولا اتغير الشكل زى ما اتغير شكل الموسيقى وضاعت نكهتها فى كل البلاد العربية واولها مصر والسؤال الاهم هل الفرقة اللى سجلتها معاها سجلتها بنوتة موسيقية ولاعزفوها سماعى ... لأن لو سجلوها بنوتة موسيقية يبقى الفن ده مقنن ومن هنا ممكن الدارسين يبحثوا فى الموضوع ..
ثانى حاجة لما غناها انور عبد العالى هل الفرقة اللى عزفتها معاه عزفت بنوتة موسيقية ولا سماعى .. ايضا دى اجابة عن السؤال الاول يعنى هل الفن ده بيتكتب ومقنن ولا بيتعمل بالغريزة او بطبيعة الحياة فى المكان
اهم مافى الموضوع ان لازم يكون موسيقى مدون شاطر جدا وبيعزف نوتة وسماعى من اولاد البلد او المنطقة ويدرس النوعية دى كويس جدا ويحللها ويبتدى يدون منها هى صعب جدا على حد غريب لكن ممكن تكون اسهل عند اولاد المنطقة الموضوع عامل زى اللغة الصينية مثلا انت لو سمعتها مش حاتفهم حاجة لكن اولاد الصين طبعا بالنسبة لهم سهلة جدا بيتكلموها وعارفين القواعد بتاعتها وكل شىء
مع اطيب تحياتى

[المنير]

السلام عليكم
اتمنى للأستاذ صموئيل العمر المديد بمناسبة حلول السنة الميلادية 2016.
تفضل يا سيدي النوطة لأغنية " الما يجري قدامي " أرجو أن تعتمدها كمرجع و تصحيحها من خلال تدوينك المبسط.

[هشام بيه]

شكرا استاذ منير على النوتة الرائعة. والله لك جزيل الشكر. واطمع في كرمك اكثر اتمنى ان كان لديك المزيد من الفن المغربي الاصيل ان تتحفنا بنوتاته لنعرف العالم الى فننا الراقي.
شكرا استاذي عادل على مجهودك الجميل جدا. وكلامك كله صحيح. لكن اريد ان اضيف بعض المعلومات. السيد بهيجة ادريس من اروع الفنانات المغربيات و اشهرهن. بالرغ انها اعتزلت الغناء مبكرا. لكن كما قلت لم يعد احد يهتم بزمن الفن الجميل في وقتنا. الاغنية هي مكتوبة و مقننة طبعا. كما تبين من النوتة التي قدما الاستاذ منير فهي من مقام البياتي. وهي من كلمات محمد الغربي و الحان محمد بن عبد السلام. وغنتها الفنانة القديرة سنة 1965.
المشكل الذي واجهته هو ان فن الجميل في المغرب اندثر و بقي القليل منه لدرجة ان الجيل الجديد لا يتذكر حتى اسماء هولاء الفنانين القديرين. القليل فقط هم الذين يتذكرونهم و هم من عاصروهم في عصرهم الجميل. انا اجد صعوبة في تتبع الفن الجميل لهاته الاسباب.
اولا لا توجد مصادر كتبية حول الفن في المغرب او كتب النوتات الا القليل ولم يعد تسويقها مهم في جميع المدن فقط القليل من المدن المغربية تباع فيها تلك الكتب. وانا ملتزم بعملي ولا اسطتيع السفر
التجأت الى البحث في الانترنيت لكن المصادر محدووودة قادني البحث الى منتداكم الرائع. احببته. لكن مازالت المصادر محدودة في رصيد الغناء المغربي.
الحديث في ذا الموضوع كثير وانا مجرد هاوي للموسيقى اهوى العزف ودرست الموسيقى بشكل فردي لدى لا املك مؤهلات التدوين. شكرا كثيرا على مساعدتكم

[كمال العرباوي]

مساء الخير على دكر القن المغربي الأصيل تحضرني اغنية جميلة للمرحوم محمد رويشة .وهي بعنوان """عيون العشاق عنيدة """ يا ريت الأخ ""المنير "" يتحفنا بها

[عادل صموئيل]

احبائى

اقدم لكم نوتتين الاخوة الاحباء حد طلب رفع درجتهم

انت عمرى من دو

ياحبنا الكبير من صول

مع اطيب تحياتى

[بكر محمد دحدولي]

استاذنا الكبير عادل انا اريد بعض الاغاني منك هل تستطيع ان تدونها و اشكرك على المساعدة

حديث عينين -اسمهان- رياض السباطي
https://www.youtube.com/watch?v=p1KmuyBO6WQ

على عودي- رياض السنباطي
https://www.youtube.com/watch?v=gLX5bRztHIU

مركب العشاق- عبد الحليم حافظ-عبد الحليم نويرة
https://www.youtube.com/watch?v=GwmnmUvMSmU

عم أكتبلك هالمكتوب- جورجيت صايغ-الأخوين الرحباني
https://www.youtube.com/watch?v=vDt3B1289ic

اتمنى ان تستطيع ان تدونها قريبا