احبائى
اقم لكم
الموت القادم من الشرق
اللحن ده مكون من ثلاث اجزاء او ثلاث جمل الجملة الاخيرة منهم انا مقدرتش ادونها .. لأن اللحن موزع وفيه اصوات متداخلة والجزء ده مزحوم وسريع جدا معرفتش استخرج منه اللحن الاساسى
ونرجع لكلام قلته كتير قبل كده نوعية اللالحان اللى ممكن تتدون والالحان اللى مش ممكن او من الصعب تتدون
وحقول الكلام تانى وبعد كده حتجاهل اى طلب من النوعية دى
اولا الالحان الموزعة : لو فيه حد منكم مش فاهم يعنى ايه لحن موزع نقل تانى ... فيه حاجة اسمها لحن زى الحان الزمن الجميل 99% منها مش موزعة يعنى الفرقة بتعزف كلها لحن واحد زى بعض وده انا لما بسمعه ( او اى حد من عامة الشعب اللى مستمعين فقط مش دارسين موسيقى ) بيستوعبه وبيدندنه وبيحفظه .. وسهل يتكتب .. لكن لما تسمع كذا لحن فوق بعض يعنى كل مجموعة من الفرقة بتقول حاجة وكله راكب على بعض ... ده ما ينفعش يتدون لأن كل حرف انا سامعه بيبقى مش الحرف نفسه ولكن تآلف من مجموعة اصوات مع بعض ... وانت حتى لو عزفته بيبقى فقير جدا لأنك بتعزفه على آلة واحدة واللى بيسمعك لو سمع اللحن الاصلى حايحس انك فاضى جدا لأنه سامع على اللى انت بتقوله اصوات كتير انت مش بتقولها ... واكرر عشان الالحان دى تتعزف ( لو ليها قيمة موسيقية اصلا) لازم تعزفها فرقة وبشرط ان يكون معاهم النوت الاصلية اللى كتبها الموزع .. يعنى مثلا انتم لو شفتم الفرقة الماسية كان فى الستينيات على اسماعيل بيوزع بعض اغانى عبد الحليم وبالتالى كان فى الالحان دى اللى بيقود الفرقة على المسرح على اسماعيل مش احمد فؤاد حسن .. وتقدروا ترجعوا للتسجيلات .. وبعد رحيل على اسماعيل اللى كان كعادة اى موزع بياخد معاه كل النوت كان من المستحيل ان عبد الحليم يقدر يغنى الاغنية دى تانى .. وانا شخصيا كمسؤول عن النوت فى الفرقة الماسية كنت بقعد معاه نختار هو عايز يعيد غناء ايه من الاغانى القديمة كان بيتجنب تماما كل الاغانى الموزعة عشان مالهاش نوت عندنا ... عندك دلوقت مثلا عمر خيرت .. لما بينفذ اعامله فى حفلة لازم يكون النوت الاصلية اللى هو كاتبها وياسر عبد الرحمن نفس الموضوع ولو هم مش موجودين من غير النوت الاصلية دى مستحيل حد يقدر ينفذ الاعامل دى تانى ولو حاول حد حايوزعها تانى واكيد حاتطلع ( حتى لو احلى م التوزيع الاصلى ) حاجة غلط وزى الزفت بالنسبة للمستمع لنه سمعها بشكل تانى واى شكل جديد حايحس ان فيه حاجة غلط ... طيب حد يقول لى لااوركسترا السيمفونى اللى بيعزف سيمفونيات بيتهون وغيره بيعمل ايه لأن كل السيمفونيات موزعة وتزيع جامد جدا جدا جدا ... حقول ان فيه نسخ عالمية من السيمفونيات مطبوعة من التوزيع الاصلى اللى كتبه بيتهوفن بنفسه وبتتوزع على كل من يحتاجها ومتوفرة فى اوروبا فى جميع محلات الموسيقى .. طيب حد فهم حاجة من كلامى ؟
ثانيا : التقاسيم والمواويل والالحان الحديثة اللى فيها الايقاع عايم ماتعرفش تحدد لو ميزان ... ما ينفعش تتكبت لأنها مش محددة وحتى لو اتكتبت حاتبقى صعبة جدا جدا وماحدش حايعرف يقراها وحتى لو قراها حاتطلع حاجة مختلفة عن الاصل انت تسمعها حاجة غلط
طيب ايه الاستثناء ؟؟؟ الادليب ... وده بيبقى جملة بدون ميزان لكن الملحن عاملها منتظمة او سهلة بحيث سهل ان الجمهور يستوعبها ويحفظها .. زى مثلا الادليب بتاع انت عمرى ... رجعونى عينيك لأيامى اللى راحوا ... الدنيا كلها حافظاها .. وانا لما اكتبها حتى لو بدقة مش 100% لكن انت لما حاتعزفها من النوتة اكيد انت حافظ وحاتظبط اللى بتقوله زى ما انت حافظ من اللحن ... رجاء بعد كده تبقى الطلبات تستوفى الشروط دى مع اطيب تحياتى واللى عنده اى تعليق انا تحت امره
رد: طلبات نوتة أ / عادل صموئيل الجزء الثانى
العرض المتطور
