طلبات نوتة أ / عادل صموئيل الجزء الثانى

**خالدموسى** · #1 19/11/2015, 15h53

مساء الخير يا استاذ عادل
من الاغانى النادرة والجميلة للمطرب هانى شاكر هى اغنية الشاطر حسن وهذا هو الرابط لها
https://soundcloud.com/user392142928-1/pqerkuzam67q

شاكرا لك مجهوداتك السابقة والحالية

**مينا رضا** · #2 19/11/2015, 20h56

أرجو من الأستاذ القدير عادل صموئيل تدوين هذه الترنيمة
وهذا هو رابط الترنيمة

https://www.youtube.com/watch?v=ACDD...Y&spfreload=10

اخى العزيز
مش قلنا نختار الترانيم اللى ممكن تتدون ؟ انا سمعتها كذا مرة مش عارف امسك لها اى ميزان ... يعنى ما اقدرش ادونها مع الاسف
مع اطيب تحياتى عادل صموئيل

**مينا رضا** · #3 20/11/2015, 19h02

شكراً للأستاذ القدير عادل صموئيل على تعبه من اجل نصيحته الخاصة لي بتدوين النوتة وكنت احب ان أقول لحضرتك انا مبتدئ في التعلم وليس لي خبرة كبيرة بنوعية الترانيم وبالتالي اجهل ماتطلبه مني لو امكن حضرتك تعطيني مثال عملي حتى لا اقع في مثل هذا الخطأ مرة أخرى وشكراً جزيلاً على اهتمامك بطلبي وكما قلت سابقاً ان مجرد قراءتك لطلبي هو شرف لي وأتمنى الا تنساني بمثل عملى على نوعية الترانيم وشكراً مرة أخرى

اخى العزيز
هو الموضوع سهل اوى .. انت طبعا حافظ ترانيم كتير .. اذهب الى الفهرس بتاع النوتات بتاعتى حتلاقينى مدون ترانيم كتير اوى اكيد انت عارف منها .. دى النوعية اللى مش ممن تتدون .. الموضوع مش ترانيم او اغانى .. الموضوع موضوع الموسيقى نفسها ... يعنى تخيل انك بترسم مثلا وقدامك شكل ترسمه لازم تكون فاعم ايه اللى انت شايفه .. بالنسبة لنا فى الموسيقى لازم اولا يكون ميزان ثابت محدد انا اول ما اسمع اقول ده ميزان 4/4 او 2/4 مثلا بحدد كل مازورة فيها ايه ولازم يكون الميزان واضح وضوح الشمس عشان اكون مستريح وانا بكتب.. لكن هنا الميزان عايم مش فاهم اللى لحنه عمله ازاى بحيث انى حاولت القط منه ميزان ماعرفتش طيب حاكتب ازاى .. وحاجة تانية المفروض انا لما اكتب لازم اكون فاهم اللحن يعنى النغمات ايه والتفعيلة بتاعة الجملة ازاى وهنا لازم الاداء يكون مبسط ومفهوم يعنى ام كلثوم وعبد الحليم وكل عمالقة الزمن الجميل ادائهم بسيط بحيث انك تفهم اللى بيقولوه بسرعة وتدونه اما الجيل الحالى زى اصالة والاخت المرنمة هايدى ... بيتفزلكوا فى الاداء بحيث انهم بيشوهوا اللى احنا بنسمعه ومانفهمش بالظبط الجملة اللى بيقولوها ايه يعنى بيعملوا حليات كتير ... انا زمان لما كنت بكتب للملحنين الكبار كان بيسمعنى اللحن سادة بدون اى حليات عشان اعرف اكتب ايه .. وبعد النوتة ماتتكتب واللحن يتحدد لو المطرب حب يحط حليات هو حر مع نفسه ... انا نفسى ده يوصل للجميع .. يعنى احنا فى المنتدى ليه مش بنتعامل مع الاغانى الحديثة ؟ لأن عشان معندهمش جملة لحنية جميلة زى زمان اول حاجة بيوزعوا كل الاغانى من اولها لآخرها ودى مش ممكن تتدون لأنى لازم اسمع لحن واحد زى الحان زمان وثانيا بيتفزلكوا فى الاداء عشان المستمع ما يفهمش هم بيقولوا ايه وصلت الرسالة ؟ مع اطيب تحياتى عادل صموئيل

**عادل صموئيل** · #4 20/11/2015, 19h19

احبائى
تحياتى للمغرب الشقيق وشعب المغرب الحبيب

اقدم لكم انشودة

مغرب الحضارة

انا سعيد بالشغل ده ... انا طبعا اول مرة اسمعها معرف اذا كانت قديمة ولا حديثة ... فإن كانت قديمة ده موضوع اما اذا كانت حديثة فهى بتتبع نظام الحان زمان الجميلة يعنى لحن جميل والاداء بسيط يتفهم بسهولة ... مفيش فزلكة فى الاداء بحيث تعوق فهمى انا للجملة .. واحلا حاجة ان هى اغنية اطفال والاطفال هم اللى بيغنوها ... يعنى احيانا لما مطرب كبير بيغنى اغنية للاطفال ممكن تكون الاغنية اما اقل من مستواه هو كمطرب كبير او تكون اعلى من مستوى الاطفال .. اقصد من الاطفال واليهم
انا اتذر لأنى تأخرت فى كتابتها لأن كان عندى عطل مزعج فى الكمبيوتر ... والحمد لله تغلبت على جزء منه
مع اطيب تحياتى

**عبد الإله** · #5 20/11/2015, 22h57

حبيبي الأستاذ الجميل :
ألف شكر وتقدير لشخصك الكريم النبيل وتقبل تحيتي الحارة:

تعوَّدَ بسط الكفِّ حتى لو أنه ... ثناها لقبضٍ لم تُجِبهُ أنامِلُهُ
ترَاه إذا ما جئته متهللا ... كأنَّك تُعطيهِ الذي أنتَ آمِلُهُ

**مينا رضا** · #6 21/11/2015, 10h54

شكراً للنصيحة الغالية أستاذ عادل صموئيل وانا سأعمل بنصيحتك هذه في تعلمي للموسيقى وأيضا عند طلب نوتة أخرى وشكراً لك مرة اخرى

**muhamadibra** · #7 21/11/2015, 11h10

المايسترو العظيم اريد نوتة العمل الذي لحنه واداه رياض السنباطي - اله الكون - للاهمية القصوي وهذا هو الرابط ولسيادتكم جزيل الشكر والعرفان
https://www.youtube.com/watch?v=PbbNv3XrTiA
د محمد إبراهيم

**مهدي01** · #8 21/11/2015, 13h29

استاذي الفاضل انشودة روعة عن القيم الاخلاقية تحتاج لتدوينك الرائع و اود التحضير رفقة التلاميذ عليها

**عادل صموئيل** · #9 22/11/2015, 21h52

احبائى

اقدم لكم

فى يوم وليلة من درجة الدو

هى طبعا تعبتنى جدا لأنها 18 صفحة ولازم طبعا اراجع كل حرف لأن فيه حاجات فنية بتتغير اثناء عملية تغيير الطبقة يعنى مثلا تلاقى صول صول دييز صول ودى اكاديميا مش مقبولة لازم نخلى الصول اللى فى النص لا بيمول .. حاجات كتير كده عندك مثلا لو فيه نغمة نصف بيمول احيانا حسب درجة الغيير بتبقى نغمة نصف بيمول واحيانا بتبقى نغمة نصف دييز كل ده طبعا لازم يتراجع ... غير ان اول حركة بعملها لاخد نسخة من المف الاصلى واشتغل على المنقولة عشان لو حصل مشكلة يبقى الملف الاصلى موجود ... اول حاجة قبل كل حاجة بشوف الدليل يعنى من اول اللحن لحد مازورة رقم كذا ... ولما بيتغير بيبقى من مازورة رقم كذا الى مازورة رقم كذا وبكتبه فى ورقة قدامى .. وطبعا لما يكون اللحن 18 صفحة كده والمقام بيتغير كتير بتبقى عملية مجهدة جدا ومحتاجة تركيز عالى .. بعد ما اكتب كل ده فى الورقة بظلل اللحن كله وارفعه الدرجة المطلوبة ... البرنامج بيرفع النغمات لكن الدليل بيفضل زى ما هو طبعا حتشوف بلاوى يعنى .. بعدين امسك الورقة اللى كاتب فيها الدليل وتغييره .. واغير الدليل زى ما كنت كاتب يعنى من مازورة كذا الى مازورة كذا فقط مش اللحن كله يعنى جزء جزء .. حسب تغيير الدليل بعدين اعمل التعديلات اللازمة هى مجهدة جدا طبعا لما يكون اللحن كبير كده لكن التعب يهون فى سبيل اسعادكم
مع اطيب تحياتى

**مينا رضا** · #10 26/11/2015, 18h58

بعد التحية الى الأستاذ القدير عادل صموئيل أرجو من حضرتك تدوين هذه القصيدة وهي أحبك ياربي
وهذا هو الرابط
https://www.youtube.com/watch?v=j7aMWcQIDGE