طلبات نوتة أ / عادل صموئيل الجزء الثانى

[nazehmohamed]

أستاذ
عادل صموئيل
بناء على رغبتكم
في الإطمئنان على صحة
الأستاذ
نور الصباح
لقد إتصلت به الآن
الساعة الرابعة عصرا
الجمعة 23 / 10 / 2015
وأبلغني أنه سيخرج بسلامة الله
من المستشفى اليوم
وربنا يرجعه للمنتدى بالسلامة
إن شاء الله
أدام الله عليكم وعلينا نعمة الصحة
وحفظكم من كل سوء
خالص تحياتي
نزيه محمد

[خالدموسى]

ان شاء الله ترجع لينا بالسلامة يا نور الصباح وتفرحنا بتعليقاتك الحلوة على الاغانى فى الصفحة

[عادل صموئيل]

الاخ العزيز عاصم المنشاوى

لما سيد مكاوى حب ان وردة تغنى اللحن .. مش بينفع انه هو يروح يعرض عليها إلا اذا كان ملحن لها من قبل .. يعنى الملحن والمطرب بعد ما يعملوا عمل او اكثر بيبقوا اصحاب وده يعزم ده .. وساعتها ممكن الملحن يقول للمطرب عندى حلجة حلوة او حتة لسه عاملها ويسمعه منها جزء والمطرب يقرر ياخدها ولا لأ .... اما عن اللحن نفسه ... وده انا اكتشفته كتير بخبرتى ( واقصد اى لحن ما ) فيه لحن ساعة ما الملحن يخلصه ويديه للمطرب اولا على شريط عشان يحفظه ودى اول مرحلة وبيتناقشوا فيه ممكن يحصل تعديلات وبتختلف طبعا من مطرب لمطرب ... اقصد ان فى المرحلة دى ممكن يكون اللحن مكتمل اوى بحيث ان كل ما يتكلموا فيه الملحن مش بيحس ان ممكن يتعمل فيه تعديلات ... وممكن يحصل العكس واللحن يتغير فيه تعديلات كتير ... المرحلة التانية لما اللحن بيتكتب هو طبعا بيتكتب مازورة مازورة وبنقف عند كل جملة ... ساعتها ممكن اللزمات الصغيرة اللى وسط الغنا الملحن بيغير فيها ... لأن فى الشريط الاول اللى قلت عليه بيبقى التركيز على الغنا .. اما لحظة التدوين ممكن الملحن يحس انها عايزة تتعدل .. او حاجة خطيرة انتم ماتعرفوهاش ... ساعات الملحن بيحس ان الغنا مجهد على المطرب بالذات طبعا لما يتقدم ف السن .. فممكن يطول اللزمات دى شوية بحيث يدى فرصة للمطررب يستريح وياخد نفسه ... كمان فيه حاجة تانى .. اول مرة المحلن بيسمع المطرب اللحن ع العود وبياخد باله لو حتة مش عاجبة المطرب وهنا ممكن بيغيرها بسرعة اما لو المطرب ما ابداش كده يبقى خلاص اللحن اعتمد كده ... هى الحاجات دى بتختلف من لحن للحن طبعا ... ووردة نفسها كانت عايزة التغيير لأنها غنت لبليغ كمية كبيرة من الاغانى يعنى محتاجة لون جديد ... كمان حاجة مهمة ... لو تلاحظ فى اللحن ان فى جمل وردة قالتها بلون بلدى اوى ام كلثوم كانت مش حتقولها كده ... كمان من مميزات اللحن ده انه بطىء يعنى من الطرب التقيل اوى ووردة كانت محتاجة حاجة زى كده بعد الاغانى السريعة اللى قالتها من قبل ... بس الخلاصة ان وردة ابدعت فيه مع اطيب تحياتى

[عبد الإله]

طهور إن شاء الله ياأستاذ نور لابأس عليك إن شاء الله .
حبيب الملايين أستاذ عادل لا تردني خائبا ،
فأنت أكرم وأجود..
نوتة عشت يا مغربي حرا وهي على هذا الرابط:
https://m.youtube.com/watch?v=9kJBrMnPKxM
مع خالص امتناني .

[المنير]

الأستاذ و الأخ العزيز نزيه محمد : حياك الله بسلام. شكرا لك على تلبية طلبي بخصوص الأخ نور الصباح. أرجو من الله أن يشفيه من كل علة ليعود إلينا كما عهدناه.
تحياتي.

[درأرسلان]

أستاذي العزيزوالكريم عادل صموئيل،
سبق أن أشارالأخ عمروالهنداوي لصولو القانون في نوتة ألف ليلة وليلة، ولكن رغم ردك عليه، ٱطلب من سيادتك أن تتفضل علينا بتدوينه، لأني كعازف على آلة القانون، طلب مني عزف هذا الصولو؛
مع فائق الاحترام و التقدير

أخوكم د. المصطفى أرسلان

[عبد الإله]

( وإذا خطبت إلى كريم حاجة ... وأبي فلا تقعد عليه بحاجب )

( فلربما منع الكريم وما به ... بخل ولكن سوء حظ الطالب )
أعوذ بالله من عثرة الحظ وألوذ بسماحة الحبيب عادل أن يعجل بندائي وإني لأستحيي أن أطلب من غير أن أعطي ولكن ذلك فضل الله يؤتيه من يشاء فمن كثرت نعم الله عليه كثرت حوائج الناس إليه
رجائي حبيبي نوتة عشت يا مغربي حرا وهذا رابطها:

https://m.youtube.com/watch?v=9kJBrMnPKxM

[dorame]

الاستاذ المايستروا / عادل صموئيل
بحثت في جميع المنتديات عن نوتة ( من يشتري الورد مني ) ليلى مراد الحان السنباطي
ولم اجد الا في هذا المنتدى لكنها لا ميزان ولا دليل ومش مزبوطه
ممكن اذا سمح وقتك لتدوينها هيا صغيرة جده وحلوه
تحياتي

https://www.youtube.com/watch?v=9j3hpvsU6AU

[عبد الإله]

أضفت ردودا أمس و لم تنشر بعد أرجو أن يكون المانع خيرا

الاخ العزيز هو المانع خير
اى عضو جدي ( وده بيحصل فى اى منتدى ) لما ينزل مشاركات بتبقى مغلقة ماحدش بيشوفها غير المشرفين على الصفحة .. ولما بيتأكدوا ان المشاركة مافيهاش اى مشكلة او موانع بيفتحوها وده بيستمر لحد ما العضو ينزل اكتر من عشر مشاركات هنا بتطمئن الادارة ان العضو لاغبار عليه وبيشوف مشاركته اول ما يرفعها ماشرة
انت الى الحين تقريبا عامل 9 مشاركات يعنى قربنا ...
مع اطيب تحياتى عادل صموئيل