طلبات نوتة أ / عادل صموئيل الجزء الثانى

**برهان عواد** · #1 06/10/2015, 00h11

(( أنا ؟؟؟)) بدوري أشكر جميع الأخوة الأعضاء على هذا الجهد الجماعي المشترك.

على رأسهم الأستاذ عادل, والأستاذ عمرو.

الحمد لله, لم يبخل أحد منا بالمعرفة أو إستأثرها لنفسه, و كل واحد ساهم بمعرفته الجزئية

لتكتمل الصورة و تظهر نتيجة إيجابية لهذا التعب.

لا أزال مبتدئ في الموسيقى, وفكرة أن يقوم برنامج التدوين الموسيقي بعزف المقطوعات الصعبة

من النوتة الموسيقية, أو العلامات الصعبة نوعاً ما عليّ, هي فكرة الأستاذ عادل ,أطال الله عمره.

أرجو أن تسود روح العمل الجماعي بين أعضاء المنتدى ليزدهر المنتدى أكثر وأكثر.

**عادل صموئيل** · #2 06/10/2015, 05h01

احبائى

اقدم لكم اغنية الفناة وردة

وحشتونى

مع اطيب تحياتى

**سامى امين** · #3 06/10/2015, 07h31

صدقنى يا مستر عادل الاغنية دى شوفت تريو بيغنوها وعجبتنى جدا وكنت عاوز اطلبها منك لكن عارف فية كتير بيطلبوا نوت شكرا يا مستر عادل وشكرا اللى طلبها

الاغنية الحلوة لعبد الحليم اللى انت لسة ماكتبتهاش هى عقبالك يوم ميلادىك خليها يا مستر فى بالك

**درأرسلان** · #4 06/10/2015, 19h32

شكرا استاذي الفاضل على هذا التدوين الممتاز الذي عودتنا عليه، ودائما وأبدا مع الطرب العربي الأصيل؛

أسعدكم الله وبارك فيكم وفي عائلتكم الكريمة

أخوكم د. المصطفى أرسلان

**سعودالكعبي** · #5 07/10/2015, 12h22

لو سمحتوا نوتة البرواز محمد عبده

**salhi_haithem** · #6 07/10/2015, 17h34

السلام عليكم ورحمة الله
أستاذ عادل شكرررررررا جزيلا على تدوين أغنية وحشتوني و أغاني فريد الأطرش و لو فيه مزيد إحنا في الإنتظار و هو فيه أغاني ممتازة جدا لو تدونها يا أستاذ عادل تكون خدمة الأمة كله و دونت تاريخنا الفني و قدمت خدمة لأبناءك مثل أغنية يا ناس يا ناس لأ مش كيده لسيد مكاوي و أغنية قبل النهارده و هي أغنية عظيمة لعمار الشريعي و أغنية أوقاتي بتحلو لسيد مكاوي أغنية بتونس بيك لصلاح الشرنوبي و جيت في وقتك يا حبيبي لأحمد فؤاد حسن و أغنية لازم نتفارق لمحمد الموجي و هذه القائمة من الأغاني ذات المعيار الثقيل جـــــــــدا و أرجو أن تدون لنا ما أستطعت و ما توفر لك من وقت
أخوكم هيثم

**عادل صموئيل** · #7 09/10/2015, 18h49

احبائى

اقدم لكم رائعة ام كلثوم

الف ليلة وليلة

انا كنت قدمتها من كذا سنة لكن الاخت العزيزة عاشقة العود اكتشفت انى كنت ناسى جملة فى المذهب وجملة فى الكوبليه الاول .. وطبعا عشان الاغنية قديمة مالقيتش ملف الانكور ومن ملف ال pdf الموجود فى المنتدى انا استخدمت البرامج اللى قدمها الاخوة الاحباء وعملت ملف انكور تانى والحمد لله صلحتها ... وارجو من الاخ العزيز هيثم انو يستبدل الملف القديم بالملف الجديد لأنه افضل كتير ... اهم شىء والكلام ده يهم المدونين ... ازاى انا نسيت جملتين مع انى عزفتها مليون مرة وحافظها ... المشكلة فى اللحن نفسه ... يعنى زى ما قلت لكم من قبل ان كل لحن من الحان العمالقة بيبقى فيه شىء مختلف ومافيش لحنين زى بعض .. هنا بليغ استخدم طريقة حاجة زى دائرة ... يعنى انا كمدون عادة او طريقة الشغل انو كل لما بدون جملة واتأكد انها مضبوطة 100% من كل النواحى بدون اللى بعدها ... هنا فى اللحن ده كان لازم اتابع الكلمات مش اللحن .. لن استخدم اكتر من مرة نفس الكلمة بنفس اللحن فى الجملة التالية وبعدين بيغير اللحن بعد الكلمة دى وده اللى عمل اللخبطة وفى الالحان من النوعية دى ... ان قبل ما ادون الجملة التالية لازم ارجع جملتين عشان اربط الثالثة بيهم ... المهم اللحن طلع الحمد لله زى الفل
واطيب تحياتى

**مهدي01** · #8 11/10/2015, 11h37

ممكن يا هرم تدوين الانشودة اللبنانية الرائعة

اخى العزيز
الاغنية دى انا حاسس انى كتبتها قبل كده
ممكن تراجع الفهرس بتاع الأخ العزيز هيثم ولو مش موجودة اخبرنى وانا ادونها
مع اطيب تحياتى عادل صموئيل

**خليل سليم** · #9 11/10/2015, 21h28

ممكن من الاستاذ الماسترو عادل المحترم او الاعضاء الكرام المحترمين مساعدتي في الحصول على النسخة الاخيرة المصححه من اغنية الف ليلة وليلة ولكم جزيل التقدير والشكر

اخى العزيز
انا صلحت النسخة وتقدر تنزلها من الصفحة اللى قبل دى
عادة انا لما بنزل نوتة واصلحها بنزلها فى نفس مكانها عشان تقدر تلاقيها بسهولة وما يبقاش نسخة فيها اخطاء ونسخة مصححة
مع اطيب تحياتى عادل صموئيل

**ايمن سابا** · #10 11/10/2015, 22h32

الرجاء من السادة الكرام نوتات أغنية بغنيلا و بدقلها لرامي عياش
و أغنية ما بتركك ل معين شريف