طلبات نوتة أ / عادل صموئيل الجزء الثانى

**عادل صموئيل** · #1 29/09/2015, 18h49

احبائى

انا عندى مشكلة ابتدت تتكرر كتير ومحتاج معاونة اى حد مكم يقدر يساعدنى واختص بالذكر اخى الحبيب المنير اللى بيسعفنى بالبرامج اللى بتفيدنى كتير فى الشغل اللى بقدمه لكم

المشكلة : انا بدون على برنامج انكور ... والملف الانكور قابل للتعديل لنه متحرك زى الوورد اوفيس ... والتعديل يعنى مثلا حد منكم يكتشف اى غلطة او ملحوظة وانا بصلحها فى ثانية ... الاهم وانا ما بحبك اتجاهل اى طلب حد منك يطلبه ... فيه اعضاء بتطلب تغيير الطبقة فى اغنية كذا يعنى هى مددونة من درجة لا مثا هو عايزها من رى مثلا او اى درجة فى وجود ملف الانكور مش بتاخد معايا وقت حتى تلاحظوا انو اسرع طلب بنفذه .. اما المشكلة جت منين ... انتم عارفين انى بدون عشرات او مئات من النوت ... يعنى ملفات كتير جدا جدا ... عادة كل سنة بيحصل انى اغير نسخة الويندوز 3 او 4 مرات ... يعنى بيحصل حركة كده ممكن ملف من ملفات الانكور يضيع وبالذات لما يكون قديم يعنى من سنة او اكتر مثلا ... طبعا هو الملف ان بنزله ف المنتدى بصيغة pdf يعنى بالنسبة لكم متاح فى اى وقت ...
الطلب : هل ممكن فيه برنامج ( بس يكون كامل مافيهوش مشاكل ) اقدر من نسخة ال pdf افتحه تانى على ملف انكور ؟ طبعا انا عارف انو مش ممكن يكون دقيق اوى .. اقصد انه اكيد حايحتاج تظبيط كتير بس ارحم من انى اضطر ادون الاغنية كلها تانى وبالذات لما تكون 7 او 8 صفحات ... رجاء اللى عنده فكرة يكتب لنا مع اطيب تحياتى

**عمرو الهنداوي** · #2 29/09/2015, 21h07

أستاذ عادل اسمح لي بالمشاركة بعد أذن اخي المنير والزملاء...

بالنسبة لانكور انه يقرا ملفات البي دي اف ويحولها تأني لنوتة صعب جدا لان ده أكبر من إمكانيات انكور. طيب هل هناك برامج أخرى تستطيع فعل ذلك(نعم) ولكنها برامج مساعدة لقراءة النوتة في الأساس ولسماعها وليس للتعديل عليها الا بإمكانيات محدودة.

طيب الحل ايه؟

استخدام إحدى هذه البرامج المساعدة ثم فتح ملف النوتة البي دي اف عليها ثم إعادة حفظها بصيغة يقبلها انكور مثل ميدي وصورة موسيقية والصيغ كالاتي (Mid-Midi – XML-MXL) في العادة حضرتك ح تستخدم الميدي ودة بيحفظ الملف والنوتات بشكل كامل لكن تبقي مشكلة التنسيق زي علامات الإعادات أو الكلام العربي داخل النوتة وكمان علامات الموسيقا الشرقية زي الربع تون ستقرئ بشكل غربي لكنها في النهاية تعديلات بسيطة ولا تحتاج لكتابة النوتة مرة اخري.
لو كان انكور شاطر مع ملفات XML يبقي الموضوع أسهل... يعني ايه نوع الملف ده؟ هو باختصار صورة الكترونية لشكل النوتة والمفروض انكور ينسخ الصورة بسرعة إلى نوتة مكتوبة بنفس الشكل بس برضو غربي يعني العربي ح يبقي حروف مش مفهومة والربع تون يقرا نصف بيمول... بس انا ماعرفيش أنكور بيعمل كدة ولا لا.
طيب فين البرنامج اللي حيقرئ ملف النوتة بي دي اف ويحوله إلى ميدي أو شيء اخر. هناك ملايين البرامج لكن أفضلهم اسمه photoscore بيقرا النوتة بي دي اف أوصورة عادية والمكتوبة كمان بخط اليد ويحولهم بكفاءة إلى نوتة كمبيوتر في لحظات جاهزة للسمع أو التعديل البسيط يعني رفع طبقة أو تغير علامة أو حرف موسيقي و طبعا جاهزة للتصدير بالصيغ اللي قولت عليها.

البرنامج سهل بعض الشيء وموجود عندي بشكل كامل لو حضرتك عايزه يكون عندك في ثانية..

مع تحياتي

اخى العزيز
اشكرك لسرعة الاستجابة ممكن برضو تنزله ونشوف ... لأن فى المشاكل اللى زى دى الواحد بيحاول يشوف كل الحلول الممكنة وانت بخبرتك طبعا عاف ان فيه برامج صعبة وبرامج سهلة وبرامج اكفأ واحنا نحاول نجرب الكل
وانا اتمنى من كل من يهمه الامر انو يجرب معانا البرامج يعنى اكيد كلهم عندهم انكور ونشوف والف شكر

**salhi_haithem** · #3 29/09/2015, 21h24

السلام عليكم
أستاذ عادل عندي حل و هو شغّال لكن يضيع هيكل إخراج النوتة يعني ستجد المازوات كاملة لكن ليس على نفس إخراج النوتة اللي كتبها أول مرة
العملية سهلة تنصب برنامج أسمه PDF TO MUSIC PRO و هو موجود في المنتدى من هنا
هذا البرنامج يقرأ ملفات النوتة اللي مكوبين على برامج التدوين فقط يعني لما تكتب نوتة على أنكور أو غيره و تحملها بي دي أف البرنامج يقراها لكن النوتة على شكل صور في ملف بي دي أف لا تقرأ
المهم تنصب برنامج PDF TO MUSIC PRO و تروح على File ثم Export و ستجد ما بين الخيارات أنك تحمل الملف Mid أي ملف ميدي تسجل الملف على الديسك توب ثم تحل أنكور و تروح على File ثم Open تفتح نافذة تختار من أسفل نوع الملف Type File تختار Midi Files ثم تذهب إلى الملف المسجل على الديسكتوب و تفتحو
المهم جرب و أنا معاك هيثم

**خالدموسى** · #4 29/09/2015, 23h13

مساء الخير استاذ عادل
الاستاذ صالحى هيثم قال المفيد وانا اتفق معه
وهو عند فتح اى نوتة من برنامج pdf to music pro تتجه الى file اعلى صفحة البرنامج ثم Export حيث تظهر لك اختيارات كثيرة (8) تختار منها Midi حيث سيفتح جدول لكى تحفظها فى اى موقع تريدعن طريقSave
ثم تذهب الى برنامج انكور ومن اعلى البرتامج نضغط File ثم Open فيفتح لنا جدول Open File فى اسفل الجدول Files of Type نضغط على السهم المقابل ونختار الاختيار الثانى Midi files (*mid; *mff ) وهنا تفتح النوتة الاصلية على برنامج انكور وهى شبيه بالاصلية وليست نفسها حيث تحتاج بعض التعديلات البسيطة عليها
لكم تحياتى استاذ عادل واستاذ هيثم

**عادل صموئيل** · #5 30/09/2015, 01h15

اخوتى الاحباء

اشكركم الف مليون شكر على تعاونكم بس عندى مشكلة

انا نزلت البرنامج وعرفت افتح عليه ملف pdf وعملت زى ماقلتم وفتحته على برنامج الانكور .. نزل زى الفل بجميع صفحاته بس طبعا زى ما انتم قلتم بدون اى علامات تحويل او كتابات او مرجعات .. دى مش مهم لأنى اقدر انقل كل الكلام ده من ملف pdf الاصلى الموجود فى المنتدى
المشكلة ان البرنامج انكور لما بتفتحه بيديك مدرجات مزدوجة يعنى مدرجين واحد مفتاح صول عليه اللحن ومربوط فيه مدرج تانى مفتاح صول ايضا بس مليان سكتات معرفتش احذفه فكروا معايا نحذفه كيف ..
زى فى الصورة

كمان جربت ملف تانى الدليل بتاعه فيه مى نص بيمول لما فتحته على انكور طلع حاجة ملخبطة ومش راضى يشتغل

**عمرو الهنداوي** · #6 30/09/2015, 01h25

أستاذ عادل اليك البرنامج

البرنامج + الباتش في فولدر واحد لكن لكبر حجمهم فوق طاقة استيعاب المنتدى خلتهم على 2 فولدر وطريقة التسطيب كالاتي:
1- نزل حضرتك الملفان الاثنين وافتح ملف رقم واحد واستخرج الفولدر الداخلي وبه البرنامج والباتش.
2- ستطب البرنامج عادي جدا وبالطريقة العادية.
3- بعد تستطيب البرنامج افتح ملف الباتش واضغط ايقونة التفعيل وهي فوق على ايدك الشمال وانتهي الأمر.
4- هات ملف النوتة بس خلى اسم ملف النوتة أي شيء غير أحرف عربية علشان البرنامج بيرفض أي ملف اسمه باللغة العربية...
5- افتح ملف النوتة بالبرنامج الجديد وانتظر ثواني حتى يقرا النوتة وبعد قراءتيها ستجدها امامك. ويمكنك تعديل الميزان او اجراء تعديلات إذا اردت...
6- ومن قائمة فايل اختر حفظ واختار نوع الملف الجديد وفي الغالب ميدي لو حضرتك مش عايز الأنواع الأخرى
7- افتح ملف الميدي الجديد في انكور

بالتوفيق

**برهان عواد** · #7 30/09/2015, 05h28

إقتراحي أستاذ عادل, إستعمال طريقة الأخ عمرو.

نوتات حضرتك مكتوبة ببرنامج الأنكور, وبدون تحليات , أو إضافات أو تعليمات موسيقية

وبالتالي برنامج الماسح الموسيقي سوف لا يواجه مشاكل تذكر عن قرائته.

بعض التصليحات للسلم العربي و أرباع البيمولات , أضافات للأقواس.

لا أعلم أذا كان البرنامج يستطيع أن يعالج الأدليب أو لا.

**برهان عواد** · #8 30/09/2015, 06h18

حتى أقرن الأقوال بالأفعال,

قمت بتحويل نوتة pdf للسيدة كوكب الشرق ((القلب يعشق كل جميل))

مستعملا برنامج photoscore. أتذكر أن أحد الأعضاء طلبها منك

العملية أخذت حوال 20 دقيقة لتنظيف الملف و إزالة الأشكال الغريبة.

البرنامج لا يتعرف على أنصاف البيمولات, أو الأدليب, أو نصف دييزات.

البرنامج تعرف على أنصاف الدييزات على أساس دييزات أو سكوت بمقدار زمن أو لم يكتبها مطلقاً

يوجد بعض علامات الأعادة التي لم يتعرف عليها.

ملف xml يحتاج الى معالجة إضافية أتوقع حوالي النصف ساعة.

لتعديل البيمولات و الدييزات و وضع الأقواس و علامات الإعادة.

أقوم برفع الملف الذي يحتاج إلى تعديل قبل كتابته على درجة الره / الللا (( على ما أعتقد))

بشكل عام البرنامج يقوم بعمله بنسبة كبيرة جداً لموسيقانا العربية.

أشكر الأخ عمرو على إقتراحه البرنامج,

ولي إقتراح ألا وهو أن يقوم بعمل شرح للبرنامج , ليقوم الأعضاء بتهيئة الملف الأولي لحضرتك

لتقوم بالتعديل عليه, لأن عملية التعديل قد تستغرق بعض الوقت ومن واجب لأعضاء المساعدة.

اخى العزيز
اولا الف شكر لتعبك بس الملف المضغوط اللى انت ارسلته مش عارف افتحه بصيغة ايه .. اقصد مش فاتح عندى انت الاول حولت ال pdf كيف ... يعنى ممكن توضيح اكتر
اقصد اننا الاول بنفتح الملف على البرنامج بعدين ايه المطلوب نعمله قبل مانحوله ميدى ونفتحه على انكور ... هو بالطبع انا عارف انو مش حايقرا العلامات الشرقية وحاجات كتير المهم النغمات وكل ده يتحط فى دقائق
اما تحويل املف من درجة ال لا الى درجة الرى دى بعد ما نكمل ملف ال لا الاول كاملا زى ما هو معمول عشان انا لما بحول مش عملية تغيير الدرجة فقط ولكن الدليل يبقى ايه والعلامات الشرقية العارضة من اول اللحن لآخره انا براجعها واحدة واحدة ... لأن عملية تغير الدرجة لو فيه علامات عارضة بيمول او دييز البرنامج بيحولها مع نفسه لكن العلامات الشرقية لازم انا احولها واحدة واحدة وانا اشكر الاخ العزيز عمرو هنداوى واطلب منه شرح اكتر ( وده للجميع طبعا ) واول سؤال لما تفتح ملف ال pdf على البرنامج انا قلت اول حاجة نخلى اسم الملف انجليزى وانا عملت كده
السؤال هل ممكن تعديل اى حاجة تانية فى الملف المفتوح يعنى نشيل حاجة نغير حاجة وذلك عشان نقلل اللخبطة اللى بتحصل للبرامج لما بتشوف حاجة شرقى ... وللعلم لو اة نوتة غربى البرامج دى بتحولها فورا هو اللى بيلخبط الدنيا الشرقى مع اطيب تحياتى عادل صموئيل

**وليد100** · #9 30/09/2015, 17h47

السلام عليكم
جزيل الشكر للاخوه والاصدقاء (المحترمين) تامر عامر وعمرو هنداوي لاستجابتهم للرسائل علي الخاص ومع تمنياتي بالتوفيق
اخيكم وليد