حضرة الاستاذ الكبير استاذنا كلنا، عادل صمويل
حبيت اشكرك على المجهود الجبار والعمل المتقن والاحترافي اللي عم تعمله.. غالبية النوتات اللي بعطيها لطلابي من تدوين حضرتك! واضحة اشد الوضوح وسلسة وتدل على عبقرية مدونها وأذنه المرهفه!
معليش ممكن اغلبك معي، بس اصل احد طلابي المتحمسين للجيل الحالي من الفنانين صرله اكثر من درس يلح عليي عشان اجيبله نوتة "الغرام المستحيل" لوائل كفوري.. وانا اساسا مش بحب هالنوع من الموسيقى بس معدش فيها، طلاب اليوم متحمسين لهال"فن" اللي تربوا عليه... الله يعيننا
ان شاء الله ما اكون ثقلت عليك وآسف عالإطالة يا عظيم..
ا
خى العزيز
اولا اهلا بك فى المنتدى
اساس المشكلة ان كل المدح اللى حضرتك قلته مشكورا على تدويناتى ... الاساس هو ان اللحن نفسه جميل وعلى درجة كبيرة من الانضباط العلمى .. واهم شىء بالنسبة للطالب انو لما يعزف يعزف موسيقى جميلة جدا اولا بتخليه يسعد باللى بيعمله ويتعلم عشان يبقى مستواه احسن وثانيا ان اللى بيسمعوه لما يعزف قدام ناس بيسعدوا بيه جدا ويشجعوه لأنهم سامعين شىء جميل وممكن يكون مستوى الطالب متوسط لكن اللحن اصلا جميل ... لو انت راجعت كل اغانى الزمن الجميل حتلاقى مفيش توزيع إلا فى واحد % من الالحان وده بيخلى الملحن يركز على جمال اللحن لأن اللحن بيتسمع منفردا بدون مصاحبات .. وده الشىء اللى خلا كل اغنية احلى من التانية لأن الجمهور حافظ كل الاغانى ولو الملحن كرر جملة او جملة تشبه جملة فى لحن آخر الجمهور حايحس بيها فورا ويحس ان الملحن افلس .. وبالطبع تكون سيئة فى حق الملحن ... اما اليوم كل الاغانى موزعة وموزعة عادة اى حاجة مش بإسلوب علمى ... والتوزيع بيعمل دوشة تغطى على اللحن الاساسى ومن هنا مكمن الخطورة لن الالحان والجمل الموسيقية ابتدت تتشتبه وتتكرر لأن التوزيع بيغطى عليها والجمهور طبعا مش فاهم لدرجة ان التفعيلة الواحدة بقت تتكرر عشرات المرات وماحدش فاهم ... انا شخصيا كعازف كمان لما بعزف اعزف اغانى الزمن الجميل اللى بتتكون من خط لحنى واحد اما الاغانى الحديثة المتكونة من خطوط كتير لو انا عزفتها ( ده طبعا على اساس انى اشطر من الطلبة الى لسه بيتعلموا ) ازاى بآلة واحدة اعزف خطوط لحنية مع بعض وهنا لو عزفت الاغنية بيكون شىء فاضى جدا ناقصه اصوات المستمع يحس ان فيه شىء غلط او شىء ناقص .. طبعا بالاضافة الى ان مفيش مدون يقدر يدون لحن موزع لازم يكون اللى موزعه شخصيا عشان يبقى فاهم هو كان عامل ايه اصلا
مع اطيب تحياتى عادل صموئيل
رد: طلبات نوتة أ / عادل صموئيل الجزء الثانى
العرض المتطور
