طلبات نوتة أ / عادل صموئيل الجزء الثانى

[عادل صموئيل]

احبائى

اقدم لكم من الحان جمال سلامه

تتر مسلسل غريب فى المدينة

يمكن النوتة دى مش دورها لان فيه طلبات كتير قبلها لكن دونتها الاول لأنها سهلة ماتدخش منى وقت لكن السبب الاساسى تنبيه بكرره كتير وماحدش بياخد باله ..
الملف الصوتى مقطوع منه فى الاول جزء يعنى كذا مازورة طيب انا ادونها ازاى ؟ انا اكرر ما اقدرش اكتب اى نوتة إلا اذا كان اللحن بادىء من اوله فى الملف ... وحتى انا لو مش دقيق وبعك ودونته زى ماهو ما ينفعش انك تعزف مقطوعة اولها ناقص إلا لو مثلا كان اولها ادليب او حاجة زى كده وانت عايزي تبتدى عزفك من الجزء اللى ع الايقاع .. لكن انا لازم ادونها كما انزلت .. حل المشكلة دى حاجة من اتنين .. اما انى اهمل الموضوع وما ادونهاش اصلا ... والحل التانى انى افضل ادور ع النت لحد ما الاقيها كاملة وده يستغرق قعدة على الكمبيوتر .. والقعدة دى ( عشان انا مش بقعد ع الكمبيوتر وقت طويل ممكن بتعب او بزهق ولأن التدوين محتاج مجهود كبير من المخ ) القعدة دى كان ممكن اكتب فيها صفحة ... من حسن الحظ ان المقطوعة عن نصها بتتكرر تانى وانا ابتديت كتابتها من التكرار ده .. ولولا كده ماكنتش حاكتبها

مع اطيب تحياتى

[نور الصباح]

احبائى
اقدم لكم من الحان جمال سلامه
تتر مسلسل غريب فى المدينة
يمكن النوتة دى مش دورها لان فيه طلبات كتير قبلها لكن دونتها الاول لأنها سهلة ماتدخش منى وقت لكن السبب الاساسى تنبيه بكرره كتير وماحدش بياخد باله ..
مع اطيب تحياتى
SSSSSSSSSSSSSSSSSSSSSSSSSSSSSSSS
حبيب قلبى
المايسترو الكبيرو الصديق العزيز
الفنان الأستاذ
عـــــــــــــــــــــــــــــــــــــادل باشـــا صموئــــــــــــــــــــــــــيل
سلام الله عليكم ورحمته وبركاته
وبعد :
شكرا على تدوين نوتة
{جــــــــــمال ســــــــــــــــلامة }
تــــــــــتر مســـــــــــلســــــــل
( غريب فى المدينة )
شكرا على تدوين نوتة
(الله يقصف عمر الحب وعمر إللى يصدق رجال )
أخوكم
نور الصباح

[خالدموسى]

مساء الخير يا استاذ عادل
من اجمل اغانى نجاة الصغيرة التى لحنها بليغ حمدى ((حبك حياتى )) وهى لم تدون حتى الان
ارجو منك عندما يسمح وقتك يا استاذنا الحبيب ان تكون من ضمن برنامج تدويناتك
نجاة الصغيرة - حبك حياتى
وهذا رابطها على اليوتيوب
https://www.youtube.com/watch?v=H5GewVl6xZ4
وشكرا لك على مجهوداتك الجميلة

[برهان عواد]

تحية كبيرة و سلام حار أستاذ عادل,

باعتبار ان المود هذه الأيام ينحو باتجاه صباح وأيام اللولو عندها مضيئة

ممكن أن اطلب من حضرتك تدوين أغنية جوزي ما بيلفي على البيت

https://www.youtube.com/watch?v=jq-MN3VwGFY

جزيل الشكر مقدما

[عادل صموئيل]

احبائى
من اشهر اغانى الفنان محمد فوزى

الشوق .. الشوق

مع اطيب تحياتى

[muhamadibra]

احييك من كل قلبي يا مايسترو علي نوتة الشوق - واحييك علي اختياراتك ومجهوداتك المتميزة
د محمدإبراهيم

[نور الصباح]

حبيب قلبى
المايسترو الكبيرو الصديق العزيز
الفنان الأستاذ
عـــــــــــــــــــــــــــــــــــــادل باشـــا صموئــــــــــــــــــــــــــيل
سلام الله عليكم ورحمته وبركاته
وبعد :
شكرا على تدوين نوتة
{محــــــــــــــمد فــــــــــــوزى }
الشـــــــــــــــوق ... الشـــــــــــوق

أخوكم
نور الصباح

[عادل صموئيل]

احبائى
اقدم لكم من العيار التقيل جدا جدا

ياللى كان يشجيك انينى

انا مدون المقدمة والمذهب والكوبليه الاول فقط ... الاغنية دى ما اعتقدش ان حد دونها من قبل .. والسبب صعوبتها الشديدة وان حتى لو اتدونت مش اى حد حايقدر يعزفها .. السبب ان رياض السنباطى عامل اللحن تقريبا 80 % ادليب .. ومع انه عامل كده فى كذا اغنية مثل اراك عصى الدمع مثلا ... ولكنه فى اراك عصى الدمع مش مدى لم كلثوم مساحة ليلها يعنى مخليها ملتزمة باللحن .. اما فى ياللى كان يشجيك انينى مديها مساحة مطلقة .. وبالطبع ام كلثوم لما تطلع كل اللى جواها ما ينفعش حد يقدر يغنيه زيها او حتى يعزفه .. يعنى فى الادليب كل حرف انا اكاتبه ام كلثوم بتقول حرف قبله وبعده واحيانا بيكون الحرف مستتر واحيانا صؤيح .. وبالطبع الدقة المتناهية دى مش ممكن حد حايعرف يقراها ... بإختصار اللحن غنائى اكتر مما هو موسيقى .. انا حاولت اكتب فى الكوبليه الثانى لكن لقيته صعب جدا جدا وحتى لو اعزف مش حايعطى المذاق بتاع ام كلثوم .. وانت حتى لما تسمع التسجيل حاتحس ان ام كلثوم مسيطرة 90% على الفرقة
المهم ان اللى انا مدونه احلا جزء فى اللحن ولو اتعزف طبعا حيكون اعجاز
مع اطيب تحياتى

رجاء قلته عشرات المرات فيه ناس بتطول كلام مكرر فى الردود يعنى بيبقى الموضوع ارتفاعه خمسة سم والرد بتاعهم نص صفحة والكلام لما يكون مكرر مالوش لازمة والخطورة انه بيستغرق صفحات كتير يعنى احنا داخلين على 500 صفحة معظمهم ردود من الطويلة المكررة الكلام ... المرة اللى فاتت وصلنا ل مايقارب 1000 صفحة اضرطت ادارة المنتدى لغلق الموضوع اصلا وفتحنا موضوع تانى .. مافيش مانع المشاركات الطويلة لما يكون حد بيسألأ على حاجة او انا برد اشرح حاجة بيبقى طول الموضوع مفيد للجميع ارجو مراعاة ذلك وشكرا