طلبات نوتة أ / عادل صموئيل الجزء الثانى

[احمد نور احمد]

الاخ الفنان عادل صموئيل
كلمات الشكركلها تعجز عن التعبير عن جهدك في التدوين
الموسيقي واثراء هذا المنتدي بالكنوز من الالحان العذبه
وحقيقي بدون مجامله استمتعت جدا بعزفك علي الكمان
وخصوصا مصريات واظن ان عزفك لا تخطئه اذن
وشخصيتك في العزف واضحه جدا ولكن لا اعلم لماذا
لم تعزف هذه المقطوعات في حفلات او تسجيلات تطرح في الاسواق وخصوصا بمصاحبه ايقاع
مع الشكر وخالص محبتي اخي الفنان عادل
اخيك
احمد نور

اخى العزيز
اولا اشكرك على ذوقك وكلامك الجميل .. اما عن نشر تسجيلاتى فى السوق وبمصاحبة ايقاع .. الموضوع مش سهل زى ما انت فاهم .. يعنى زمان ايام ماكان فيه فن .. كان ممكن المنتج بيبحث عن الحاجات الحلوة او الجديدة وهو بيدفع تكاليف التسجيل والعازفين الاضافيين زائد اجر العازف الاساسى وعمل النسخ من الشريط ثم عشان يكسب كويس اوى بيعمل دعاية بحيث ان الجمهور يشتاق يشوف ايه الدعاية الكبيرة دى وبعد ما الجمهور كان بيشترى الشريط بكثافة والمنتج بيكسب اكتر مما تخيل بيخاف لا شرطة تانية تسرق الفنان وبيعمل معاه عقد بأجر اعلى من اللى اخده اول مرة وهكذا ده اللى كان زمان .. لكن دلوقتى انا اللى لازم اروح شركة انتاج واعرض عليهم عملى وبالطبع لازم اسجلهم تانى مع ايقاع وفى استوديو ومع آلتين مصاحبين لتجميل العمل زى شيللو مثلا وكونترباص .. و والله حايكسر الدنيا لأن الجماهير مشتاقة تسمع حاجة فيها فن .. بس النهاردة شركات الانتاج كلها عشان الفن بقا هابط مش هم اللى بيصرفوا .. يعنى حايطلبوا منى انتج الالبوم بكافة تكالفه والدعاية يعنى هم مايدفعوش مليم ويقوموا بعملية التوزيع على المحلات فقط وبياخدوا نصف المكسب .. والعملية دى هى اللى انت بتشوف فيها الفن الزبالة اللى فى السوق يعنى المطرب هو اللى بيصرف وبعدين لو الشريط كسب يقاسموه فى المكسب وتانى مرة لو اصبح نجم يعنى بيبقى فيه كلام تانى .. الطريقة دى بيعملوها ليه ؟ لأن افرض الشريط خسر يبقى المطرب يشرب الخسارة لوحده وهو حر يكررها تانى او لأ .. ولو كسب يبقوا كسبوا من غير ما يدفعوا حاجة .. وتكاليف العملية دى كبيرة طبعا ماعنديش فلوس زيادة كده بحيث انى اعملها .. وللعلم ( كالعادة الدائمة ) ممكن بعد وفاتى ان حد ياخد كل التسجيلات دى ويركب عليها ايقاع وتنقية صوت ويبيعها
مع اطيب تحياتى عادل صموئيل