طلبات نوتة أ / عادل صموئيل الجزء الثانى

**muhamadibra** · #1 08/02/2015, 17h27

اقتباس:

المشاركة الأصلية كتبت بواسطة muhamadibra

شكرا جزيلا للاخ العزيز المنير علي النوتة - بالفعل هي موجودة عندي - هل عزفها احد وتأكد منها ؟ انا مش مضبطة معايا؟؟؟ ياريت المايسترو يلقي عليها نظرة ويفيدنا
د محمد ابراهيم

الاخوة الاحباء
مشكلة مقدمة حكم علينا الهوى ( وانتم عارفين ان كل عملاق بيبقى لازم فى كل اغنية إن عشان تبقى حاجة مختلفة ) ال .. إن فى المقدمة دى بالذات انها ادليب على ميزان على تقاسيم يعنى كوكتيل من المشاكل اللى لازم اللى يعزفها يكون بيعزف سماعى ويسترشد بالنوتة لأن لو ركزت فى النوتة فقط مش حاتطلع زى ما انت سامعها دى اللى مخلينى متردد فى كتابتها من زمان
مع اطيب تحياتى عادل صموئيل

دي بتطلع سلطة ولا علاقة لها بالحقيقة -- طيب يا مايسترو انا لا اعرف اعزف سماعي - هل ممكن اسمع اجزاء صغيرة واحاول مع النوتة ؟ ولا ما فيش امل خالص - انت عارف انا دايما اسمع كلامك وانفذه
د محمد ابراهيم
اخى العزيز
ده الحل السريع دلوقتى امسك جملة جملة .. لكن انت حاول لو بتعزف عود مثلا انك تمسك العور اعزف مثلا نغمة صول بعدين روح لأى نغمة تانية يعنى اعمل مع نفسك جولة موسيية حرة ممكن تلاقى نفسك وصلت لكذا حرف وراعض بعض بيمثلوا جزء من لحن انت تعرفه وبالتدريج ممكن توصل .. يعنى الموسيقى بتتكون من ايه .. تبدأ بحرف ما بعدين الحرف التالى صاعد ولا هابط يعنى انتى بتعزف صول مثلا لو صاعد يبقى فى الاتجاه لا ولو هابط يبقى فى الاتجاه فا .. بعدين النغمة التانية بعدية ولا قريبة يعنى من صول تبقى لا او لابيمول ولا سى مثلا وهكذا يعنى امسك اى لحن تكون حافظه اوى وتخيل النغمات بتروح فين اصل فيه مليون طريقة للعزف السماعى
مع اطيب تحياتى عادل صموئيل

**muhamadibra** · #2 08/02/2015, 18h21

اشكرك يا مايسترو علي هذه النصائح الغالية وقد اتبعتها كما وجهتني من قبل والحمد لله تجاوزت موضوع التعرف علي النغمات علي العود - ولكني اعزف فقط من النوتة ويصعب علي العزف السماعي --- لكن حوالي 95% من نوتاتك اعزفها بصورة مرضية ولذلك اعتقد ان هناك عبقرية التدوين (التي تتبناها دائما لمساعدة كل المستويات ) لكن هل النوتة المنشورة لحكم علينا الهوي صحيحة والعيب في انا؟ مع كل الشكر للاهتمام والرد السريع
د محمدابراهيم
https://www.youtube.com/watch?v=FRtzLsWojkY
هذا رابط لاحد محاولاتي - ياريت اسمع رأيك يا مايسترو

ماشى الحال بس فيه حاجتين اول حاجة العود عايز يدوزن شوية تانى حاجة فى النغمات الطويلة استعمل الفرداج احسن يعنى يكون العزف متصل مش متقطع مع اطيب تحياتى عادل صموئيل

**المنير** · #3 09/02/2015, 00h10

اقتباس:

المشاركة الأصلية كتبت بواسطة muhamadibra

اشكرك يا مايسترو علي هذه النصائح الغالية وقد اتبعتها كما وجهتني من قبل والحمد لله تجاوزت موضوع التعرف علي النغمات علي العود - ولكني اعزف فقط من النوتة ويصعب علي العزف السماعي --- لكن حوالي 95% من نوتاتك اعزفها بصورة مرضية ولذلك اعتقد ان هناك عبقرية التدوين (التي تتبناها دائما لمساعدة كل المستويات ) لكن هل النوتة المنشورة لحكم علينا الهوي صحيحة والعيب في انا؟ مع كل الشكر للاهتمام والرد السريع
د محمدابراهيم
https://www.youtube.com/watch?v=FRtzLsWojkY
هذا رابط لاحد محاولاتي - ياريت اسمع رأيك يا مايسترو

السلام عليكم
بالنسبة لعازف عود متمرس يمكن قراءة نوطة موسيقى نهوند دو مثلا و عزفها على الصول بحيث أن محطات الأصابع متشابهة في المقامين. يمكن تحويل الموسيقى من درجة الدو إلى درجة الصول ببعدين و نصف أي 5 أنصاف الأبعاد transposition و ذلك باستعمال برنام كال néro مثلا. يتضمن هذا الأخير برنامج يدعى nero wave editor تجده في القائمة "إبدأ". ثم تتبع الخطوات المبينة في الفيديو التالي:
أنا أتوفر على nero wave editor بمفرده استعمله للتقطيع و transposition و تحسين جودة الصوت.......
فإذا أعجبتك الفكرة يمكنني رفع nero wave editor إلى المنتدى مع شرح مبسط. ما رأي الأستاذ عادل؟

الاخ العزيز جدا المنير
اتمنى طبعا ان ترفع اى برناممج يفيد الاعضاء وللعلم انا شخصيا استفدت جدا جدا من برامج كتير انت نزلتهالى والتميز ان البرامج اللى بتنزلها بتبقى كاملة وطبعا لا تبخل علينا بالشرح وانا افضل انك لما تنزل البرنامج تكتب اول حاجة وظيفة البرنامج ودى مهمة جدا لأن ممكن يكون حد محتاج تلك الوظيفة بالذات مع اطيب تحياتى عادل صموئيل

**muhamadibra** · #4 09/02/2015, 00h37

أخي المنير انت استاذ دكتور كبير جدا --- الله يوفقك دائما -- وشكرا جزيلا للشرح الوافي - لكن عزفك الرائع ده علي الاورج هل يمكن للعود ان يصل حتي الي جزء منه ام ان هذه الاغنية يصعب تنفيذها علي العود؟؟؟
د محمد ابراهيم